Думан Нәрзілдаев: «Қайсар» – қазақы команда. Біз бір-бірімізге бауырмыз

Қызылорданың «Қайсар» клубы биыл тек қазақстандық футболшылармен ойнауға шешім қабылдады. Соған қарамастан Виктор Кумыков шәкірттері кез келген командаға төтеп беріп жатыр. Әсіресе, өз алаңында «Қайрат», «Астана», «Тобыл» секілді Премьер-лиганың көшбасшы клубтарымен тең ойнап шықты. Осы ретте «Қайсарды» өрге сүйреп жүрген, команда капитаны Думан Нәрзілдаевпен KFF League тілшісі сұхбаттасты.

 – Думан, «Елімайға» дейін «Қайсардың» жеңіліссіз сериясы 5 ойынға жалғасты. Сол серияны жалғастыруға не жетістпеді? 

 – «Елімайдан» өте өкінішті жағдайда ұтылдық. Негізі үш ұпайға лайық болдық. Оған дейін бес матчтың екеуінде жеңіске жетіп, үшеуінде тең түстік. Сол сәтті сериямызды енді қайта бастағымыз келеді. 

– Жазғы трансфер ашылды. Жаңа футболшылар келуі мүмкін бе?

 – Ол жағын біз білмейміз, бірақ келуі мүмкін деп жатыр. Дегенімен оны басшылық шешеді.

 – Жалпы, тек қазақстандық ойыншылармен, жақсы нәтижеге жетуге бола ма?

 – Әрине жетуге болады. Өйткені Қазақстанда талантты ойыншылар өте көп. Қазір жас ойыншыларымыз бар, нәтиже көрсетіп жүрген. Құдай қаласы осы командамен жақсы нәтижелер көрсетіп, одан да мықты командаларға көшсе деймін.  

 – Бұрын «Қайсарда» легионерлер ойнады. Ал қазір орталық алаңдағы барлық қара жұмыс Айбол Әбікен екеуіңе түсіп тұр…

 – Тек Айбол екеуімізге ғана емес, бүкіл командаға ауыр жүк түсіп отыр. Бір бірімізді қолдап, сенім қажет. Біз жастарға үміт арттып, олар бізге сеніп, бір жұдырықтай ойнасақ жақсы нәтижелерге жетіп қалармыз. 

– Жауапкершілікті қаншалықты сезінесіңдер?

– Әрине ауыр, әр матч сайын қыин болады. Бірақ барын оны көрсетпеуге тырысамыз, өйткені бізге де жас балалар көмектесіп жатыр. Бағана айтып кеткендей, егер бір бірімізге көмессек, онда бәрі оңай болады.

– «Қайсардан» басқа командалардан қыста ұсыныс түсті ме?

 – Иә, болды. Алдыңғы жылы «Қайсарға» оралған едім, сондықтан қайта клубты тастап кетуге ойымда болмады. Клуб тек жергілікті ойыншылар мен қазақстандықтармен ойнайтын болғасын клубтан кетуді ойдамадым. Сондықтан осы командамен жақсы нәтиже көрсетуге тырысып жатырмыз 

– Биылғы маусымда қай ойыншының ойыны көңілден шығып жүр?

 – Барлық ойыншылар еңбек етіп жатыр, әсіресе жас ойыншылар өздерін көрсетуге тырысып жатыр. Ешкімді бөліп жарғым келмейді, бірақ өзін жақсы көрсетіп жүрген ойыншыларымыз бар. Алдымызда әлі екінші айналым бар, сол кезде өздерін тағы көрсетер деп сенемін. 

– Қызылорда командасында бірнеше жас футболшының ойынына куә болып жүрміз. Біразы негізгі құрамда ойнайды. Оларға ағалық ақылынды айтып тұрасың ба?

– Біз үлкен болғаннан кейін ақылымызды айтамыз. «Қайсар» қазақы команда болғандықтан, бұл жерде бәрі бір біріне аға, бауыр. Сондықтан әр қашанда қолдап жүруге тырысамыз.

– Сәттілік тілейміз!

– Рахмет.