Футболдан Қазақстан Премьер-лигасының 2026 жылғы бірінші айналымы аяқталды. Маусымның алғашқы жартысында чемпионатқа деген жанкүйерлердің қызығушылығы жоғары деңгейде болды.
Стадиондардағы көрермендер мен цифрлық платформалардағы қаралымдарды қосқанда, жалпы аудитория 7 467 932 адамға жетті. Бұл көрсеткішке «Кинопоиск» платформасындағы қаралымдар кірмейді, сондықтан нақты аудитория бұдан да жоғары болуы мүмкін. Мәліметтер 2026 жылғы 29 маусымдағы жағдай бойынша ұсынылған.
Бірінші айналымда барлығы 122 матч өткізілді. Ойындарға жалпы 745 897 жанкүйер келіп, бір матчтың орташа көрермен саны 6 114 адамды құрады.
Цифрлық платформаларда да қызығушылық жоғары болды. Чемпионаттың ресми YouTube арнасындағы жалпы қаралым саны 6 722 035-ке жетті. Оның ішінде:
• 5 536 934 қаралым – матчтардың тікелей эфиріне (82,4%);
• 1 185 101 қаралым – ойындарға жасалған шолуларға (17,6%).
Көрермен саны бойынша көш басында «Қайрат» клубы тұр. Алматылық команданың өз алаңындағы матчтарына 197 901 жанкүйер келген. Екінші орында – «Ордабасы» (180 547), үшінші орында – «Ақтөбе» (141 686). Ал алғашқы бестікті «Астана» (136 196) мен «Қайсар» (131 074) толықтырды.
Ең көп жанкүйер жиналған матчтардың төртеуі «Қайраттың» қатысуымен өтті. Атап айтқанда, «Қайрат» – «Ақтөбе», «Қайрат» – «Қызылжар» және «Қайрат» – «Астана» кездесулерінің әрқайсысын 22 800 көрермен тамашаласа, «Қайрат» – «Елімай» матчына 21 465 адам келген. Бесінші орында «Ордабасы» – «Атырау» кездесуі бар (17 700 көрермен).
YouTube көрсеткіштері бойынша ең көп қаралған турлар:
1. 1-тур – 615 272 қаралым;
2. 12-тур – 545 857;
3. 5-тур – 474 423;
4. 2-тур – 460 542;
5. 8-тур – 439 815.
Бұл статистика Қазақстан Премьер-лигасына деген қызығушылықтың тұрақты өсіп келе жатқанын көрсетеді. Стадиондарға келетін жанкүйерлер саны мен цифрлық платформалардағы белсенділік отандық футболдың аудиториясы кеңейіп жатқанын дәлелдейді.
Ал «Кинопоиск» платформасындағы көрсеткіштер есепке алынбағанын ескерсек, чемпионаттың нақты қамту көлемі бұдан да жоғары болуы ықтимал.