KFF League – 2025 жылғы Қазақстандағы футбол маусымын қорытындылауды бастап кетті. Бүгін әйелдер лигасының су жаңа чемпионы «Ақтөбе» әйелдер футбол клубы туралы сөз қозғамақпыз.
Қазақстан футбол тарихында тұңғыш рет қыздар арасында толыққанды ұлттық чемпионат жоғары деңгейде ұйымдастырылды. Нәтижесі де жаман емес. Барлығы сәтті өтті.
Еліміздің 13 қаласының намысын 14 команда қорғады. Олар екі айналымдық жүйе бойынша бақ сынасып, ең мықты ұжымды анықтады. Барлық ойындар жоспарға сай өтті, ешқандай форс-мажор жағдайлар болған жоқ.
Маусым алдындағы басты фаворит — еліміздің ең атақты клубы Шымкенттің БИІК командасы болатын. Олар 13 дүркін Қазақстан чемпионы, 2012 жылдан бері ешкімге чемпиондықты бермеген команда.
Болжам бойынша, шымкенттіктерге негізгі бәсекелес ретінде «Ақтөбе» мен «Томирис-Туран» қарастырылды. Шын мәнінде дәл осы үш команда үздіктер үштігіне енді. Дегенмен чемпиондық басты фаворитке бұйырмады.
Үшінші турда-ақ «қызыл-ақтар» өздерінің чемпиондыққа деген шынайы ниетін көрсетті. Олар Шымкентте БИІК-пен 2:2 есебімен тең ойнады.
Одан кейін екі басты қарсылас ұзақ уақыт бойы ұпай жоғалтпай, қатарынан жеңістерге жетіп отырды. Чемпион тағдырын олардың екінші айналымдағы өзара кездесуі шешетіні анық болды.
Бұл шешуші ойын 27 шілдеде Қобыланды батыр атындағы стадионда өтті. Кездесу көпшілік күткендей тартысты болды. «Ақтөбе» мінез танытып, 3:2 есебімен жеңіске жетті – шешуші гол қосымша уақытта соғылды.
Қалған ойындарда ақтөбелік арулар тек бір рет тең түсті. Ол Түркістандағы «Томирис-Тұранмен» өткен матч (0:0).
Ал БИІК бұдан кейін жеңілген жоғалтқан жоқ, бірақ көшбасшыны қуып жете алмады. Сөйтіп басты қарсыласынан үш ұпайға қалып қойды.
Шымкенттік команда үшін тағы бір соққы – үздік сұрмергендер жарысының нәтижесі болды. Маусым басында БИІК шабуылшысы Гүлнара Габелия гол соғуда ерекше нәтиже көрсетіп, көш бастап тұрған еді. Алайда маусым соңында «Ақтөбе» шабуылшысы Алина Литвиненко қарсыласын басып озып, чемпионаттың үздік бомбардирі атанды –72 гол, ал Гүлнарада 70 гол.
Әрине, БИІК командасының чемпиондықты қорғай алмауына Еуропа чемпиондар лигасындағы қатысуы да әсер етті. Екі майданда бірдей ойнау оңай емес. Енді дәл осындай сынақ «Ақтөбе» командасын да күтіп тұр.
Төртінші орын үшін күрес те өте тартысты өтті. Соңғы турға дейін бұл орынға «Қызылжар», «Елімай» және «Қайрат» таласты. Нәтижесінде петропавлдық қыздар үздік шықты – 4-орын, семейліктер 5-орын, алматылықтар 6-орын алды.
Жалпы, 2025 жылғы әйелдер лигасы маусымы барлық көрсеткіш бойынша сәтті өтті.
Келесі жылы чемпионат одан да қызықты әрі тартысты болатынына сенім мол!
Қазақстан футбол тарихында тұңғыш рет қыздар арасында толыққанды ұлттық чемпионат жоғары деңгейде ұйымдастырылды. Нәтижесі де жаман емес. Барлығы сәтті өтті.
Еліміздің 13 қаласының намысын 14 команда қорғады. Олар екі айналымдық жүйе бойынша бақ сынасып, ең мықты ұжымды анықтады. Барлық ойындар жоспарға сай өтті, ешқандай форс-мажор жағдайлар болған жоқ.
Маусым алдындағы басты фаворит — еліміздің ең атақты клубы Шымкенттің БИІК командасы болатын. Олар 13 дүркін Қазақстан чемпионы, 2012 жылдан бері ешкімге чемпиондықты бермеген команда.
Болжам бойынша, шымкенттіктерге негізгі бәсекелес ретінде «Ақтөбе» мен «Томирис-Туран» қарастырылды. Шын мәнінде дәл осы үш команда үздіктер үштігіне енді. Дегенмен чемпиондық басты фаворитке бұйырмады.
Үшінші турда-ақ «қызыл-ақтар» өздерінің чемпиондыққа деген шынайы ниетін көрсетті. Олар Шымкентте БИІК-пен 2:2 есебімен тең ойнады.
Одан кейін екі басты қарсылас ұзақ уақыт бойы ұпай жоғалтпай, қатарынан жеңістерге жетіп отырды. Чемпион тағдырын олардың екінші айналымдағы өзара кездесуі шешетіні анық болды.
Бұл шешуші ойын 27 шілдеде Қобыланды батыр атындағы стадионда өтті. Кездесу көпшілік күткендей тартысты болды. «Ақтөбе» мінез танытып, 3:2 есебімен жеңіске жетті – шешуші гол қосымша уақытта соғылды.
Қалған ойындарда ақтөбелік арулар тек бір рет тең түсті. Ол Түркістандағы «Томирис-Тұранмен» өткен матч (0:0).
Ал БИІК бұдан кейін жеңілген жоғалтқан жоқ, бірақ көшбасшыны қуып жете алмады. Сөйтіп басты қарсыласынан үш ұпайға қалып қойды.
Шымкенттік команда үшін тағы бір соққы – үздік сұрмергендер жарысының нәтижесі болды. Маусым басында БИІК шабуылшысы Гүлнара Габелия гол соғуда ерекше нәтиже көрсетіп, көш бастап тұрған еді. Алайда маусым соңында «Ақтөбе» шабуылшысы Алина Литвиненко қарсыласын басып озып, чемпионаттың үздік бомбардирі атанды –72 гол, ал Гүлнарада 70 гол.
Әрине, БИІК командасының чемпиондықты қорғай алмауына Еуропа чемпиондар лигасындағы қатысуы да әсер етті. Екі майданда бірдей ойнау оңай емес. Енді дәл осындай сынақ «Ақтөбе» командасын да күтіп тұр.
Төртінші орын үшін күрес те өте тартысты өтті. Соңғы турға дейін бұл орынға «Қызылжар», «Елімай» және «Қайрат» таласты. Нәтижесінде петропавлдық қыздар үздік шықты – 4-орын, семейліктер 5-орын, алматылықтар 6-орын алды.
Жалпы, 2025 жылғы әйелдер лигасы маусымы барлық көрсеткіш бойынша сәтті өтті.
Келесі жылы чемпионат одан да қызықты әрі тартысты болатынына сенім мол!