Швейцарияның Ньон қаласында УЕФА Конференция лигасының 2025/26 жылғы маусымының бірінші іріктеу кезеңіне арналған жеребе тарту рәсімі өтті.
Нәтижесінде еурокубок бәсекесіне қатысатын қазақстандық клубтардың алғашқы қарсыластары белгілі болды.
Қазақстан Премьер-лигасының өткен маусымындағы күміс жүлдегері «Астана» бірінші іріктеу кезеңінде Албанияның «Динамо Сити» командасымен кездеседі. Алғашқы матч 9 шілдеде Тирана қаласында өтсе, қарымта ойын 16 шілдеде Астанада ұйымдастырылады.
Семейдің «Елімай» клубы өз тарихында алғаш рет еурокубок жарысына қатыспақ. Конференция лигасындағы дебюттік маусымында қазақстандық команда Арменияның «Алашкерт» клубымен күш сынасады. Бірінші кездесу 9 шілдеде Ереванда өтеді, ал жауапты матч 16 шілдеде Семейде ойналады.
Осылайша, екі қазақстандық клуб та жарысты сырт алаңда бастап, өз жанкүйерлерінің алдында қарымта матч өткізеді.
Айта кетейік, Қазақстан Кубогының иегері «Тобыл» Конференция лигасындағы жолын екінші іріктеу кезеңінен бастайды
