«Қайраттың» бас бапкері Рафаэль Уразбахтин Қазақстан Суперкубогы алдында баспасөз мәжілісін өткізіп, тілшілердің сауалына жауап берді.
– Жаңа маусымның басталуын асыға күтіп отырмыз. Матчқа келетін жанкүйерлерді қуантуғатырысамыз. Жақсы ойын көрсеткіміз келеді. Қалай ойнайтынымызды көре жатармыз. Маусым басы болғандықтан, біз де, басқа командалар да әлі толық бабында емес екенітүсінікті.Бұл маусым алдындағы дайындық жекпе-жегі секілді. Сондықтан матчтың сипатыда сондай болады деп ойлаймын. Ертеңгі ойында қалай көрінетінімізді қараймыз.
– Дастан Сәтпаевтың жағдайы қалай? Ол қашан жарақатынан толық айығады?
– Негізі ол дайын, жалпы топпен жаттығып жүр. Медициналық штаб Дастанға ойынға қосуға болатынын айтты. Қанша уақытқа шығара алатынымызды көреміз. Ертең матч барысындашешеміз.
– Осындай ойындарға мотивация табу қиын емес пе?
– Қалай болғанда да, бұл – клуб қоржынына түсетін трофей. Біз де, «Тобыл» да жеңіскежетіп, кезекті жүлдені алғымыз келеді. Бұл чемпионат алдындағы қосымша спарринг, бас репетиция іспетті – команданы, идеяларымызды тексеру мүмкіндігі.
– Биыл маусым басталуы әдеттен тыс болып тұр.Чемпиондар лигасының жалпыкезеңінен кейін ойнап жатырсыздар. Дайындықта не өзгерді?
– Иә, дайындық өзгерді. Былтырғы жылы уақыт жеткілікті болды, жоспарлы түрдедайындалдық. Биыл уақыт өте тығыз болды. 20 қаңтарда алғашқы ресми ойынды өткіздік. Ал былтырғы жылы Суперкубокты 22 ақпанда ойнадық – айырмашылық шамамен бір ай.
Сондықтан дайындықты жеделдетуге тура келді, ойыншыларға демалыс кезінде жекетапсырмалар берілді. Олар жиынға нөлдік жағдайда келген жоқ, бірден екі матчтық режимдежұмыс бастадық. Ойыншыларға ауыр болды, бірақ кәсіби түрде қарады. «Брюггемен» ойындажылдамдық жетіспеді, қиындық болды. Ал көлем, төзімділік жағынан мәселе болған жоқ. Дәл жылдам серпілістер жетіспеді.
«Арсеналға» қарсы ойында жақсырақ көріндік. Кейін Түркиядағы жиында жоспарланғанжұмыстарды орындадық. Жалпы ойыншылардың жағдайына көңіліміз толады. Әрине, әлітолық бабында емеспіз, бірақ уақыт бар, қосамыз деп ойлаймын.
– Темірлан Анарбеков жаңа маусымда негізгі қақпашы бола ма? Қыста оғанұсыныстар түсті ме?
– Ресми ұсыныстар туралы естіген жоқпын. Қазір ол – бірінші нөмір. Егер нақты ұсыныстүссе, ойыншыға да, клубқа да тиімді болуын қараймыз. Біз ешқашан ойыншыны ұстапқалмаймыз, жақсы ұсыныс болса қуанамыз.
– Маусымға толық дайын болмау нәтижеге әсер етуі мүмкін бе?
– Көп ойыншы кетті, жаңалары келді. Мұндай жағдайда командада өзгеріс болады. Бір-екіойыншы кетсе, жеңіл өтеді, бірақ көп кеткенде бейімделу керек. Жаңадан келгендержүктемеге, ойын стиліне тез үйренеді деп сенеміз.
Әрине, түсініспеушілік сәттері болуы мүмкін, бұл қалыпты. Жаңа құраммен төрт матч өткіздік, байланыстар біртіндеп қалыптасып келеді. Алдағы ойындар бейімделугекөмектеседі.
– Чемпиондар лигасындағы тәжірибеден кейін Қазақстан футболы күз-көктем жүйесінекөшуі керек деп ойламайсыз ба?
– Негізі көшкен керек. Бірақ алдымен инфрақұрылымға қарау қажет. Егер стадиондарымызталапқа сай болса, еурокубоктарға тұрақты қатысқымыз келсе, көшу қажет болады. Мысалы, Ресей климат жағынан ұқсас болса да, басқа форматта ойнап жүр. Барлығы инфрақұрылымғабайланысты. Мәселе стадиондар мен алаңдарда.
– Қыста сегіз ойыншы кетті, төртеуі ғана келді. Трансферлік жұмыс жалғаса ма?
— Легионерлер саны онға қысқартылғанын да ескеру керек. Қазір барлық позициялар жабық. Қолда бар ойыншыларға, соның ішінде жастарға сенім артамыз. Әзірге осы.
– Былтырғы маусыммен салыстырғанда схема өзгерді ме?
– Трансферлерде команданы жасартуды, жылдамдық пен мобильділік қосуды мақсат еттік. Негізгі стильден бас тартпаймыз, бірақ вариативтілікті арттырғымыз келеді. Ойын барысындасхеманы өзгерте алуымыз керек.
Қазіргі футболда топ-командалар шабуылда бір, қорғаныста басқа схема қолданады. Біз де соған ұмтыламыз. Кейбірі жүзеге асады, кейбіріне уақыт керек. Бірақ орнымызда тұрғанжоқпыз, дами бергіміз келеді.
– Маусымаралық кезеңде жұмыс ұсыныстары болды ма?
– Маған ешкім хабарласқан жоқ. Әзірге айтарлықтай үлкен жетістікке жеттім депойламаймын. Қазақстанда екі рет чемпион атандық, бірақ Еуропа клубтарын қызықтыру үшінтұрақтылық пен нақты нәтижелер керек. Қазірше ұсыныс болған жоқ. «Қайратта» бәрікөңілімнен шығады, осында болғаныма қуаныштымын.
– «Брюггемен» матчта Әділет Садықбеков голдан кейін жаттықтырушылар жағынажейдесін көрсетті. «Ақтөбе» қызығушылық танытты деген әңгіме болды. Ол«Қайратта» қала ма?
– Қазір ол командада. Әртүрлі нұсқаларды талқылап жатырмыз. Шешім ойыншы мен клубқатиімді болуы керек. Қазіргі таңда ол бізбен бірге, ертеңгі ойынға дайындалып жатыр.
– «Ақтөбе» оны бір миллионға бағалады деген рас па?
– Қаншаға бағалағанын білмеймін. Олар үшін өз түлегін қайтару – жақсы жаңалық. Бірақнақты сандарды білмеймін. Садықбековке тек «Ақтөбе» емес, басқа клубтар да қызығушылықтанытып жатыр. Мәселе әлі шешілген жоқ. Қазір ол біздің құрамда, біз оған сенеміз. Көпойыншыларымызға ұсыныстар бар, бірақ бәрі команда сапында, дайындық үстінде. Уақыткөрсетеді.