Футболдан Қазақстан Бірінші лигасының 9-тур ойындары тартысты әрі нәтижелі өтті. Тур барысында көшбасшылар маңызды ұпайларға қол жеткізіп, бірқатар кездесулерде ірі есеп тіркелді.
Турдың орталық матчтарының бірінде қарағандылық «Шахтер» Алматыда «Хан-Тәңіріні» 2:0 есебімен жеңді. Бірінші таймда есеп ашылмағанымен, үзілістен кейін қонақтар ойын тізгінін өз қолына алды. 58-минутта Александр Мигунов бұрыштамадан кейін мергендік танытса, 89-минутта Артём Литош матчтың соңғы нүктесін қойды. Осы жеңістен кейін «Шахтёр» 22 ұпаймен турнир кестесінде екінші орынға көтерілді.
Алматыда өткен тағы бір кездесуде «Қайрат-Жастар» өз алаңында «Тобыл» жастарын аямады. Алаң иелері 7:0 есебімен жеңіске жетті. «Қайрат» жастары шабуылдағы жоғары қарқынын толық пайдаланып, турдағы ең ірі жеңістердің бірін тіркеді.
Турдың басқа матчтарына тоқталсақ, елордалық «Астана Ж» сырт алаңда «Тараздан» 2:1 есебімен басым түсті. Бұл осы турдағы басты сенсация ретінде тіркелді. «Жайық» Семейде «Елімай» жастарын 1:0 есебімен ұтса, «Оңтүстік Академиясы» қонақта «Ақтөбе» жастарын 4:1 есебімен жеңді.
12 маусым күнгі ойындарда «Батыр» мен «Арыс» 1:1 есебімен тең тарқасты. Ал Түркістанда өткен матчта «Тұран» Ақтаудың «Каспий Ж» командасын 3:0 есебімен жеңіп, маңызды үш ұпайға ие болды.
9-тур қорытындысы бойынша көшбасшылар арасындағы бәсеке одан әрі қыза түсті. Әсіресе «Шахтер» мен «Қайрат-Жастардың» сенімді жеңістері жанкүйерлер назарын аударды. Келесі турда командалар турнир кестесіндегі орындарын жақсарту үшін маңызды кездесулер өткізеді.
Матч нәтижелері:
«Қайрат-Жастар» – «Тобыл Ж» – 7:0
«Батыр» – «Арыс» – 1:1
«Ақтөбе Ж» – «Оңтүстік Академиясы» – 1:4
«Тараз» – «Астана Ж» – 1:2
«Елімай Ж» – «Жайық» – 0:1
«Тұран» – «Каспий Ж» – 3:0
«Хан-Тәңірі» – «Шахтер» – 0:2