Қазақстан кубогының 1/16 финалы өз мәресіне жетті. Екі жарыс күнінде 15 матч өтті. Соның нәтижесінде 1/8 финалға жолдама алған ұжымдар анықталды.
иыл да Кәсіби клубтар арасында жарыстар өткізу дирекциясы бірқатар жаңашылдық енгізді. Атап айтқанда, енді командалар алдын ала іріктеу кезеңін өткізбейді. Барлық лига (Премьер-лига, Бірінші және Екінші лига) командалары жеребе арқылы жұптасып, турнирді бірден 1/16 финал кезеңінен бастады.
Осы кезеңде Jelaev Nan мен BKS секілді әуесқой лигалардың чемпиондары да ойнады.
Премьер-лиганың 16 командасы да 1/8 финалға жолдама алдыSD Family қатыспағандықтан, «Ертіс» тікелей келесі кезеңге өтті. Қалған 15 ұжым қарсыластарынан басым түсті. Биыл чемпионатта жеңіске жете алмай жүрген «Қайсар», «Атырау», «Тобыл», «Алтай», «Каспий» командалары осы маусымда алғаш рет жеңіске жетті.
«Астана» жастар командасын ойнатқан соң, BKS клубымен жеңісті тек соңғы минуттарда жұлып алды. Талдықорғанның «Жетісу» ұжымына да «Қаршыға» командасымен ойын біраз қиынға соқты. Матчтың тағдырын жалғыз гол шешті.
Қарағандының «Шахтері» өз алаңында Көкшетаудың «Оқжетпес» клубын 2:0 есебімен жеңіп тұрған. Өкінішке қарай екінші таймда Финонченко шәкірттері басымдықты ұстап тұра алмады. қонақтар қатарынан үш гол соғып, камбэк жасап кетті. «Тараз» бен «Ұлытау» арасындағы ойын экстра-таймға дейін жалғасты. Жапониялық Хироки Харада 106-минутта Жезқазған клубына жеңіс сыйлады.
Сол секілді Алматыдағы «Хан Тәңірі» мен «Қызылжар» кездесуі де қонақтардың бір гол айырмашылығымен аяқталды.
Матч нәтижелері:
«Талас» – «Қайсар» – 0:2
«Жас Қыран» – «Атырау» – 0:4
«Аңсат» – «Тобыл» – 0:8
«Оңтүстік» – «Ордабасы» – 2:4
BKS – «Астана» – 1:2
«Жайық» – «Қайрат» – 1:3
«Тұран» – «Елімай» – 1:4
«Қаршыға» – «Жетісу» – 0:1
«Хромтау» – «Жеңіс» – 1:4
Jelaev Nan– «Алтай» – 0:2
«Арыс» – «Ақтөбе» – 0:4
«Батыр» – «Каспий» – 0:4
«Шахтер» – «Оқжетпес» – 2:3
«Тараз» – «Ұлытау» – 0:1
«Хан Тәңірі» – «Қызылжар» – 0:1
1/8 финалда кездесетіндер:
«Ордабасы» – «Каспий»
«Атырау» – «Жетісу»
«Ақтөбе» – «Елімай»
«Алтай» – «Ұлытау»
«Қайсар» – «Қайрат»
«Астана» – «Тобыл»
«Оқжетпес» – «Жеңіс»
«Ертіс» – «Қызылжар».
