Қазақстан футбол лигасы дирекциясының Әкімшілігі «Атырау» футбол клубының тиісті келісімімен, «Қайрат» футбол клубының Премьер-лига матчының 16-турындағы екі команда арасындағы матч күнін ауыстыру туралы өтінішін қанағаттандырды.
Осылайша, бұл кездесу 12 шілдеден 6 сәуірге ауыстырылды. Матч Атырау қаласындағы «Мұнайшы» стадионында өтеді. Ойынның басталуы – 15:00.
Сондай-ақ, аталған қарсыластардың 6 сәуірге белгіленген ҚПЛ-дің 4-турдағы ойыны 16 сәуір күні Алматы қаласындағы «Орталық» стадионында өтеді. Матчтың басталуы – 19:00.