Футболдан Қазақстан әйелдер лигасының бесінші туры өз мәресіне жетті. Биылғы маусымға еліміздің әр өңірінен 19 команда қатысып, олар А және В конференцияларына бөлінген. Командалар екі айналымдық жүйеде өзара күш сынасып, кейін үздік ұжымдар чемпиондық плей-офф кезеңіне жолдама алады.
Бесінші тур матчтары үш күнге жалғасып, жанкүйерлерге нәтижелі әрі тартысты ойындар сыйлады. Тур барысында ірі есептер де, күтпеген нәтижелер де тіркелді.
Турдың алғашқы ойындары 24 мамыр күні өтті. Қызылордада жергілікті «Қайсар» әйелдер командасы «Ордабасы» командасын қабылдап, алаң иелері 2:1 есебімен жеңіске жетті. Осылайша қызылордалық клуб маңызды үш ұпайды қоржынға салды.
25 мамырдағы кездесулерде бірқатар ірі есептер тіркелді. Жезқазғанда «Қайрат» командасы «Ұлытауды» 7:0 есебімен ойсырата жеңді. Алматылық ұжым шабуылдағы жоғары нәтижелілігін тағы бір мәрте көрсетті.
Турдағы ең ірі жеңіс Шымкентте болды. БИІК мұнайлы өлкенің «Атырау» командасының қақпасына жауапсыз 15 гол соқты. Ел футболындағы жетекші клубтардың бірі саналатын шымкенттік команда қарсыласына еш мүмкіндік қалдырмады.
Ақтауда өткен матчта «Жетісу» «Каспий» командасын 6:0 есебімен жеңіп, турдағы сенімді жеңістердің біріне қол жеткізді.
Турдың соңғы ойын күні – 26 мамырда бес кездесу өтті. Астанада «Жеңіс» командасы мен «Қызылжар» клубы 2:2 есебімен тең тарқасты. Сондай-ақ елордада «Астана» Өскеменнің «Алтай» командасын 3:1 есебімен ұтты.
Қостанайда «Ертіс» командасы сырт алаңда «Тобылды» 3:1 есебімен жеңді. Көкшетауда «Шахтер» жергілікті«Оқжетпесті» 2:1 нәтижесімен тізе бүктірді.
Турдың тағы бір нәтижелі кездесуінде «Ақтөбе» Семейдің «Елімай» командасын 5:0 есебімен айқын басымдықпен ұтты.
Матч нәтижелері
А конференциясы ойындарының нәтижелері:
- «Қайсар» – «Ордабасы» – 2:1
- «Ұлытау» – «Қайрат» – 0:7
- «БИІК-Шымкент» – «Атырау» – 15:0
- «Каспий» – «Жетісу» – 0:6
В конференциясы ойындарының нәтижелері:
- «Жеңіс» – «Қызылжар» – 2:2
- «Астана» – «Алтай» – 3:1
- «Тобыл» – «Ертіс» – 1:3
- «Оқжетпес» – «Шахтер» – 1:2
- «Ақтөбе» – «Елімай» – 5:0