Қазақ футболының ардагерлері KFF League-сы үшін Қазақстан Премьер-лигасының әр позиция бойынша үздік ойыншыларды атады.
ҚАҚПАШЫ
Юрий Новиков – Қазақстанның екі дүркін чемпионы, еліміздің үш мәрте үздік қақпашысы, Қазақстан құрамасы сапында 25 матч өткізген.
– Менің ойымша, маусымның ең үздік қақпашысы – «Ұлытау» командасынан Дмитрий Непогодов. Жезқазған клубының Премьер-лигада қалуына ең басты себепкер – осы тәжірибелі голкипер. Непогодов маусым бойы негізгі құрамда алаңға шығып, әр ойында бірнеше рет команданы қиын жағдайдан құтқарып қалды және шешуші сэйвтермен көзге түсті.
ҚОРҒАУШЫ
Аскар Қожабергенов – Қазақстан чемпионы, ел кубогының екі дүркін иегері, Қазақстан құрамасында сегіз ойын өткізген.
– Маусымның ең үздік қорғаушысы – «Қайрат» капитаны Александр Мартынович деп санаймын. Ол чемпионатты бірқалыпты, тұрақты деңгейде өткізді және алматылық клубтың Чемпиондар лигасындағы жетістіктерінде үлкен рөл атқарды. Мартынович – өте тәжірибелі футболшы, жасына қарамастан тамаша физикалық формада, қорғанысты сенімді басқарады. Нағыз лидер, шынайы капитан!
ЖАРТЫЛАЙ ҚОРҒАУШЫ
Али Алиев – Қазақстан чемпионы, ел кубогының екі дүркін иегері, Қазақстан құрамасының экс бас бапкері.
– Биылғы маусымның №1 жартылай қорғаушысы – Дінмұхаммед Қараман. Оның алаңдағы ойыны әрдайым ұнайтын, өте ақылды ойыншы. Бірақ жасөспірімдер футболы бір бөлек, ересектер футболына өту – мүлде басқа деңгей. Қараман өткен маусымда сәтті еңсерді. «Жеңісте» ол толық ашылып, клубтың жетекші ойыншыларының біріне айналды. Ұлттық құраманың жаттықтырушылар штабы оны бұрыннан бақылап жүрген, біз ақпан айындағы оқу-жаттығу жиынына шақырдық, онда ол өзін тамаша көрсетті. Ал Солтүстік Македония қақпасына соққан керемет голынан кейін бірден қазақстандық жанкүйерлердің сүйіктісіне айналды. Димашқа құрамадан өз орнын нықтап, талантын әрі қарай дамыта беруін тілеймін.
ШАБУЫЛШЫ
Болаи Есмағамбетов – Қазақстан чемпионы, құраманың жеті матчында үш гол соққан.
– Маусым қорытындысы бойынша Қазақстанның үздік шабуылшысы – Дастан Сатпаев. Иә, Назми Грипши сұрмергендер жарысында алға шықты, бірақ Дастанның Назмиге қарағанда өткізген ойыны мен алаңдағы уақыты әлдеқайда аз болды. Соған қарамастан, ол албан легионеріне қарағанда тиімдірек болды. Оның үстіне бұл Дастанның ересектер футболындағы алғашқы маусымы еді, бірақ ол еш қорықпады, өзіне сенімді, кәсіби ойын көрсетті, жауапкершілікті мойнына алды. Сондай-ақ Сатпаевтың «Қайратқа» жеңіс әкелген шешуші голдардың көбін соққанын ерекше атап өткім келеді. Чемпион атанған команданың үздік сұрмергені болу – оның еңбегінің ең жақсы бағасы. Және қарсыластарына реніш болмасын, бірақ өз ойыншымыздың үздік болғаны қуанарлық жағдай. Қазақстан футболында осындай керемет ойыншының пайда болғанына өте қуаныштымын!
ҚАҚПАШЫ
Юрий Новиков – Қазақстанның екі дүркін чемпионы, еліміздің үш мәрте үздік қақпашысы, Қазақстан құрамасы сапында 25 матч өткізген.
– Менің ойымша, маусымның ең үздік қақпашысы – «Ұлытау» командасынан Дмитрий Непогодов. Жезқазған клубының Премьер-лигада қалуына ең басты себепкер – осы тәжірибелі голкипер. Непогодов маусым бойы негізгі құрамда алаңға шығып, әр ойында бірнеше рет команданы қиын жағдайдан құтқарып қалды және шешуші сэйвтермен көзге түсті.
ҚОРҒАУШЫ
Аскар Қожабергенов – Қазақстан чемпионы, ел кубогының екі дүркін иегері, Қазақстан құрамасында сегіз ойын өткізген.
– Маусымның ең үздік қорғаушысы – «Қайрат» капитаны Александр Мартынович деп санаймын. Ол чемпионатты бірқалыпты, тұрақты деңгейде өткізді және алматылық клубтың Чемпиондар лигасындағы жетістіктерінде үлкен рөл атқарды. Мартынович – өте тәжірибелі футболшы, жасына қарамастан тамаша физикалық формада, қорғанысты сенімді басқарады. Нағыз лидер, шынайы капитан!
ЖАРТЫЛАЙ ҚОРҒАУШЫ
Али Алиев – Қазақстан чемпионы, ел кубогының екі дүркін иегері, Қазақстан құрамасының экс бас бапкері.
– Биылғы маусымның №1 жартылай қорғаушысы – Дінмұхаммед Қараман. Оның алаңдағы ойыны әрдайым ұнайтын, өте ақылды ойыншы. Бірақ жасөспірімдер футболы бір бөлек, ересектер футболына өту – мүлде басқа деңгей. Қараман өткен маусымда сәтті еңсерді. «Жеңісте» ол толық ашылып, клубтың жетекші ойыншыларының біріне айналды. Ұлттық құраманың жаттықтырушылар штабы оны бұрыннан бақылап жүрген, біз ақпан айындағы оқу-жаттығу жиынына шақырдық, онда ол өзін тамаша көрсетті. Ал Солтүстік Македония қақпасына соққан керемет голынан кейін бірден қазақстандық жанкүйерлердің сүйіктісіне айналды. Димашқа құрамадан өз орнын нықтап, талантын әрі қарай дамыта беруін тілеймін.
ШАБУЫЛШЫ
Болаи Есмағамбетов – Қазақстан чемпионы, құраманың жеті матчында үш гол соққан.
– Маусым қорытындысы бойынша Қазақстанның үздік шабуылшысы – Дастан Сатпаев. Иә, Назми Грипши сұрмергендер жарысында алға шықты, бірақ Дастанның Назмиге қарағанда өткізген ойыны мен алаңдағы уақыты әлдеқайда аз болды. Соған қарамастан, ол албан легионеріне қарағанда тиімдірек болды. Оның үстіне бұл Дастанның ересектер футболындағы алғашқы маусымы еді, бірақ ол еш қорықпады, өзіне сенімді, кәсіби ойын көрсетті, жауапкершілікті мойнына алды. Сондай-ақ Сатпаевтың «Қайратқа» жеңіс әкелген шешуші голдардың көбін соққанын ерекше атап өткім келеді. Чемпион атанған команданың үздік сұрмергені болу – оның еңбегінің ең жақсы бағасы. Және қарсыластарына реніш болмасын, бірақ өз ойыншымыздың үздік болғаны қуанарлық жағдай. Қазақстан футболында осындай керемет ойыншының пайда болғанына өте қуаныштымын!
