26 қазан күні футболдан Қазақстан Премьер-лигасындағы соңғы, яғни 26-тур ойындары өтеді. Барлық жеті матч бір уақытта басталады. Чемпион атағын «Қайрат» пен «Астана» командалары сарапқа салады.
«Қайрат» (Алматы) – «Астана» (Астана)
Басталуы: 15:00
Өтетін орны: «Орталық» стадион (Алматы қаласы)
Кездесулер тарихы:
Ойын саны – 52
«Қайраттың» жеңісі – 19
«Астананың» жеңісі – 21
Тең ойын – 12
Қос команда бірінші турда Астанада кездесіп, чемпионаттың шымылдығын ашып берсе, енді, міне, біріншілік еліміздің ең мықты ұжымдарының ойынымен Алматыда түйінделмек. Бірінші турда командалар 1:1 есебімен тең ойнаған болатын. Қазіргі чемпион «Қайрат» астаналықтардан екі ұпайға алда тұр. Демек, атағын қорғау үшін алматылықтарға тең нәтиже де жеткілікті. Ал «Астанаға» үш жылдық үзілістен кейін қайтадан чемпион атану үшін тек жеңіс керек.
«Елімай» (Семей) – «Атырау» (Атырау)
Басталуы: 15:00
Өтетін орны: «Спартак» стадион (Семей қаласы)
Кездесулер тарихы:
Ойын саны – 4
«Елімайдың» жеңісі – 1
«Атыраудың» жеңісі – 2
Тең ойын – 1
Бұл матчтың жүлделі орындарға еш қатысы болмаса да, екі команда үшін де нәтиже өте маңызды. Абай облысының клубы алғаш рет еурокубок жолдамасына үмітті болса, «Атырау» Премьер-лигадағы орнын сақтап қалу үшін күресуде. Бір қызығы, екі командаға да тең нәтиже тиімді, бірақ екеуі де бұған келісуі екіталай. Әсіресе «Елімай» бірінші турдағы жеңілісі үшін есе қайтаруға тырысады. Айта кетсек, семейліктер Премьер-лигада «Атырауды» әлі жеңбеген.
«Ақтөбе» (Ақтөбе) – «Ордабасы» (Шымкент)
Басталуы: 15:00
Өтетін орны: Қобыланды батыр атындағы стадион (Ақтөбе қаласы)
Кездесулер тарихы:
Ойын саны – 75
«Ақтөбенің» жеңісі – 33
«Ордабасының» жеңісі – 15
Тең ойын – 27
«Ақтөбенің» төртінші орын алып, Конференция лигасының іріктеу кезеңіне жолдама алу мүмкіндігі тек теория жүзінде ғана бар. Ол үшін ақтөбеліктер «Ордабасыны» ірі есеппен ұтып, «Елімай» «Атыраудан» ірі есеппен жеңілуі керек. Бұл өте қиын сценарий. «Ақтөбе» соңғы рет 14-турда ғана үш гол айырмасымен («Туранды» 3:0) жеңген болатын, ал «Ордабасы» өткен аптада «Оқжетпесті» 7:1 есебімен ойсырата ұтты. Соңғы үш өзара кездесудің бәрі тең аяқталған.
«Оқжетпес» (Көкшетау) – «Тұран» (Түркістан)
Басталуы: 15:00
Өтетін орны: «Оқжетпес» стадион (Көкшетау қаласы)
Кездесулер тарихы:
Ойын саны – 1
«Оқжетпестің» жеңісі – 0
«Тұранның» жеңісі – 1
Тең ойын – 0
«Тұранның» Премьер-лигада қалу мүмкіндігі «Ақтөбенің» төртінші орын алу мүмкіндігінен де аз. Дегенмен, таза математикалық үміт бар. Ол үшін түркістандықтар «Оқжетпесті» ірі есеппен ұтып, «Атырау» Семейде ірі есеппен жеңілуі қажет. Алайда жоғары топтан шығып қалу қаупі тұрған клубтың сырт алаңда жеңіске жетуі қиын. «Оқжетпес» те өз жанкүйерлерінің алдында өткен турдағы (1:7) масқара жеңілістен кейін ақталғысы келеді.
«Ұлытау» (Жезқазған) – «Тобыл» (Қостанай)
Басталуы: 15:00
Өтетін орны: «Металлург» стадион (Жезқазған қаласы)
Кездесулер тарихы:
Ойын саны – 1
«Ұлытаудың» жеңісі – 0
«Тобылдың» жеңісі – 1
Тең ойын – 0
Премьер-лига дебютанты «Ұлытау» маусымдағы басты міндеті – жоғары топта қалуды мерзімінен бұрын орындады. «Тобылдың» да маусымына көңіл толарлық деуге болады, өйткені қостанайлықтар Қазақстан кубогын жеңіп, кем дегенде қола жүлдені қамтамасыз етті. Теория жүзінде ғана «Тобыл» күміс жүлдеге таласа алады, бірақ бұл үшін керемет сәттілік қажет.
«Жеңіс» (Астана) – «Қайсар» (Қызылорда)
Басталуы: 15:00
Өтетін орны: «Астана Арена» (Астана қаласы)
Кездесулер тарихы:
Ойын саны – 40
«Жеңістің» жеңісі – 17
«Қайсардың» жеңісі – 14
Тең ойын – 9
Бұл матч турнир кестесіне айтарлықтай әсер етпейді. «Жеңіс» алтыншы орыннан жоғары көтеріле алмайды, ал «Қайсардың» үздік ондыққа енуі екіталай. Дегенмен екі команда да маусымды жақсы нотада аяқтағысы келеді. Бірінші айналымдағы ойын 0:0 есебімен тең аяқталған еді. Бұл жолы екі ұжым да қысымсыз, еркін ойнап, шабуылға толы футбол көрсетуге тырысады.
«Жетісу» (Талдықорған) – «Қызылжар» (Петропавл)
Басталуы: 15:00
Өтетін орны: «Жетісу» стадион (Талдықорған қаласы)
Кездесулер тарихы:
Ойын саны – 38
«Жетісудың» жеңісі – 10
«Қызылжардың» жеңісі – 18
Тең ойын – 10
Қос ұжымға да бұл ойында аса қатты қысым жоқ. «Қызылжар» тоғызыншы орнынан жоғары немесе төмен түсе қоймайды. «Жетісу» да өз позициясын аздап қана өзгертуі мүмкін. Сондықтан бұл ойында командалар жанкүйерлерге тамаша ойын сыйлауға тырысады.
