Бүгін «Ақтөбе» УЕФА әйелдер арасындағы Еуропа кубогының екінші іріктеу кезеңінде Нидерландтың «Аякс» командасымен кездеседі.
Қос команданың алғашқы ойыны 23 қыркүйекте Амстердамда өтеді. Матч «Sportcomplex de Toekomst» стадионында Қазақстан уақытымен сағат 22:30-да (Амстердам уақытымен 19:30) басталады.
Кездесуді «Аякстың» ресми YouTube арнасынан, сондай-ақ клубтың ресми сайты мен мобильді қосымшасынан тікелей эфирде көруге болады.
Трансляция ойын басталардан он минут бұрын қосылады.
«Ақтөбе» бұған дейін әйелдер арасындағы Чемпиондар лигасындағы жорығын аяқтап, Еуропа кубогына ауысқан еді.
Енді қазақстандық клуб «Аякспен» екі матч қорытындысы бойынша келесі кезеңге шығуға таласады.
Қарымта кездесу 30 қыркүйекте Ақтөбеде өтеді.