KFF League тілшісі «Қызылжардың» жартылай қорғаушысы Самат Жарынбетовпен сұхбаттасып, өткен маусымының қорытындысына тоқталды.
– Самат, өткен маусым сіз үшін сәтті болды деп есептей аламыз ба?
– Бұл маусымды жалпы алғанда сәтті деп есептеймін. Командадағы ұжым, атмосфера, қала және "Қызылжар" жанкүйерлері қатты ұнады. Ойын тұрғысына келетін болсақ, білікті маманның қол астында жұмыс істегеніме қуанамын. Бас бапкердің тактикасына сай ойын көрсетіп, командама пайдам тиді деп есептеймін.
– Статистиканы сабақтайтын болсақ, әр маусымда бір голдан артық соқпайтынсыз. Бұл жолы нәтижеңізді жақсартқаныңызды көрдік. Мұны сәттілікпен байланыстыруға бола ма?
– Қандай маусым болмасын өз жұмысымды істеп жүрмін, дегенмен биыл өзгешілікті өзім де байқадым. Әдеттегіден көп гол соғып, нәтижелі пас бердім. Сондықтан жаттықтырушылар штабына сенім білдіргені үшін алғыс айтамын. Олар менің позициямды сәл өзгертті және іс-әрекетіме көбірек еркіндік берді.
– Жалпы осы маумыдағы командаңызға қандай баға бересіз? ҚПЛ-дың қорытынды кестесінде тоғызыншы орын, Кубок финалына бір қадам жетпей қалды...
– Өздеріңіз білетіндей, маусымаралық кезеңде команданы басқа бапкер жинап, жұмыс істеді. Жарақаттардың жиілігі мен маусым барысындағы қайта құрулар, сөзсіз, өз әсерін тигізді. Келесі жылы «Қызылжар» кестеде жоғарырақ тұратынына сенімдімін.
– Жартылай финалдың қарымта матчына ойыссақ. Қосымша уақытта өзіңіздің бұрынғы командаңыз «Ордабасыдан» гол жіберіп, кубоктық турнирден өте өкінішті түрде шығып қалды. Ащы жеңілісті команда қалай қабылдады?
– Біз екі матчтық текетірестің тағдырын бір гол шешуі мүмкін екеніне дайын болдық. Әрине, жеңіліс өте жағымсыз болды, бірақ оның «Ордабасымен» ойында болуы аса маңызды емес. Біз финалда ойнағымыз келді. Бірақ бұл – футбол.
– Маусым аяқталды, "Қызылжармен" келісімшартыңыз да бітті. Мансабыңызда қандай да бір жаңалықтар бар ма?
– Қазір отбасыммен бірге демалып жатырмын. Балаларыма көп уақытымды арнаудамын. Бірақ жаңа маусымның жақындап қалғанын ұмытпаймын, келесі сынаққа дайындалып жүрмін. Жаңа маусымды қайда өткізетінімді әзірге білмеймін. Агентім бұл мәселелермен айналысуда, мен оған толық сенемін. Алдын ала болжам жасамаймын. Менің көмегімді қажет ететін командада боламын.
– Самат, өткен маусым сіз үшін сәтті болды деп есептей аламыз ба?
– Бұл маусымды жалпы алғанда сәтті деп есептеймін. Командадағы ұжым, атмосфера, қала және "Қызылжар" жанкүйерлері қатты ұнады. Ойын тұрғысына келетін болсақ, білікті маманның қол астында жұмыс істегеніме қуанамын. Бас бапкердің тактикасына сай ойын көрсетіп, командама пайдам тиді деп есептеймін.
– Статистиканы сабақтайтын болсақ, әр маусымда бір голдан артық соқпайтынсыз. Бұл жолы нәтижеңізді жақсартқаныңызды көрдік. Мұны сәттілікпен байланыстыруға бола ма?
– Қандай маусым болмасын өз жұмысымды істеп жүрмін, дегенмен биыл өзгешілікті өзім де байқадым. Әдеттегіден көп гол соғып, нәтижелі пас бердім. Сондықтан жаттықтырушылар штабына сенім білдіргені үшін алғыс айтамын. Олар менің позициямды сәл өзгертті және іс-әрекетіме көбірек еркіндік берді.
– Жалпы осы маумыдағы командаңызға қандай баға бересіз? ҚПЛ-дың қорытынды кестесінде тоғызыншы орын, Кубок финалына бір қадам жетпей қалды...
– Өздеріңіз білетіндей, маусымаралық кезеңде команданы басқа бапкер жинап, жұмыс істеді. Жарақаттардың жиілігі мен маусым барысындағы қайта құрулар, сөзсіз, өз әсерін тигізді. Келесі жылы «Қызылжар» кестеде жоғарырақ тұратынына сенімдімін.
– Жартылай финалдың қарымта матчына ойыссақ. Қосымша уақытта өзіңіздің бұрынғы командаңыз «Ордабасыдан» гол жіберіп, кубоктық турнирден өте өкінішті түрде шығып қалды. Ащы жеңілісті команда қалай қабылдады?
– Біз екі матчтық текетірестің тағдырын бір гол шешуі мүмкін екеніне дайын болдық. Әрине, жеңіліс өте жағымсыз болды, бірақ оның «Ордабасымен» ойында болуы аса маңызды емес. Біз финалда ойнағымыз келді. Бірақ бұл – футбол.
– Маусым аяқталды, "Қызылжармен" келісімшартыңыз да бітті. Мансабыңызда қандай да бір жаңалықтар бар ма?
– Қазір отбасыммен бірге демалып жатырмын. Балаларыма көп уақытымды арнаудамын. Бірақ жаңа маусымның жақындап қалғанын ұмытпаймын, келесі сынаққа дайындалып жүрмін. Жаңа маусымды қайда өткізетінімді әзірге білмеймін. Агентім бұл мәселелермен айналысуда, мен оған толық сенемін. Алдын ала болжам жасамаймын. Менің көмегімді қажет ететін командада боламын.
