19 және 20 сәуір күндері Премьер-лиганың бесінші турының матчтары өтті.
Матч нәтижелері:
«Ұлытау» – «Оқжетпес» – 0:1
«Ордабасы» – «Жетісу» – 1:0
«Атырау» – «Қызылжар» – 1:2
«Тобыл» – «Ақтөбе» – 2:0
«Қайсар» – «Қайрат» – 0:0
«Тұран» – «Астана» – 1:1
«Жеңіс» – «Елімай» – 0:1.
19 сәуір
«Ұлытау» – «Оқжетпес» – 0:1
Гол: Жұмат, 43-пенальтиден (0:1).
Бұл турдың шымылдық ашар ойыны Жезқазғанда өтті. Былтырғы маусымда Бірінші лигада ойнап келген қос ұжым өзара кездесті. Осы ойынның алдында «Оқжетпес» қарсыласынан екі ұпай артық жинаған еді. Бұл матчтан соң, айырмашылық бес ұпайға дейін көбейді. Өйткені аталған кездесуде Көкшетау командасы бір доп айырмасымен жеңіске жетті. Үзіліске шығар тұста «Оқжетпес» пенальти тебуге мүмкіндік алды. Нүктеге келген Дәурен Жұмат мүлт кеткен жоқ. Осы гол ойын тағдырын шешті. Оның үстіне, екінші таймда алаң иелері сапынан команда капитаны Жасұлан Молдақараев қызыл қағаз алды. Қорытынды есеп – 0:1.
«Ордабасы» – «Жетісу» – 1:0
Гол: Мораес, 45+3 (1:0).
«Ордабасы» осы маусымда алғаш рет Шымкентте ойнады. Бұған дейін команда Түркістанда ойнап жүрген еді. Бұл жолы «Намыс» стадионында Талдықорғанның «Жетісу» командасын қабылдады. Онысы әрі сәтті болды. Команда биылғы маусымдағы алғашқы үш ұпайына қол жеткізді. Есеп бірінші таймға қосылған қосымша уақытта соғылды. Гол авторы – Эвертон Мораес.
Үзілістен кейін Андрей Мартин шәкірттері есепке ойнады. Қарсыластың еркін көсілуіне мүмкіндік бермеді. Сөйтіп, жеңісті сақтап қалды.
Ал «Жетісу» әзірге жеңіске жетпеген ұжымдардың бірі ретінде қала бермек.
«Атырау» – «Қызылжар» – 1:2
Голдар: Барбоса, 21 автогол (0:1).Сапанов, 71 (1:1). Зорич, 90+6 (1:2).
Алаңнан қуылды: Гадрани, 90+5.
Петропавл командасы Атырауға жаңа бапкермен келді. Қазақстандық жанкүйерлерге жақсы таныс сербиялық маман Милич Чурчичтің жаңа жорығы сәтті басталды. Ол «Қызылжармен» дебюттік ойында үш ұпайға ие болды.
Матчқа тоқталсақ, бірінші таймның ортасында алаң иелері сапынан Матеус Барбоса өз қақпасына гол соғып, қонақтарға сыйлық жасады. «Атырау» таразы басын тек 71-минутта теңестіре алды. Мергендігімен көзге түскен – команда капитан Мейрам Сапанов.
Бірақ Константин Горовенко шәкірттері тең есепті де ұстап қала алмады. Төреші қосқан қосымша уақытта Гадрани жеңіс голын соғып, «Қызылжарға» үш ұпай сыйлады.
«Тобыл» – «Ақтөбе» – 2:0
Голдар: Вукчевич, 45+1 (1:0). Чесноков, 78 (2:0).
Осы турдың орталық ойыны Қостанайда өтті. Кезінде «Тобыл» мен «Ақтөбе» матчы «Ел-классикосы» аталатын. Бұл матч жанкүйерлерді ешқашан бейжай қалдырған емес.
Жүлделі орындардан үмітті екі команда арасындағы кездесуде алаң иелері жеңіске жетті. Есепті үзіліске шығар тұста Вукчевич ашты.
Екінші таймда «Ақтөбенің» таразы басын теңестіретін бірнеше мүмкіндігі болған. Алайда футболдағы «Сен соқпасаң саған соғады» деген жазылмаған қағидасы жүзеге асты. Қостанай командасы екінші голды кіргізіп, ойын тағдырын шешті. Мергендік танытқан – ұлттық құрама ойыншы Ислам Чесноков. Сөйтіп, «Тобыл» турнир кестесінде қарсыласын басып озды. Ал «Ақтөбе» осы маусымдағы алғашқы жеңілісіне ұшырады.
