Қазақстан Премьер-лигасының 2026 жылғы маусым күнтізбесіне ресми өзгерістер енгізілді. Бірқатар кездесулердің өткізілу мерзімі ауыстырылып, чемпионаттың шешуші матчтары қазан айының соңында өтетін болды.
Негізгі өзгерістер кейінге шегерілген 23-тур матчтарына қатысты. Аталған кездесулер 17-18 қазанда өткізіледі.
Одан кейін командалар маусымның қорытынды кезеңіне кіріседі. 29-турдың матчтары 24-25 қазанға жоспарланған.
Ал Қазақстан чемпионатының соңғы, 30-туры 31 қазанда өтеді. Осы кездесулерден кейін ел біріншілігі толық аяқталады.
Осылайша, жаңартылған күнтізбе бойынша:
- 23-турдың кейінге шегерілген матчтары – 17-18 қазан;
- 29-тур – 24-25 қазан;
- 30-тур – 31 қазан.
Қазақстан Кубогы финалының өтетін күні әзірге белгіленген жоқ. Оның нақты мерзімі кейінірек жарияланады.