Әйелдер арасындағы ел чемпионатына қатысатын командалар үшін трансфер ашылды

KFF League 2025 жылғы маусымға арналған әйелдер арасындағы Қазақстан чемпионатына қатысушы клубтар үшін екінші (жазғы) трансферлік кезең басталатынын хабарлайды.

Трансферлік терезе 5 шілде ашылып, 29 тамыз күні аяқталады.

Бұл тіркеу кезеңі аясында клубтар Қазақстан футбол федерациясының (ҚФФ) ұйымдастыруымен өтетін әйелдер арасындағы лигаға жаңа ойыншыларды қоса алады. Футболшыларды қосымша тіркеу 29 тамыз күнін қоса алғанда аяқталады.

Командалардың құрамындағы жедел өзгерістер KFF League ресми сайтында клубтардың профильдерінде жарияланып отырады. Бұл ақпараттар кәсіби клубтар арасындағы жарыстарды өткізу дирекциясына тиісті тіркеу құжаттары түскен сәттен бастап қолжетімді болады.

Айта кетейік, биыл алғаш рет әйелдер арасындағы Қазақстан чемпионатына 14 команда қатысып жатыр.