20 сәуір
«Қайсар» – «Қайрат» – 0:0
Ел чемпионы «Қайрат» Қызылордаға қонаққа барды. Бұған дейін Алматы командасының Виктор Кумыковтың шәкірттерімен кездескенде, соңғы жылдары жиі ұпай жоғалтатынын жазған едік. Бұл жолы да солай болды. Матчта есеп ашылған жоқ.
Айтпақшы, «Қайрат» осы маусымда алғаш рет алаңнан голсыз кетті.
«Тұран» – «Астана» – 1:1
Голдар: Томасов, 30 (0:1). Мухторов, 84 (1:1).
«Қайрат» пен «Ақтөбенің» ұпай жоғалтқанын «Астана» да тиімді пайдалана алмады. Олар Түркістанда «Тұранмен» тең түсті.
Есепті бірінші таймда премьер-лиганың биылғы маусымдағы үздік сұрмергені Марин Томасов ашқан. Екінші кезеңде «Тұран» сапынан Мухторов теңестірді. Қорытынды есеп – 1:1.
«Жеңіс» – «Елімай» – 0:1
Гол: Одеоибо, 90+1 (0:1).
Бесінші тур Астанада аяқталды. Елордада «Жеңіс» пен «Елімай» кездесті. Алаң иелері осыған дейін қатарынан төрт матчты тең аяқтаған. Осы жолы да соған жақын болған. «Жеңіс» қорғаныста сауатты ойнап, «Елімайдың» гол соғуына ұзақ уақыт мүмкіндік бермеген еді. Бірақ соңғы минуттарда бұрыштама добы кезінде
Самюэль Одеоибо сәтті ойнап, жеңіс голын соқты. Қорытынды есеп – 0:1.
Осылайша, Андрей Карпович шәкірттері көшбасшы командалардың қатарына қосылды. Ал «Жеңіс» маусымдағы алғашқы жеңілісіне ұшырады.
Алтыншы тур аясында келесі кездесулер өтеді:
26 сәуір
«Оқжетпес» – «Жеңіс»
«Ақтөбе» – «Ұлытау»
«Жетісу» – «Елімай»
«Астана» – «Атырау»
27 сәуір
«Қызылжар» – «Қайсар»
«Қайрат» – «Тобыл»
«Ордабасы» – «Тұран».
Матч нәтижелері:
«Ұлытау» – «Оқжетпес» – 0:1
«Ордабасы» – «Жетісу» – 1:0
«Атырау» – «Қызылжар» – 1:2
«Тобыл» – «Ақтөбе» – 2:0
«Қайсар» – «Қайрат» – 0:0
«Тұран» – «Астана» – 1:1
«Жеңіс» – «Елімай» – 0:1.
19 сәуір
«Ұлытау» – «Оқжетпес» – 0:1
Гол: Жұмат, 43-пенальтиден (0:1).
Бұл турдың шымылдық ашар ойыны Жезқазғанда өтті. Былтырғы маусымда Бірінші лигада ойнап келген қос ұжым өзара кездесті. Осы ойынның алдында «Оқжетпес» қарсыласынан екі ұпай артық жинаған еді. Бұл матчтан соң, айырмашылық бес ұпайға дейін көбейді. Өйткені аталған кездесуде Көкшетау командасы бір доп айырмасымен жеңіске жетті. Үзіліске шығар тұста «Оқжетпес» пенальти тебуге мүмкіндік алды. Нүктеге келген Дәурен Жұмат мүлт кеткен жоқ. Осы гол ойын тағдырын шешті. Оның үстіне, екінші таймда алаң иелері сапынан команда капитаны Жасұлан Молдақараев қызыл қағаз алды. Қорытынды есеп – 0:1.
«Ордабасы» – «Жетісу» – 1:0
Гол: Мораес, 45+3 (1:0).
«Ордабасы» осы маусымда алғаш рет Шымкентте ойнады. Бұған дейін команда Түркістанда ойнап жүрген еді. Бұл жолы «Намыс» стадионында Талдықорғанның «Жетісу» командасын қабылдады. Онысы әрі сәтті болды. Команда биылғы маусымдағы алғашқы үш ұпайына қол жеткізді. Есеп бірінші таймға қосылған қосымша уақытта соғылды. Гол авторы – Эвертон Мораес.
Үзілістен кейін Андрей Мартин шәкірттері есепке ойнады. Қарсыластың еркін көсілуіне мүмкіндік бермеді. Сөйтіп, жеңісті сақтап қалды.
