12-13 мамыр күндері футболдан Қазақстан Екінші лигасының 6-туры аясында тартысты кездесулер өтті.
Екі конференцияда да нәтижелі ойындар тіркеліп, кейбір командалар ірі есеппен жеңіске жетті. Тур барысында көшбасшылар өз орындарын нығайтса, бірнеше ұжым күтпеген нәтижелерге қол жеткізді.
Матч нәтижелері:
Оңтүстік-батыс конференциясы
«Атырау Ж» – «Жас Қыран» – 1:0
«Талас» – «Қаршыға» – 3:1
«Хромтау» – «ТҰран Ж» – 3:1
«Ордабасы Ж» – «Тараз Ж» – 3:0
«Хан-Тәңірі Ж» – «Қайсар Ж» – 2:7
Солтүстік-шығыс конференциясы
«Жеңіс Ж» – «Ертіс Ж» – 1:3
«Алтай Ж» – «Аңсат» – 0:4
«VPR Астана» – «Шахтер Ж» – 2:1
«Ұлытау Ж» – «Оқжетпес Ж» – 1:2
«Қызылжар Ж» – «Жетісу Ж» – 4:1
Турдың ең нәтижелі матчтарының бірі Алматыда өтті. «Қайсар Ж» сырт алаңда «Хан-Тәңірі Ж» қақпасына жеті гол соғып, 7:2 есебімен сенімді жеңіске жетті. Қызылордалықтардың шабуыл шебіндегі ойыншылары жоғары нәтижелілік танытып, матч бойы басымдықты уыстарынан шығармады.
Шымкентте өткен кездесуде «Ордабасы Ж» өз алаңында «Тараз Ж» командасын 3:0 есебімен ұтты. Абылайхан Рахматулла, Әмір Байтұров және Нұрби Маратұлының голдары алаң иелеріне маңызды үш ұпай сыйлады.
«Хромтау» да өз жанкүйерлерін қуантты. Команда «Тұран» жастарын 3:1 есебімен жеңіп, турнирлік кестедегі жағдайын жақсартты. Алаң иелері матчтың басынан белсенді ойнап, нәтижені ерте шешіп тастады.
«Талас» пен «Қаршыға» арасындағы матч та жанкүйерлерге қызыққа толы ойын сыйлады. Таластық клуб 3:1 есебімен басым түссе, Азиз Айберген кездесудің соңғы минуттарында дубль авторы атанды.
Ал Атырауда өткен матчта жергілікті «Атырау Ж» минималды есеппен «Жас Қыранды» жеңді. Кездесудегі жалғыз голды 17-минутта Берік Жақсылық соқты.
Солтүстік-шығыс конференциясында да голға толы матчтар аз болған жоқ. Петропавлда «Қызылжар Ж» өз алаңында «Жетісу» жастарын 4:1 есебімен тізе бүктірді. Глеб Логиновский дубль авторы атанып, командасының ірі жеңісіне үлкен үлес қосты.
Өскемендегі ойында «Ансат» сырт алаңда «Алтай» жастарын 4:0 есебімен басым түсті. Амир Федунец дубль жасап, матчтың үздік ойыншыларының бірі болды.
Астанада «VPR Астана» мен «Шахтер Ж» арасындағы кездесу тартысты өтті. Елордалық ұжым 2:1 есебімен жеңіске жетіп, маңызды үш ұпай еншіледі.
«Ертіс» де сырт алаңда сенімді ойын көрсетті. Павлодарлықтар «Жеңіс» жастарын 3:1 есебімен ұтып, турнирлік кестедегі көшбасшылар қатарынан көрінді.
Ал Жезқазғанда өткен кездесуде «Ұлытау» жастары Көкшетаудан келген «Оқжетпес-Ж» командасына 1:2 есебімен есе жіберді. Қонақтар матч басында жылдам гол соғып, ойын тізгінін өз қолдарына алды.