KFF Awards 2026 салтанатты марапаттау рәсімінде Қазақстан Екінші лигасының 2026 жылғы маусым қорытындысы жарияланды.
«Солтүстік-Шығыс» және «Оңтүстік-Батыс» конференцияларының үздік ойыншылары, сұрмергендері мен жаттықтырушылары марапатталды.
«Солтүстік-Шығыс» конференциясында маусымның үздік футболшысы атағын «VPR Astana» клубының ойыншысы Әлібек Жәрдемов жеңіп алды. Ол чемпионат барысында 22 гол соғып, 16 нәтижелі пас берген.
Ал үздік сұрмерген болып «Ансат» командасының 19 жастағы шабуылшысы Илья Кругляков танылды. Жас футболшы маусымды 23 гол және бес нәтижелі паспен аяқтады.
Конференцияның үздік жаттықтырушысы атағы қарағандылық «Шахтер» клубының өкілі Максим Самченкоға бұйырды.
«Оңтүстік-Батыс» конференциясында үздік ойыншы болып «Хромтау» клубының 20 жастағы футболшысы Никита Стрижков танылды. Ол маусым барысында 12 гол соғып, үш нәтижелі пас берген.
Үздік сұрмерген атағын «Жас Қыран» клубының 19 жастағы шабуылшысы Нұрайдар Әскербек иеленді. Оның еншісінде 13 гол мен екі нәтижелі пас бар.
Ал конференцияның үздік жаттықтырушысы болып «Хромтау» командасының бапкері Ақниет Сахман танылды. Оның жетекшілігімен клуб өз конференциясының жеңімпазы атанды.
2026 жылғы маусымда «Солтүстік-Шығыс» конференциясында 90 кездесу өткізіліп, 360 гол соғылған. Ал «Оңтүстік-Батыс» конференциясында 81 матчта 330 гол тіркелген.
Осылайша, Екінші лиганың екі конференциясында алты жеке марапат табысталып, «Хромтау» клубының өкілдері екі аталым бойынша үздік атанды.