Ал «Жетісу» әзірге жеңіске жетпеген ұжымдардың бірі ретінде қала бермек.
«Атырау» – «Қызылжар» – 1:2
Голдар: Барбоса, 21 автогол (0:1).Сапанов, 71 (1:1). Зорич, 90+6 (1:2).
Алаңнан қуылды: Гадрани, 90+5.
Петропавл командасы Атырауға жаңа бапкермен келді. Қазақстандық жанкүйерлерге жақсы таныс сербиялық маман Милич Чурчичтің жаңа жорығы сәтті басталды. Ол «Қызылжармен» дебюттік ойында үш ұпайға ие болды.
Матчқа тоқталсақ, бірінші таймның ортасында алаң иелері сапынан Матеус Барбоса өз қақпасына гол соғып, қонақтарға сыйлық жасады. «Атырау» таразы басын тек 71-минутта теңестіре алды. Мергендігімен көзге түскен – команда капитан Мейрам Сапанов.
Бірақ Константин Горовенко шәкірттері тең есепті де ұстап қала алмады. Төреші қосқан қосымша уақытта Гадрани жеңіс голын соғып, «Қызылжарға» үш ұпай сыйлады.
«Тобыл» – «Ақтөбе» – 2:0
Голдар: Вукчевич, 45+1 (1:0). Чесноков, 78 (2:0).
Осы турдың орталық ойыны Қостанайда өтті. Кезінде «Тобыл» мен «Ақтөбе» матчы «Ел-классикосы» аталатын. Бұл матч жанкүйерлерді ешқашан бейжай қалдырған емес.
Жүлделі орындардан үмітті екі команда арасындағы кездесуде алаң иелері жеңіске жетті. Есепті үзіліске шығар тұста Вукчевич ашты.
Екінші таймда «Ақтөбенің» таразы басын теңестіретін бірнеше мүмкіндігі болған. Алайда футболдағы «Сен соқпасаң саған соғады» деген жазылмаған қағидасы жүзеге асты. Қостанай командасы екінші голды кіргізіп, ойын тағдырын шешті. Мергендік танытқан – ұлттық құрама ойыншы Ислам Чесноков. Сөйтіп, «Тобыл» турнир кестесінде қарсыласын басып озды. Ал «Ақтөбе» осы маусымдағы алғашқы жеңілісіне ұшырады.
20 сәуір
«Қайсар» – «Қайрат» – 0:0
Ел чемпионы «Қайрат» Қызылордаға қонаққа барды. Бұған дейін Алматы командасының Виктор Кумыковтың шәкірттерімен кездескенде, соңғы жылдары жиі ұпай жоғалтатынын жазған едік. Бұл жолы да солай болды. Матчта есеп ашылған жоқ.
Айтпақшы, «Қайрат» осы маусымда алғаш рет алаңнан голсыз кетті.
«Тұран» – «Астана» – 1:1
Голдар: Томасов, 30 (0:1). Мухторов, 84 (1:1).
«Қайрат» пен «Ақтөбенің» ұпай жоғалтқанын «Астана» да тиімді пайдалана алмады. Олар Түркістанда «Тұранмен» тең түсті.
Есепті бірінші таймда премьер-лиганың биылғы маусымдағы үздік сұрмергені Марин Томасов ашқан. Екінші кезеңде «Тұран» сапынан Мухторов теңестірді. Қорытынды есеп – 1:1.
«Жеңіс» – «Елімай» – 0:1
Гол: Одеоибо, 90+1 (0:1).
Бесінші тур Астанада аяқталды. Елордада «Жеңіс» пен «Елімай» кездесті. Алаң иелері осыған дейін қатарынан төрт матчты тең аяқтаған. Осы жолы да соған жақын болған. «Жеңіс» қорғаныста сауатты ойнап, «Елімайдың» гол соғуына ұзақ уақыт мүмкіндік бермеген еді. Бірақ соңғы минуттарда бұрыштама добы кезінде
Самюэль Одеоибо сәтті ойнап, жеңіс голын соқты. Қорытынды есеп – 0:1.
Осылайша, Андрей Карпович шәкірттері көшбасшы командалардың қатарына қосылды. Ал «Жеңіс» маусымдағы алғашқы жеңілісіне ұшырады.
Алтыншы тур аясында келесі кездесулер өтеді:
26 сәуір
«Оқжетпес» – «Жеңіс»
«Ақтөбе» – «Ұлытау»
«Жетісу» – «Елімай»
«Астана» – «Атырау»
27 сәуір
«Қызылжар» – «Қайсар»
«Қайрат» – «Тобыл»
«Ордабасы» – «Тұран».