«Елимай» клубының бас бапкері Андрей Карпович KFF League ұйымдастыруымен өткен Премьер-лигаға тоқталып, маусым туралы өз пікірін білдірді.
– Андрей Владимирович, биылғы маусымды он балдық жүйе бойынша қалай бағалайсыз?
– Меніңше, онның ішінде сегіз. Әрине, кішкене өкініш бар, әрдайым көбірек нәтиже күтесің. Бірақ объективті тұрғыдан қарасақ, қазіргі жағдайымызда бұл – біздің максимум. Премьер-лигада небәрі екінші жыл ойнап жатырмыз. Бірақ амбициямызды көрсеткеннен кейін бізге қарсыластар да дайындалып, бізді фаворит ретінде қабылдады.
Жалпы, кәсіби тұрғыдан алғанда жақсартуға болатын тұстар бар еді. Жан-жақты қарайтын болсақ, маусымдағы нәтижеміз – шынайы көрініс деп ойлаймын.
– Нақтырақ тоқталсаңыз. Командаңыздың қандай тұстары жақсы, қай тұсы ойдағыдай болмады?
– Шынымды айтсам, маусым басында біз көп нәрсе күттік. Бұл жерде өте амбициялы адамдар жиналды. Облыс әкімі Берік Уәли және клуб басшысы Аскер Уранхаевтан жақсы қолдау алдық. Екеуі де футболды жан-тәнімен жақсы көретін азаматтар.
Біз бірден көшбасшылармен бәсекелескіміз келді. Бірақ тек чемпионаттың соңына қарай қанағаттандым. Сәтті фиништің арқасында төртінші орын алдық. Соңғы матчтардағы нәтижелер бізге Конференция лигасына жолдама берді. Бұл – «Елимай» үшін өте үлкен жетістік. Қала мен аймақ үшін ерекше маңызға ие.
Ал не шықпады? Маусымды бірқалыпты өткізу. Бізге тұрақтылық жетіспеді, ішкі ресурстар да аздық етті. Мүмкін, қиын кезеңде менің жаңа шешімдерім де жеткіліксіз болды.
«Оқжетпеске» Семейдегі алғашқы үй матчында ұтылғанымыз өте ауыр тиді. Кубок бәсекесінде пенальтимен ұтылып қалдық. Бұл да үлкен өкініш.
– Көктемнің соңы мен жаз басында команда неге дағдарысқа түсті?
– Астана қаласындағы матчтардан кейін Семейге оралған кезде команда белгілі бір қиындықтарға тап болды. Бұған объективті себептер бар. Жарақаттар, қолайсыз логистика деген секілді.
Қысқы трансфер кезінде кейбір таңдауларымыз қателік болды. Біздің лига – өте қарқынды және ауыр. Кез келген футболшыға бейімделу қиын. Статистикаға да, мінезіне де қарайсың, бірақ бір формула жоқ.
Бір мәселе туындаса болды, соның артынан бәрі үйіліп түседі. Теріс нәтиже көбейген сайын сенім жоғалады. Кейбір футболшылар өз мүмкіндігін толық көрсете алмады.
Осының бәрі бірінші айналымдағы нәтижеге әсер етті.
– Сізге қай «Елимай» көбірек ұнады – маусым басындағы құрам ба, әлде екінші айналымда келген жаңа ойыншылармен жасақталғаны ма?
– Маусым басында құрам мықты көрінді. Бірақ бірінші кезеңнен кейін көп нәрсені түсіндім. Қиын сәтте кімнің қандай адам екенін көресің.
Жазғы трансфер кезінде команданы жылдамырақ, жеңіске деген құштарлығы арттырғым келді. Солай да болды – жаңа келген жігіттер бізге жылдамдық, агрессия, энергия қосты.
Маусым соңындағы керемет серия – осы өзгерістің нәтижесі. Соңғы 9 турда 23 ұпай жинағанымыз – өте үлкен көрсеткіш.
