Қазақстан футбол федерациясы 2026 жылғы Әйелдер лигасының жартылай финалы және финал матчтары Петропавл қаласында өткізу туралы шешім қабылдады. Турнирдің шешуші кездесулерін «Қарасай» стадионы қабылдайды.
Өтетін орынды таңдау барысында өңірдің спорттық, логистикалық және ұйымдастыру мүмкіндіктері жан-жақты ескерілді. Сонымен қатар, ҚФФ Солтүстік Қазақстан облысында футболды дамытуға қосқан QYZYLJAR клубының үлесін жоғары бағалады.
Петропавлда өтетін шешуші матчтар өңір үшін маңызды оқиға болмақ әрі әйелдер футболын одан әрі дамыту мен насихаттауға серпін береді. Бұл бағытты дамыту Қазақстан футбол федерациясының стратегиялық басымдықтарының бірі болып қала береді.
Әйелдер лигасы – елдегі әйелдер командалары арасындағы басты ұлттық турнир. Чемпион атанған команда келесі маусымдағы УЕФА Әйелдер арасындағы Чемпиондар лигасында Қазақстанның намысын қорғау мүмкіндігіне ие болады.
Шешуші матчтарда көрермендерге арнап ҚФФ Солтүстік Қазақстан облысының әкімдігі және Солтүстік Қазақстан облысының дене шынықтыру және спорт басқармасының қолдауымен ауқымды Matchday шоу-бағдарламасын ұйымдастырады.
Жанкүйерлерді арнайы шақырылған әртістің өнер көрсетуі, танымал блогерлердің қатысуы, интерактивті аймақтар, ойын-сауық бағдарламалары және турнирдің финалдық кезеңін нағыз футбол мерекесіне айналдыратын мазмұнды медиа-бағдарлама күтеді.
Қазақстан футбол федерациясы Солтүстік Қазақстан облысында футболды дамытуға қосқан QYZYLJAR футбол клубының үлесін бағалайды. Клубтың жүйелі жұмысы мен өңірдің қолдауының арқасында Петропавл Әйелдер лигасының шешуші матчтарын жоғары деңгейде ұйымдастыруға толық дайын.