Омаров Марат Талгатович
Президент
Марат Омаров 1988 жылы 20 қыркүйекте дүниеге келді. 2010 жылы «Болашақ» бағдарламасы бойынша Британияның Йорк университетін «Философия, саясаттану және экономика» мамандығы бойынша тәмамдаған. 2011 жылы Лондон экономика және саяси ғылымдар мектебін (LSE) бітіріп, әлеуметтік ғылымдар магистрі дәрежесін алған. 2012-2014 жылдары - Экономикалық даму және сауда, кейіннен- Экономика және бюджеттік жоспарлау, Ұлттық экономика министрінің кеңесшісі. 2014-2016 жылдары - ҚР Ұлттық экономика министрлігінің тарифтік және институционалдық саясатты қалыптастыру департаменті директорының орынбасары. 2016-2017 жылдары – «Қазақтелеком» АҚ-ның басқарушы директоры. 2017-2019 жылдары - «Технологиялық даму жөніндегі ұлттық агенттік» АҚ Басқарма төрағасы, трансформациядан кейін – «QazTech Ventures» АҚ Басқарма төрағасы («Бәйтерек «ҰБХ» АҚ құрылымына кіреді). 2019 жылдан бастап 2020 жылғы қазанға дейін – «Бәйтерек «ҰБХ» АҚ басқарушы директоры - Басқарма мүшесі. «Қазақстанның тұрғын үй құрылыс жинақ банкі» АҚ, «Қазына Капитал Менеджмент» АҚ, «Қазақстанның Даму Банкі» АҚ Директорлар кеңесінің мүшесі. 2020 жылғы қазаннан 2022 жылғы тамызға дейін — ҚР Бәсекелестікті қорғау және дамыту агенттігі төрағасының орынбасары болды. 2022 жылғы 16 тамызда ҚР Бәсекелестікті қорғау және дамыту агенттігінің төрағасы лауазымына тағайындалды.
Лория Давид Григорьевич
Бас хатшы
Давид Лория – қазақ футболы тарихындағы ерекше тұлғалардың бірі. Футболшы мансабында «Жеңіс», «Есіл», «Шахтер», «Хальмстад» (Швеция), «Спартак-Нальчик» (Ресей), «Астана», «Ертіс», «Ризеспор» (Түркия), «Қайрат», «Каршияка» (Түркия), «Ордабасы» клубтарында ойнады. Қазақстан ұлттық құрамасында 47 ойын өткізіп, қақпашылар арасында рекорд жасады. 1999 жылы Қазақстан жастар құрамасы сапында Нигерияда өткен әлем чемпионатына қатысты. Мансабын аяқтағаннан кейін Давид Григорьевич «Астана» футбол клубында, Астана қаласының футбол федерациясында және «Super Bol» жобасында басшылық қызметтер атқарды. 2019-2022 жылдары УЕФА UEFA MIP – UEFA Executive Master for International Players магистрлік бағдарламасы бойынша спорт менеджменті саласында білім алды.
Бахытжан Пазылхайыр
Кәсіби клубтар арасында жарыстар өткізу дирекциясының басшысы
Қызылорда қаласында туған. Заң ғылымдарының магистрі. Мемлекеттік қызметте, корпоративтік басқаруда және партиялық қызметте тәжірибесі бар. Еңбек жолын жеке сектордан бастап, 2010-2013 жылдар аралығында жұмыс істеді. Кейін 2013 жылдан бастап мемлекеттік және партиялық құрылымдарда бірқатар қызметтерді атқарған. «Нұр Отан» партиясы төрағасының бірінші орынбасары хатшылығының кеңесшісі болды. Сосын Алматы қаласы әкімінің аппаратында жұмыс істеп, бас маманнан Бостандық ауданы әкімінің орынбасарына дейін көтерілді. 2019-2020 жылдар аралығында Астана қаласында мәдениет және спорт саласында басшылық қызметтерді атқарған. Астана қаласы Мәдениет және спорт басқармасы басшысының орынбасары, кейін Мәдениет басқармасы басшысының міндетін атқарды. Amanat партиясында аймақтық инспектор, кейін Орталық аппарат хатшылығының меңгерушісі болған. 2022 жылы өнеркәсіп саласына ауысып, Ақтау қаласындағы «Sewon-Vertex Heavy Industry» ЖШС мұнай-газ жабдықтарын шығаратын зауыттың бас директорының орынбасары қызметін атқарды. 2023 жылы «ҚазМұнайГаз» ұлттық мұнай-газ компаниясында еңбек жолын бастады: алдымен әлеуметтік саясат және ішкі коммуникациялар бөлімінің бастығы, кейін «KMGPetroChem» ЖШС кәсіпкерлікті қолдау департаментінің директоры болып қызмет істеді.