9 сәуірде футболдан Бірінші лига ойындары басталады. 2025 жылғы маусымға 14 клуб қатысады.
Бірінші турдың кестесі:
9 сәуір
«Түркістан» (Түркістан) – «Шахтер» (Қарағанды)
«Каспий» (Ақтау) – AKAS (Алматы)
Ertis (Павлодар) – «Екібастұз» (Екібастұз)
10 сәуір
«Академия Оңтүстік» (Шымкент) – «Алтай» (Өскемен)
«Тараз» (Тараз) – «Жетісай» (Жетісай)
SD Family (Астана) – «Қайрат-Жастар» (Алматы)
«Хан-Тәңірі» (Алматы) – «Ақтөбе-Ж» (Ақтөбе)
Бірінші лиганың 2025 жылғы маусымы биыл ерекше өтпек. Себебі турнирге бұған дейін Қазақстан чемпионатында топ жарған үш команда қатысады. Олар: «Тараз», «Шахтер» және Ertis. Бес дүркін ел чемпионы атанған павлодарлық команда биыл 60 жылдығын атап өтеді. Сондықтан Ertis-ті чемпиондықтан негізгі үміткерлердің қатарына қосуға толық негіз бар.
Премьер-лига ойындарының былтырғы маусым қорытындысы бойынша Қарағандының «Шахтері» алғаш рет жоғары лига қатарынан шығып қалды. Десе де, «Кеншілер» биыл бірден Премьер-лигаға оралуды жоспарлап отыр. Және де жоспарларын жүзеге асыру үшін командада барлық мүмкіндік бар.
Бұдан бөлек, былтырғы маусымда «Алтай», «Екібастұз», «Каспий» және «Хан-Тәңірі» клубтары да жақсы нәтиже көрсетті. Бірақ оларға биыл Павлодар мен Қарағанды командаларымен бәсекелесу қиынға соқпақ.
«Қайрат-Жастар» клубын да үздіктер қатарынан көрінуі әбден мүмкін. Регламент бойынша олардың Премьер-лигаға шығу құқығы жоқ болса да, ойындары турнир кестесіндегі нәтижеге айтарлықтай әсер етуі әбден мүмкін.
Бірінші лигаға қосылған тағы бір жаңа клуб – AKAS командасының ойыны көпшілікке қызық болары анық. «Хан-Тәңірі» және SD Family секілді бұл клуб Бірінші лигаға қатысатын жекеменшік командалардың бірі.