KFF League аяқталған футбол маусымының қорытындысын шығаруды жалғастыруда. Бұл жолы – Екінші лига командалары арасындағы жарыс туралы әңгіме.
2025 жылы қазақстандық футболдың үшінші дивизионы ерекше қызықты өтті. Екінші лига дәстүр бойынша аумақтық-географиялық қағидамен екіге бөлінді, және бұл шешім өзін толығымен ақтады. Клубтар ұзақ сапарлардан құтылып, бюджет қаражатын үнемдеді, ал футболшылар да артық күш жұмсамады.
Әр конференцияда 11 командадан болды, барлығы 20 матчтан өткізді. Алайда форматтың ұқсастығына қарамастан, «Солтүстік-шығыс» пен «Оңтүстік-батыстың» арасында айтарлықтай айырмашылықтар байқалды.
«СОЛТҮСТІК-ШЫҒЫС» КОНФЕРЕНЦИЯСЫ
Мұнда барлық 11 қатысушы – биыл КПЛ немесе Бірінші лигада ойнаған клубтардың жастар командалары.
«Астананың» жас буыны шын мәнінде феноменалды нәтиже көрсетті. Астаналық жастар бірде-бір матчта жеңіліс көрмей, бүкіл маусымды сәтті өткізді. Тек бір ойында ғана жеңіссіз қалды – «Жеңіс-М» командасымен болған дерби 3:3 есебімен тең аяқталды.
14 ірі есепті жеңіс, мүмкін болған 60 ұпайдың 58-і, доп айырмасы +101 (120:19) және конференциядағы бірінші орын – Сапар Қарынбаев жаттықтыратын ұжымның лайықты нәтижесі.
«Астана-М» командасының екі футболшысы бірден «Солтүстік-шығыс» бомбардирлері тізімінің көшін бастады: Арсен Ахметов (21 гол) бірінші, ал оның командаласы Ахметәлі Қалтанов (16 гол) екінші орын алды.
Үздік үштіктен «Шахтер-М» (48 ұпай) мен «Елімай-М» (37 ұпай) да орын алды. Семейлік жастар «қоланы» соңғы турда ғана иеленді – тікелей бәсекелесі «Тобыл-М»-ды 5:1 есебімен жеңіп, үш ұпай айырмасымен алға шықты.
«ОНТҮСТІК-БАТЫС» КОНФЕРЕНЦИЯСЫ
Бұл аймақтағы 11 команданың алтауы – дербес клубтар, олардың көбісі бұған дейін жоғары деңгейде ойнаған. Тіпті «Мақтаарал» бір кездері Премьер-лигада өнер көрсеткен.
Алайда «мақтааралдықтар» маусым қорытындысына риза бола алмайды – олар сегізінші орынмен шектелді. Ең үздік нәтиже Оралдың «Жайығына» тиесілі болды. Бұрын бұл қалада КПЛ-де ойнаған және Қазақстан Кубогының финалына дейін жеткен команда болған еді.
«Ақжайық» қазір жоқ, бірақ оның орнын «Жайық» басты – жаңа команда өз конференциясында айқын басымдықпен чемпион атанды. «Оңтүстік-батыс» үштігіне «Каспий-М» мен «Жас Қыран» да енді.
Айта кету керек, Екінші лиганың дебютанты – алматылық ФК Jeyran кәсіби деңгейге баяу бейімделді. Алғашқы ұпайын тек 16-турда «Атырауды» 1:0 есебімен жеңіп алды. Алайда маусым соңында олардың қоржынында 11 ұпай болды.
КІМ ЕҢ ҮЗДІК?
Маусым аяқталған соң, конференция жеңімпаздарының арасынан бүкіл Екінші лиганың үздігін анықтау туралы шешім қабылданды. «Солтүстік-шығыстың» чемпионы «Астана-М» мен «Оңтүстік-батыстың» жеңімпазы «Жайық» қосымша матч өткізді.
Алматыда өткен бұл кездесу астаналық жастардың 2:0 есебіндегі сенімді жеңісімен аяқталды.
Осылайша, «Астана-М» маусым бойы бірде-бір рет ұтылмай, елдің үшінші дивизионының үздік командасы атанды.
