2026 жылғы Бірінші лига маусымының қорытындысы шығарылып, үздік футболшы, сұрмерген және жаттықтырушы анықталды. KFF Awards 2026 салтанатты рәсімінде қарағандылық «Шахтер» клубының ойыншысы Артём Литош екі бірдей марапатқа ие болды.
21 жастағы футболшы маусымның үздік ойыншысы және үздік сұрмергені атанды.
Артём Литош 2026 жылғы чемпионат барысында 24 гол соғып, он нәтижелі пас берген. Осы көрсеткіштері арқылы ол Бірінші лиганың басты жеке марапаттарын иеленді.
Ал маусымның үздік жаттықтырушысы атағы алматылық «Қайрат-Жастар» командасының бапкері Жора Арутюнянға бұйырды. Оның жас футболшылармен жүргізген жұмысы маусым қорытындысында жоғары бағаланды.
Айта кетейік, 2026 жылғы Бірінші лига чемпионатында барлығы 182 матч өткізіліп, 609 гол соғылған.
Маусым бойы стадиондарға жалпы саны 109 300 көрермен келген. Ал бір кездесудегі ең жоғары көрсеткіш 7 мың жанкүйерді құраған.
Осылайша, қарағандылық «Шахтер» клубының өкілі Артём Литош екі жеке марапатты жеңіп алса, «Қайрат-Жастар» бапкері Жора Арутюнян үздік жаттықтырушы атанды.