26 қазан күні футболдан Қазақстан Премьер-лигасындағы соңғы, яғни 26-турдағы барлық жеті матч өтті. Алматыдағы Орталық стадионда ұйымдастырылған «Қайрат» пен «Астана» арасындағы «алтын» матчта тең нәтиже тіркеліп, нәтижесінде «Қайрат» 2025 жылғы маусымның чемпионы атанды.
«Қайрат» (Алматы) – «Астана» (Астана) – 1:1 (0:1)
Голдар: Томасов, 15 (0:1); Сәтпаев, 56 (1:1).
Еліміздің ең үздік клубтары арасындағы кездесу әрқашан тартысты өтетіні белгілі. Бұл ойын да алдыңғыларынан кем түскен жоқ. Оның үстіне аталған матчта ел чемпионы атағы сарапқа салынды. Алматыдағы ойынның маңызын ескеріп, матчты ФИФА төрешісі, италиялық Маттео Маркетти басқарды. Ойын әдеттегідей «Қайраттың» қарқынды шабуылдарымен басталды. Бірақ қонақтар алаң иелерінің бастапқы қысымын еңсеріп, алғашқы қауіпті шабуылын голмен аяқтады. Ойынның 15-минутында Марин Томасов кездесудің есебін ашты.
Бұл нәтиже алаң иелерін қанағаттандырмайтыны белгілі еді. Алматылықтар допты көбірек ұстап, есепті теңестіру үшін біраз шабуылдап бақты. Алайда «Астана» өте сауатты қорғанып, бірінші тайм қонақтардың басымдығымен аяқталды – 0:1. Екінші тайм басында Эдмилсон алаңға шығып, «Қайраттың» ойынына қан жүгіре бастады. Бразилиялық ойыншы жауапты шабуылдың бастауына қатысып, Дастан Сәтпаев нәтижелі соққымен көзге түсті – 1:1. Бұдан кейін «Қайрат» сақ ойнап, өз қақпасы маңында «Астанаға» еш мүмкіндік берген жоқ.
Осылайша алматылықтар қатарынан екінші жыл ел біріншілігінде үздік шығып, Қазақстанның бес дүркін чемпионы атанды. Бұл көрсеткіш бойынша олар «Ақтөбе» мен «Ертіс» клубтарымен теңесті. Ал «Астана» еліміздің жеті дүркін чемпионы саналады.
Бұл нәтиже алаң иелерін қанағаттандырмайтыны белгілі еді. Алматылықтар допты көбірек ұстап, есепті теңестіру үшін біраз шабуылдап бақты. Алайда «Астана» өте сауатты қорғанып, бірінші тайм қонақтардың басымдығымен аяқталды – 0:1. Екінші тайм басында Эдмилсон алаңға шығып, «Қайраттың» ойынына қан жүгіре бастады. Бразилиялық ойыншы жауапты шабуылдың бастауына қатысып, Дастан Сәтпаев нәтижелі соққымен көзге түсті – 1:1. Бұдан кейін «Қайрат» сақ ойнап, өз қақпасы маңында «Астанаға» еш мүмкіндік берген жоқ.
Осылайша алматылықтар қатарынан екінші жыл ел біріншілігінде үздік шығып, Қазақстанның бес дүркін чемпионы атанды. Бұл көрсеткіш бойынша олар «Ақтөбе» мен «Ертіс» клубтарымен теңесті. Ал «Астана» еліміздің жеті дүркін чемпионы саналады.
«Елімай» (Семей) – «Атырау» (Атырау) – 3:2 (2:1)
Голдар: Смыков, 2 (0:1); Свиридов, 26 (1:1); Плакка, 32 (2:1); Дорофеев, 56 (2:2); Мұртазаев, 90+1 (3:2).
26-турдың алғашқы добы Семейдегі матчта соғылды. Мұнда «Елімай» өз алаңында «Атырауды» қабылдады. Алайда күтпеген жерден есепті қонақтар ашып кетті. Бірақ көп ұзамай Андрей Карпович шәкірттері жағдайды түзетіп, Иван Свиридовтың арқасында таразы басын теңестірді. Арада алты минут өткенде Фессу Плакка тағы бір гол соғып, үзіліске дейін «Елімайды» алға шығарды – 2:1.