Дегенмен, «Жайыққа» да көңілсізденуге себеп жоқ – себебі ол да «Астана-М»-мен бірге Бірінші лигаға жолдама алды!
2025 жылы қазақстандық футболдың үшінші дивизионы ерекше қызықты өтті. Екінші лига дәстүр бойынша аумақтық-географиялық қағидамен екіге бөлінді, және бұл шешім өзін толығымен ақтады. Клубтар ұзақ сапарлардан құтылып, бюджет қаражатын үнемдеді, ал футболшылар да артық күш жұмсамады.
Әр конференцияда 11 командадан болды, барлығы 20 матчтан өткізді. Алайда форматтың ұқсастығына қарамастан, «Солтүстік-шығыс» пен «Оңтүстік-батыстың» арасында айтарлықтай айырмашылықтар байқалды.
«СОЛТҮСТІК-ШЫҒЫС» КОНФЕРЕНЦИЯСЫ
Мұнда барлық 11 қатысушы – биыл КПЛ немесе Бірінші лигада ойнаған клубтардың жастар командалары.
«Астананың» жас буыны шын мәнінде феноменалды нәтиже көрсетті. Астаналық жастар бірде-бір матчта жеңіліс көрмей, бүкіл маусымды сәтті өткізді. Тек бір ойында ғана жеңіссіз қалды – «Жеңіс-М» командасымен болған дерби 3:3 есебімен тең аяқталды.
14 ірі есепті жеңіс, мүмкін болған 60 ұпайдың 58-і, доп айырмасы +101 (120:19) және конференциядағы бірінші орын – Сапар Қарынбаев жаттықтыратын ұжымның лайықты нәтижесі.
«Астана-М» командасының екі футболшысы бірден «Солтүстік-шығыс» бомбардирлері тізімінің көшін бастады: Арсен Ахметов (21 гол) бірінші, ал оның командаласы Ахметәлі Қалтанов (16 гол) екінші орын алды.
Үздік үштіктен «Шахтер-М» (48 ұпай) мен «Елімай-М» (37 ұпай) да орын алды. Семейлік жастар «қоланы» соңғы турда ғана иеленді – тікелей бәсекелесі «Тобыл-М»-ды 5:1 есебімен жеңіп, үш ұпай айырмасымен алға шықты.
«ОНТҮСТІК-БАТЫС» КОНФЕРЕНЦИЯСЫ
Бұл аймақтағы 11 команданың алтауы – дербес клубтар, олардың көбісі бұған дейін жоғары деңгейде ойнаған. Тіпті «Мақтаарал» бір кездері Премьер-лигада өнер көрсеткен.
Алайда «мақтааралдықтар» маусым қорытындысына риза бола алмайды – олар сегізінші орынмен шектелді. Ең үздік нәтиже Оралдың «Жайығына» тиесілі болды. Бұрын бұл қалада КПЛ-де ойнаған және Қазақстан Кубогының финалына дейін жеткен команда болған еді.
«Ақжайық» қазір жоқ, бірақ оның орнын «Жайық» басты – жаңа команда өз конференциясында айқын басымдықпен чемпион атанды. «Оңтүстік-батыс» үштігіне «Каспий-М» мен «Жас Қыран» да енді.
Айта кету керек, Екінші лиганың дебютанты – алматылық ФК Jeyran кәсіби деңгейге баяу бейімделді. Алғашқы ұпайын тек 16-турда «Атырауды» 1:0 есебімен жеңіп алды. Алайда маусым соңында олардың қоржынында 11 ұпай болды.
КІМ ЕҢ ҮЗДІК?
Маусым аяқталған соң, конференция жеңімпаздарының арасынан бүкіл Екінші лиганың үздігін анықтау туралы шешім қабылданды. «Солтүстік-шығыстың» чемпионы «Астана-М» мен «Оңтүстік-батыстың» жеңімпазы «Жайық» қосымша матч өткізді.
Алматыда өткен бұл кездесу астаналық жастардың 2:0 есебіндегі сенімді жеңісімен аяқталды.
Осылайша, «Астана-М» маусым бойы бірде-бір рет ұтылмай, елдің үшінші дивизионының үздік командасы атанды.
Дегенмен, «Жайыққа» да көңілсізденуге себеп жоқ – себебі ол да «Астана-М»-мен бірге Бірінші лигаға жолдама алды!