Қазақстан футбол федерациясының Бақылау, тәртіптік және этикалық комитеті «Алтай» – «Қызылжар» матчының нәтижесін жойып, петропавлдық клубқа 0:3 есебімен техникалық жеңіліс берді.
Бұған «Қызылжар» сапында Александр Нойоктың талаптарға сәйкес келмейтін түрде алаңға шығуы себеп болды.
ҚФФ «Алтай» – «Қызылжар» матчы бойынша шешім шығарды
2026 жылғы 12 тамызда Қазақстан футбол федерациясының Бақылау, тәртіптік және этикалық комитетінің кезекті отырысы өтті. Жиында Қазақстан Премьер-лигасы, Бірінші және Екінші лига матчтарында тіркелген тәртіптік және регламенттік мәселелер қаралды.
Комитеттің негізгі шешімдерінің бірі Премьер-лиганың 21-туры аясындағы «Алтай Өскемен» – «Қызылжар» кездесуіне қатысты болды.
КДЭК мәліметінше, аталған матчта «Қызылжар» футболшысы Александр Нойок талаптарға сәйкес келмейтін түрде ойынға қатысқан.
Осыған байланысты Чемпионат регламентінің 6.57 және 6.122-тармақтарын, сондай-ақ Тәртіптік регламенттің 51, 23-баптары мен 25-бабының 1-тармағын басшылыққа алған комитет матч нәтижесін жою туралы шешім қабылдады.
Нәтижесінде «Қызылжарға» 0:3 есебімен техникалық жеңіліс беріліп, жеңіс «Алтайға» жазылды. Осылайша, өскемендік команда аталған кездесу үшін үш ұпайға ие болды.