Футболдан Қазақстан кубогының 1/8 финал ойындары аяқталды. Соның нәтижесінде ширек финалға шыққан сегіз команда анықталды.
Матч нәтижелері:
«Астана» – «Тобыл» – 1:2
Голдар: Талал, 7 (0:1), Ануаров, 80 (1:1). Жұмашев, 87 (1:2).
«Ертіс» – «Қызылжар» – 1:2
Голдар: Сламбеков, 23 (0:1). Тұрлыбек, 30 (1:1). Галабов, 59 (1:2).
«Оқжетпес» – «Жеңіс» – 2:3
Голдар: Ульшин, 14 (0:1). Абдуманнонов, 20 (1:1). Тұрсынбай, 65 (1:2). Сантана, 83 (1:3). Жаңғылышбай, 90+4 (2:3).
«Атырау» – «Жетісу» – 0:2
Голдар: Бірқұрманов, 48 (0:1).Йованович, 55 (0:2).
«Ақтөбе» – «Елімай» – 2:1
Голдар: Нани, 59 (1:0). Нани, 83 (2:0).Оразов, 90+4 (2:1).
«Ордабасы» – «Каспий» – 3:0
Голдар: Митков, 17 ((1:0). Митков, 66 (2:0). Митков, 88 (3:0).
«Алтай» – «Ұлытау» – 4:3
Голдар: Абылайхан, 12 (0:1). Горшунов, 54 (1:1). Горшунов, 64 (2:1). Чалкин, 83 (2:2). Киши, 95 (2:3), Сайлыбаев, 111 (3:3). Ямбор, 119 (4:3).
«Қайсар» – «Қайрат» – 2:1
Голдар: Қалдыбеков, 4 (1:0). Тәжібай 61 (2:0). Тұяқбаев, 93 (2:1).
Алматының «Қайрат» клубы Қызылордада «Қайсарға» есе жіберді. Бұл матчта «Қайрат» басшылығы негізгі құрамға іліге алмай жүрген футболшыларға көбірек мүмкіндік берді. Ойын 2:1 есебімен алаң иелерінің пайдасына аяқталды. Сөйтіп «Қайсар» осы маусымда алғаш рет жеңіске жетті. Қызылорда командасынан Ерсұлтан Қалдыбеков пен Батырхан Тәжібай гол соқты. Қарсыластан 90+3 минутта Азамат Тұяқбаев есеп айырмасын бір допқа қысқартты. Бірақ одан әріге шамалары жетпеді. Осылайша келесі кезеңге «Қайсар» өтті.
Енді «Қайрат» ширек финалда «Тобылмен» кездеседі. Қостанай клубы елордада «Астанадан» басым түсті. Қонақтар екінші таймда бір ойыншыға кем қалған болатын. Тіпті, 80-минутта қорғаушы Ануаров таразы басын теңестірді. Соған қарамастан «Тобыл» соңғы минуттарда жеңісті жұлып алды.
«Ақтөбе» мен «Елімай» матчында португалиялық Нани дубль жасады. Бұл оның Қазақстандағы алғашқы голы. Семей командасының капитаны Рамазан Оразов алыстан Александр Заруцкий қақпасына осы кезеңдегі ең әдемі голдардың бірін соқты. Қорытынды есеп – 2:1.
Сондай-ақ «Ертіс» – «Қызылжар», «Оқжетпес» – «Жеңіс», «Алтай» – «Ұлытау» матчтары да тартысқа толы болды. Әсіресе, соңғысында ойын экстра-таймға дейін жалғасты. Жеңімпаз тек 119-минутта анықталды. Хорватиялық Никола Ямбордың айып соққысынан кіргізген голы «Алтайға» жеңіс сыйлады.
«Ордабасы» өз алаңында «Каспийден» басым түссе, «Жетісу» Түркістанда «Атырау» қақпасына жауапсыз екі гол салды.
Енді ширек финалда мына командалар өзара кездеседі:
«Ордабасы» – «Жетісу»
«Қайсар» – «Тобыл»
«Ақтөбе» – «Алтай»
«Жеңіс» – «Қызылжар».