Футболдан Қазақстан екінші лигасының 11-туры мәреге жетті. Бұл турда да біраз қызықты ойындар өтті.
Тур барысында бірқатар тартысты әрі нәтижелі кездесулер тіркелді. Әсіресе, Солтүстік-Шығыс конференциясында «Аңсат» өз алаңында «Ұлытау Ж» командасын 10:1 есебімен жеңіп, турдың ең ірі жеңісіне қол жеткізді. Бұл матчта алаң иелері шабуылдағы жоғары тиімділігін көрсетіп, қарсыласына еш мүмкіндік қалдырмады.
Сондай-ақ, «VPR Astana» сырт алаңда «Ертіс» жастарынан 2:0 есебімен басым түссе, «Жеңіс Ж» Петропавлдан үш ұпаймен оралды. «Шахтер Ж» өз жанкүйерлері алдында «Алтай Өскемен» жастарын 3:1 есебімен ұтып, маңызды жеңіске қол жеткізді. Ал «Жетісу Ж» мен «Оқжетпес Ж» арасындағы кездесу тең нәтижемен аяқталды.
Оңтүстік-Батыс конференциясында да қызықты ойындар аз болған жоқ. «Қайсар Ж» Шымкентте «Ордабасы» жастарын 2:0 есебімен жеңсе, «Тұран Ж» Алматыда «Жас Қыраннан» 2:1 есебімен басым түсті. «Хромтау» өз алаңында «Хан-Тәңірі» жастарын ұтып, турдағы маңызды жеңістердің біріне қол жеткізді. Ал «Талас» пен «Атырау Ж» арасындағы кездесу голсыз тең аяқталып, командалар ұпай бөлісті.
Матч нәтижелері:
Солтүстік-Шығыс конференциясы
«Аңсат» – «Ұлытау Ж» – 10:1
«Жетісу М» – «Оқжетпес Ж» – 1:1
«Ертіс Ж» – «VPR Astana» – 0:2
«Шахтёр Ж» – «Алтай Өскемен Ж» – 3:1
«Қызылжар Ж» – «Жеңіс Ж» – 0:2
Оңтүстік-Батыс конференциясы
«Хромтау» – «Хан-Тәңірі Ж» – 2:1
«Ордабасы Ж» – «Қайсар Ж» – 0:2
«Жас Қыран» – «Тұран Ж» – 1:2
«Талас» – «Атырау Ж» – 0:0