Айбек Қабылша: «Тобыл» Семейдегі ойында фаворит, «Елімайды» жеңуі мүмкін

4-6 маусым аралығында қатарынан үш күн бойы Қазақстан Премьер-лигасының 15-тур ойындары өтеді.  Осы матчтар қарсаңында белгілі спорт комментаторы Айбек Қабылша KFF League сайтына өз болжамын жасады.

«Қайрат» – «Тұран»

Бұл ойында алматылықтар еш қиындықсыз женеді деп ойлаймын, ірі есеп тіркелуі керек. Дастан Сәтпаев кемі дегенде 2 гол соғады деген болжам бар. «Тұран» жылдамдықпен құлдырап бара жатыр: соңғы ойындарда жеңіліп жүр. Өткен аптада «Ақтөбеден» ірі есеппен ұтылды. Дәл қазір «Қайратты» «Қайрат» «қызыл-ақтардан» мықты деп айта аламын. Иә, алматылықтар екі ойыншыдан айырылды, бірақ олар қандай да құрам болмасын «Тұраннан» басым түседі. 

«Жеңіс» – «Ұлытау» 

Бұл ойынның фавориті әрине елорда клубы. «Жеңіс» кеше ғана Қостанайдан бір ұпай алып келді. Бірақ Демченко шәкірттеріне екінші таймда мінез жетіспей жүрген секілді. Соңғы ойындарда алға шығып, жеңісті ұстай алуға шамалары жетер емес. Кейде сәттілік жолдас болмай қалады. Осы кездесуде алаң иелері 3 ұпай алу үшін бар күшін салады. «Ұлытаудың» тізгінін жақында Нұркен Мәзбаев ұстады. Мықты бапкер, бірақ командаға келуіне тек біраз күн болды. Сондықтан «Жеңіс» кемі ұтылмайды. 

 «Қызылжар» – «Ордабасы»

Нақты фаворитті айту қиын, екі команда турнирлік кестеде көршілес орналасқан. Дегенмен «Ордабасы» құрамы «Қызылжарға» қарағанда әлде қайда мықтырақ. Өткен турда «Астанамен» болған кездесуде петропавлдықтардың ойыны маған ұнады. Сондықтан Чурчич шәкірттерінен кез келген нәтиже күтуге болады. Осы жолы да «Қызылжар» кемі ұтылмайды, жеңіске де жетуі әбден мүмкін. 

 «Ақтөбе» – «Атырау»

Батыс дербиі тартысты болмақ. Жуковский «Тұраннан» біршама ойыншыларын өзімен бірге алып келді. «Атырауға» қәзір қимылдамаса, онда қиынға соғуы мүмкін. Премьер-лигада қалуы үшін қателеспесем кемі бес ойын ұту керек. Сонымен қоса турнирдегі бәсекелестерінің жеңілісі қажет. «Ақтөбе» болса мықты трансферлер жасады: Шушеначев, Жуков, Соса секілді ойыншыларды қатарына қосты. «Қызыл-ақтар» әрине фаворит болып саналады, бірақ егер ұтылып жатса, онда бас бапкерді алып тастау қажет деп ойлаймын. 

 «Елімай» – «Тобыл»

Ойын Семейде өтетін болғанымен, менің ойымша «Тобыл» – фаворит. Семейліктердің ойындары жүрмей жүр. Иә, олар Қызылордадан соңғы минуттарда жеңісті жұлып әкетті, бірақ қалай дегенде сұрақтар туындайды. «Тобыл» чемпиондық амбициясы бар команда, өз-өзімен тыныш мақсаттарын орындап келе жатыр. Қостанайлықтар кемі жеңілмейді, жеңіп кетуі де мүмкін. «Елімайды» құрметтеймін, бірақ ойыны жүрмей жатқан сияқты. Соңғы көрсетіп жүрген ойындары көңілімнен шықпайды. Егер чемпиондыққа таласамын десе, онда біраз мәселелерге назарын бөлу қажет. 

 «Жетісу» – «Астана»

«Астана» жеңіске жету керек. Самат Смақов жақсы команда жасақтады: « «Ақтөбені» ұтып, «Қайраттан» ұпай алды. Бірақ «Астанамен» матчта жеңіске, не болмаса тең ойнайды деп ойламаймын. 

 «Оқжетпес» – «Қайсар»

Қызылорда клубына сенемін. Кемі ұтылмайды. Матч Шымкентте өтеді. Ал оңтүстіктің ауа-райына «Қайсар» әбден төселген, онда ойыншылар ыстықта қалай допты тебу керек екенін жақсы біледі. Иә, «Оқжетпестің» ойыншылары маусымда біраз шулатты, бірақ қазір көктемдегідей қарқын жоқ. Оның үстіне бас бапкері кетіп қалды. Мұрат Тілешовтың командасы әрине барын салуға тырысады, кеше ғана Көкшетаудың әкімімен кездесті. Алайда «Қайсарда» осал емес. «Оқжетпес» үздік алтылықта тұрғанымен – менің фаворитім «қасқырлар».