– Transfermarkt сізді қатарынан екінші рет Қазақстанның үздік бапкері деп атады. Қалай қабылдадыңыз?
– Әрине, бұл жағымды. Бірақ бұл – бүкіл жаттықтырушылар штабының еңбегі. Бізде «Мен» деген ұғым жоқ, тек «Біз» деген қарым-қатынас. Бұл жетістік – бүкіл команданың ортақ жеңісі.
– Егер таңдау мүмкіндігі болса: Кубокты ұтуды таңдар ма едіңіз, әлде чемпионат медалін бе?
– Екі жол да бізді Еуропаға шығаратын. Сондықтан екеуі де құнды. Ең бастысы – келесі жылы біз Конференциялар лигасында ойнаймыз.
– Еуропалық дебют қарсаңында қаладағы көңіл-күй қандай?
– Соңғы жылдары мен еліміздегі ең футболшыл қалаларда – Актөбе мен Семейде жұмыс істедім. Бұл екі өңірдің жанкүйерлері ерекше!
Ал Семей – менің туған жерім. Мұндағы футбол атмосферасы – бөлек дүние. Қазір Абай облысында футболдық бум! Балалар саны көп, барлығы жасыл формада – өте әдемі көрініс.
Соңғы турларда стадион толық болды. Төртінші орын бізге бірінші орын сияқты сезілді!
– 2026 жылға дайындық қалай?
– Чемпионат аяқталған соң-ақ жұмыс басталды. Демалыс жоқ. Команданы күшейту қажет, үш фронтта ойнау оңай емес.
Құрамды сақтап қалу да маңызды – жақсы ойнаса, футболшыларға ұсыныстар көбейеді. Біз болсақ 2026 жылы одан да мықты болғымыз келеді.
– 2026 жылға басты мақсат қандай?
– Мақсатты клуб басшылығы қояды. Әзірше айтарым: біз кем дегенде үздік үштікке еніп, Кубок үшін күресуіміз керек. Және, әрине, Конференциялар лигасында абыройлы өнер көрсеткіміз келеді.
– Андрей Владимирович, биылғы маусымды он балдық жүйе бойынша қалай бағалайсыз?
– Меніңше, онның ішінде сегіз. Әрине, кішкене өкініш бар, әрдайым көбірек нәтиже күтесің. Бірақ объективті тұрғыдан қарасақ, қазіргі жағдайымызда бұл – біздің максимум. Премьер-лигада небәрі екінші жыл ойнап жатырмыз. Бірақ амбициямызды көрсеткеннен кейін бізге қарсыластар да дайындалып, бізді фаворит ретінде қабылдады.
Жалпы, кәсіби тұрғыдан алғанда жақсартуға болатын тұстар бар еді. Жан-жақты қарайтын болсақ, маусымдағы нәтижеміз – шынайы көрініс деп ойлаймын.
– Нақтырақ тоқталсаңыз. Командаңыздың қандай тұстары жақсы, қай тұсы ойдағыдай болмады?
– Шынымды айтсам, маусым басында біз көп нәрсе күттік. Бұл жерде өте амбициялы адамдар жиналды. Облыс әкімі Берік Уәли және клуб басшысы Аскер Уранхаевтан жақсы қолдау алдық. Екеуі де футболды жан-тәнімен жақсы көретін азаматтар.
Біз бірден көшбасшылармен бәсекелескіміз келді. Бірақ тек чемпионаттың соңына қарай қанағаттандым. Сәтті фиништің арқасында төртінші орын алдық. Соңғы матчтардағы нәтижелер бізге Конференция лигасына жолдама берді. Бұл – «Елимай» үшін өте үлкен жетістік. Қала мен аймақ үшін ерекше маңызға ие.
Ал не шықпады? Маусымды бірқалыпты өткізу. Бізге тұрақтылық жетіспеді, ішкі ресурстар да аздық етті. Мүмкін, қиын кезеңде менің жаңа шешімдерім де жеткіліксіз болды.
