Кәсіби клубтар арасындағы жарыстарды ұйымдастыру дирекциясының басшысы Бақытжан Пазылхайыр Қазақстан Футбол Федерациясының (ҚФФ) басшысы Марат Омаровтың тапсырмасы бойынша өңірлерді аралап, жергілікті билік өкілдері, футбол қауымдастығы және клуб басшыларымен маңызды кездесулер өткізуде.
Басты мақсат – инфрақұрылымды дамыту, клубтарды коммерцияландыру және балалар футбол орталықтарын тиімді басқаруды қамтамасыз ету.
Қарағанды облысына жасаған сапары барысында Бақытжан Пазылхайыр өңірдегі футболдың қазіргі жағдайымен танысып, облыста футболды одан әрі дамытудың жаңа мүмкіндіктері мен шешімдерін қарастырды. Сондай-ақ, ол өңірлік футбол қауымдастығының өкілдерімен кездесуде жүйелі жұмыстың нәтижелерін уақыт көрсететінін, ең бастысы – ортақ мақсатқа ұмтылу қажеттігін атап өтті.
Кездесу соңында Бақытжан Пазылхайыр Қарағанды халқының мақтанышы саналатын «Шахтер» клубына алдағы маусымда сәттілік тіледі.