Екінші таймда «Атырау» есепті теңестіріп, кездесу тең нәтижемен аяқталады деп тұрғанда, қосымша уақытта Роман Мұртазаев мергендігімен көзге түсіп, «Елімайға» жеңіс сыйлады – 3:2. Бұл жеңіс семейліктерге зор қуаныш сыйлап, клубты төртінші орынға шығарды. Сөйтіп, келесі маусымда «Елімай» Еурокубок бәсекесінде алғаш рет бақ сынайтын болды. «Атырау» Премьер-лигадағы орнын сақтап қалды.
«Ақтөбе» (Ақтөбе) – «Ордабасы» (Шымкент) – 2:2 (0:2)
Голдар: Эвертон, 17 (0:1); Э. Астанов, 45+3 (пенальти – 0:2); Шушеначев, 50 (1:2); Шушеначев, 77 (2:2).
«Ақтөбенің» біріншілікті төртінші орынмен аяқтауға мүмкіндігі болғанымен, оны қолдан шығарып алды. Соңғы турда ақтөбеліктер Шымкенттің «Ордабасы» клубын қабылдап, 2:2 есебімен тең ойнады. Бірінші таймда қонақтар екі гол соқса, екінші таймда алаң иелері де екі мәрте мергендік танытты. Бір ұпай еншілеген ақтөбеліктер маусымды бесінші орынмен аяқтады.
«Оқжетпес» (Көкшетау) – «Тұран» (Түркістан) – 4:3 (3:2)
Голдар: Трифунович, 7 (0:1); Жұмат, 9 (1:1); Йованович, 33 (2:1); Перцух, 36 (2:2); Жұмат, 45+2 (3:2); Трифунович, 58 (3:3); Сапанов, 80 (өз қақпасына – 4:3).
«Тұран» Премьер-лигада қалу үшін соңғы мүмкіндігін пайдалануға тырысты. Сырт алаңда «Оқжетпеске» қарсы ойнап, есепті де бірінші болып ашты. Бірақ өз жанкүйерлерінің алдында ойнаған «Оқжетпес» «Тұранның» голына тез жауап қатты. Ойын өте тартысты өтіп, голға бай кездесу болды. Матч соңына дейін 3:3 есебі тіркеліп, ойын тең нәтижемен аяқталады деп тұрғанда, түркістандықтар өз қақпасына гол соғып алып, 4:3 есебімен жеңіліп қалды. «Тұран» маусымды соңғы орында аяқтап, жоғары лигадағы орнын жоғалтты.
«Ұлытау» (Жезқазған) – «Тобыл» (Қостанай) – 2:2 (1:1)
Голдар: Девенс, 33 (0:1); Пайович, 39 (1:1); Вачиберадзе, 79 (2:1); Ғалым, 84 (2:2).
Екі команда да турнирлік міндеттерін орындап қойғандықтан, бұл кездесу аса тартысты бола қойған жоқ. Бірінші таймның және екінші таймның соңында екі команда да бір-бірдан гол соғып, матч 2:2 есебімен аяқталды.
«Жеңіс» (Астана) – «Қайсар» (Қызылорда) – 2:2 (1:1)
Голдар: Қараман, 9 (1:0); Ағзамбаев, 33 (1:1); Губарев, 51 (1:2); Әділ, 88 (2:2).
Астаналықтар алғашқы минуттарда есеп ашып, ойынға толық бақылау орнатқандай болды. Бірақ «Қайсар» күтпеген жерден таразы басын теңестіріп, екінші таймда алға шықты. Дегенмен 88-минутта Әділдің соққысы астаналықтарды жеңілістен құтқарып қалды – 2:2. Бұл нәтижемен «Жеңіс» маусымды алтыншы орында аяқтады.
«Жетісу» (Талдықорған) – «Қызылжар» (Петропавл) – 0:1 (0:0)
Гол: Валгушев, 88 (0:1).
Турдың ең кеш голы Талдықорғанда соғылды. Матч басында-ақ «Жетісу» ойыншысы Рафаэль Саксесс қызыл қағаз алып, алаңнан қуылды. Ұзақ уақыт есеп ашылмай, тек 88-минутта Валгушев жеңіс голын соғып, «Қызылжарға» үш ұпай сыйлады.