«Оқжетпеске» Семейдегі алғашқы үй матчында ұтылғанымыз өте ауыр тиді. Кубок бәсекесінде пенальтимен ұтылып қалдық. Бұл да үлкен өкініш.
– Көктемнің соңы мен жаз басында команда неге дағдарысқа түсті?
– Астана қаласындағы матчтардан кейін Семейге оралған кезде команда белгілі бір қиындықтарға тап болды. Бұған объективті себептер бар. Жарақаттар, қолайсыз логистика деген секілді.
Қысқы трансфер кезінде кейбір таңдауларымыз қателік болды. Біздің лига – өте қарқынды және ауыр. Кез келген футболшыға бейімделу қиын. Статистикаға да, мінезіне де қарайсың, бірақ бір формула жоқ.
Бір мәселе туындаса болды, соның артынан бәрі үйіліп түседі. Теріс нәтиже көбейген сайын сенім жоғалады. Кейбір футболшылар өз мүмкіндігін толық көрсете алмады.
Осының бәрі бірінші айналымдағы нәтижеге әсер етті.
– Сізге қай «Елимай» көбірек ұнады – маусым басындағы құрам ба, әлде екінші айналымда келген жаңа ойыншылармен жасақталғаны ма?
– Маусым басында құрам мықты көрінді. Бірақ бірінші кезеңнен кейін көп нәрсені түсіндім. Қиын сәтте кімнің қандай адам екенін көресің.
Жазғы трансфер кезінде команданы жылдамырақ, жеңіске деген құштарлығы арттырғым келді. Солай да болды – жаңа келген жігіттер бізге жылдамдық, агрессия, энергия қосты.
Маусым соңындағы керемет серия – осы өзгерістің нәтижесі. Соңғы 9 турда 23 ұпай жинағанымыз – өте үлкен көрсеткіш.
– Transfermarkt сізді қатарынан екінші рет Қазақстанның үздік бапкері деп атады. Қалай қабылдадыңыз?
– Әрине, бұл жағымды. Бірақ бұл – бүкіл жаттықтырушылар штабының еңбегі. Бізде «Мен» деген ұғым жоқ, тек «Біз» деген қарым-қатынас. Бұл жетістік – бүкіл команданың ортақ жеңісі.
– Егер таңдау мүмкіндігі болса: Кубокты ұтуды таңдар ма едіңіз, әлде чемпионат медалін бе?
– Екі жол да бізді Еуропаға шығаратын. Сондықтан екеуі де құнды. Ең бастысы – келесі жылы біз Конференциялар лигасында ойнаймыз.
– Еуропалық дебют қарсаңында қаладағы көңіл-күй қандай?
– Соңғы жылдары мен еліміздегі ең футболшыл қалаларда – Актөбе мен Семейде жұмыс істедім. Бұл екі өңірдің жанкүйерлері ерекше!
Ал Семей – менің туған жерім. Мұндағы футбол атмосферасы – бөлек дүние. Қазір Абай облысында футболдық бум! Балалар саны көп, барлығы жасыл формада – өте әдемі көрініс.
Соңғы турларда стадион толық болды. Төртінші орын бізге бірінші орын сияқты сезілді!
– 2026 жылға дайындық қалай?
– Чемпионат аяқталған соң-ақ жұмыс басталды. Демалыс жоқ. Команданы күшейту қажет, үш фронтта ойнау оңай емес.
Құрамды сақтап қалу да маңызды – жақсы ойнаса, футболшыларға ұсыныстар көбейеді. Біз болсақ 2026 жылы одан да мықты болғымыз келеді.
– 2026 жылға басты мақсат қандай?
– Мақсатты клуб басшылығы қояды. Әзірше айтарым: біз кем дегенде үздік үштікке еніп, Кубок үшін күресуіміз керек. Және, әрине, Конференциялар лигасында абыройлы өнер көрсеткіміз келеді.