21-22 сәуір күндері футболдан Екінші лиганың кезекті тур ойындары өтті. Екі күнге жалғасқан кездесулер аса тартысты өтіп, ойындардың барлығы голдарға бай болды.
Ойын нәтижелері
«Оңтүстік-батыс» конференциясы
«Жас Қыран» – «Талас» – 3:0
Голдар: Илья Веремеев (14, 63), Әсет Бораналиев (62)
«Ордабасы Ж» – «Хромтау» – 1:6
Голдар: Жанәлі Есеналиев (14) – Бекет Шәмшеден (39), Дәулет Тұрмағанбет (41, 53), Доминик Боловинцев (59), Елдар Жақан (82), Аян Қазиев (85)
«Тараз Ж» – «Атырау Ж» – 3:1
Голдар: Адият Жексен (60), Санжар Кемелбек (65), Ильяс Пирман (74) – Медет Арон (88)
«Тұран Ж» – «Хан-Тәңірі» – 3:0
Голдар: Шыңғыс Флюк (44, 60), Дамир Нұреділов (62)
«Қаршыға» – «Қайсар Ж» – 0:1
Гол: Әлібек Жарылқасынұлы (26)
«Оңтүстік-батыс» конференциясындағы бес ойынның төртеуінде ірі есеп тіркелді. Чемпионат дебютанты «Хромтау» Шымкентке қонаққа барып, «Ордабасы» жастар командасын 1:6 есебімен ойсырата жеңді.
Сондай-ақ «Жас Қыран» мен «Тұран Ж» командалары да қарсыластарын ірі есеппен жеңді. Екі команда да үш-үштен гол соқты. «Жас Қыран» өз алаңында «Таласты» ұтса, «Тұран Ж» Түркістанда «Хан-Тәңірін» жеңді.
Таразда өткен «Тараз Ж» бен «Атырау Ж» арасындағы кездесу 3:1 есебімен алаң иелерінің пайдасына аяқталды.
Ал «Қаршыға» командасы өз алаңында «Қайсар Ж» клубынан 0:1 есебімен жеңіліп қалды.
«Солтүстік-шығыс» конференциясы
Ойын нәтижелері
«Жетісу Ж» – «Ертіс Ж» – 2:1
Голдар: Ислам Құндақов (20), Сұлтан Ертіс (29) – Азамат Қанат (55)
«Оқжетпес Ж» – «ВПР Астана» – 0:3
Голдар: Әділжан Нұрбай (17), Махмұд Дунзуров (37), Бауыржан Тұрысбек (91)
«Аңсат» – «Жеңіс Ж» – 1:1
Голдар: Әмір Федунец (30) – Ермұхаммед Бесенғалиев (51)
«Ұлытау Ж» – «Алтай Ж» – 0:2
Голдар: Сырым Әнуар (3), Бексұлтан Слетов (62)
«Шахтер Ж» – «Қызылжар Ж» – 5:1
Голдар: Максим Холод (5), Тагир Сәкенов (33, 80), Даниял Таханов (68), Максим Комиков (73) – Сүлеман Жетпіспай (42)
«Солтүстік-шығыс» конференциясының үшінші турында «ВПР Астана» сенсация жасады. Бұған дейін әуесқой лигада өнер көрсеткен астаналық ұжым биылдан бастап Екінші лигада бақ сынап жатыр. Алғашқы екі турда бір рет тең түсіп, бір рет жеңілген команда үшінші турда алғашқы жеңісіне қол жеткізді. Олар сырт алаңда «Оқжетпес Ж» клубын 0:3 есебімен ұтты.
Сондай-ақ бұл турда «Жетісу Ж» өз алаңында «Ертіс» жастарын 2:1 есебімен жеңсе, «Алтай Ж» сырт алаңда «Ұлытау Ж» клубынан 0:2 есебімен басым түсті.
Ал «Аңсат» пен «Жеңіс Ж» арасындағы кездесу 1:1 есебімен тең аяқталды.
Қарағандының «Шахтер Ж» командасы өз алаңында «Қызылжар Ж» клубын 5:1 есебімен жеңіп, 9 ұпаймен конференцияда жеке-дара көш бастады.
Екінші лиганың келесі тур ойындары 28-29 сәуір күндері өтеді.
