14 және 15 сәуір күндері футболдан Қазақстан чемпионатының Екінші лигасының кезекті тур ойындары өтті.
Екі апталық үзілістен соң қайта жалғасқан ел біріншілігінің екінші турынан кейін «Оңтүстік-батыс» конференциясында дебютант «Хромтау» командасы, «Солтүстік-шығыс» конференциясында «Шахтер Ж» клубы көш бастады.
«Оңтүстік-батыс» конференциясында бес матчтың төртеуінде жеңімпаз команда анықталса, бір матч тең есеппен аяқталды.
Бұл турдың сенсациясын Екінші лигаға биыл ғана қосылған Ақтөбенің «Хромтау» командасы тіркеді. Өткен турда «Атырау Ж» командасын өз алаңында 3:0 есебімен тізе бүктірген ақтөбеліктер екінші турда камбэк жасап, «Хан-Тәңірі» клубын жеңді. Алматылық ұжым бірінші таймда 2:0 есебімен алда тұрған. Бірақ екінші таймда қонақтар 3 гол соғып, жеңісті жұлып алды – 2:3.
«Атырау Ж» өз алаңында «Таласты» 1:0 есебімен жеңіп, чемпионаттағы алғашқы үш ұпайын еншіледі.
Чемпионаттың тағы бір дебютанты «Қаршыға» өз алаңында «Тараз Ж» клубына есе жіберді – 1:2.
Түркістанның «Тұран Ж» ұжымы бұл турда сенімді ойнап, «Жас Қыран» клубын 2:0 есебімен жеңді. Ал «Қайсар Ж» мен «Ордабасы Ж» арасындағы матчта есеп ашылмады – 0:0.
Ойын нәтижелері:
«Оңтүстік-батыс» конференциясы
«Атырау Ж» – «Талас» – 1:0
Гол: Әбділмансұр Хасан 37
«Қаршыға» – «Тараз Ж» – 1:2
Голдар: Павел Кривенцев 2 – Дәулет Мүсретбек 41, Мерей Жамбыл 51
«Тұран Ж» – «Жас Қыран» – 2:0
Голдар: Арлан Жаңғазы 15, Бекжан Хафизов 69
«Хан-Тәңірі» – «Хромтау» – 2:3
Голдар: Георгий Бондарцев 25, Дәулет Махсед 33 – Әнуар Төлепберген 63, 76, Асхат Мұқышев 90
«Қайсар Ж» – «Ордабасы Ж» – 0:0
«Солтүстік-шығыс» конференциясының барлық ойыны аса тартысты өтіп, командалар гол соғудан аянып қалған жоқ. Бес матчтың әр ойынында кем дегенде үш гол соғылды.
Турдағы ең ірі есеп «Жетісу Ж» мен «Шахтер Ж» арасындағы матчта тіркелді – 1:5. Бір айта кетерлігі, қарағандылықтар қатарынан екінші матчта қарсыластың қақпасына 5 гол соқты. Өткен турда «кеншілер» командасы «Оқжетпес» клубын 5:0 есебімен тізе бүктірген еді.
«Алтай Ж» бұл турда Екінші лига дебютанты VPR Astana командасынан басым түссе, (2:1), «Ұлытау» да дәл осындай есеппен сырт алаңда «Жеңіс Ж» командасын жеңді.
Солтүстік дербиінде «Оқжетпес Ж» командасы сырт алаңда «Қызылжар Ж» клубын жеңді – 3:0. Ал «Ертіс Ж» мен «Аңсат» арасындағы Павлодар дербиінде қонақтардың мерейі үстем болды – 2:3.
«Солтүстік-шығыс» конференциясы
Ойын нәтижелері
«Жетісу Ж» – «Шахтер Ж» – 1:5
Голдар: Бақберген Құдайберген 4 – Глеб Олейник 52, 64, Максим Комиков 71, Мирас Қуат 85, Даниял Таханов 90
«Алтай Ж» – VPR – 2:1
Голдар: Артем Тетерин 53, Роман Брагин 61 – Әділжан Нұрбай 45
«Жеңіс Ж» – «Ұлытау Ж» – 1:2
Голдар: Батыхан Қамарадинов 41 – Гейсар Алекперзаде 25, 74
«Қызылжар Ж» – «Оқжетпес Ж» – 0:3
Голдар: Тимур Тиржанов 4, Қобыланды Қамариден 62, Адам Огриневич 72
«Ертіс Ж» – «Аңсат» – 2:3
Голдар: Сәкен Айтмұхамбет 60, Азамат Қанат 62 – Илья Кругляков 26, Владислав Богданов 86, Амир Федунец 89
Екінші лиганың келесі тур ойындары 21-22 сәуір күндері өтеді.
