24 қазанда футболдан Қазақстан Бірінші лигасының соңғы, яғни 26-тур ойындары өтеді. Осы турдың қорытындысы бойынша турнир кестесінде үшінші орын алған команда анықталып, Премьер-лигаға жолдама алады. Соңғы жолдаманы «Алтай» мен «Шахтер» клубтары сарапқа салады.
«Алтай» (Өскемен) – «Оңтүстік» (Шымкент)
Басталуы: 14:00
Өтетін жері: «Шығыс» стадионы (Өскемен)
Кездесулер тарихы:
Ойындар саны – 1
«Алтайдың» жеңісі – 1
«Оңтүстіктің» жеңісі – 0
Тең ойын – 0
Бұл тур «Алтай» үшін шешуші ойын. Өскемен қаласының клубы 2013 жылдан бері жоғарғы лигада ойнамаған. Енді жергілікті клуб сол мәртебені қайта қайтаруға бір қадам жақын тұр. Егер Вахид Масудов шәкірттері өз алаңында «Оңтүстікті» жеңсе, онда турнир кестесінде үшінші орын алып, ҚПЛ жолдамасын қамтамасыз етеді.
Тіпті тең нәтиже де жеткілікті болуы мүмкін, алайда «Алтай» маусымды өз жанкүйерлерінің алдында жеңіспен аяқтауға тырысары сөзсіз. Оның үстіне, «Алтай» биыл Шымкентте өткен бірінші айналымда «Оңтүстікті» 2:0 есебімен жеңген.
«Екібастұз» (Екібастұз) – Ertis (Павлодар)
Басталуы: 14:00
Өтетін жері: «Орталық» стадионы (Павлодар)
Кездесулер тарихы:
Ойындар саны – 16
«Екібастұздың» жеңісі – 3
Ertis-тің жеңісі – 10
Тең ойын – 3
Бір кездері екі команданың кездесуі ел назарын аударып, жоғары дивизиондағы жүлделер тағдырын шешетін. Қазір бұл аймақтық дерби Бірінші лига аясында өтуде. Ertis қазірдің өзінде Премьер-лига жолдамасын мерзімінен бұрын иеленді. Ал «Екібастұз» маусымды оныншы орында аяқтайтыны белгілі.
Бір қарағанда, екі тарапта да айтарлықтай мотивация жоқ. Алайда бір облыстың командалары арасындағы бәсеке ешқашан жай өтпейді. Сондықтан командалар бұл ойында да жеңіс үшін барын салары анық.
AKAS (Алматы) – «Каспий» (Ақтау)
Басталуы: 14:00
Өтетін жері: «Жас Қыран» стадионы (Алматы)
Кездесулер тарихы:
Ойын саны – 2
AKAS-тың жеңісі – 0
«Каспийдің» жеңісі – 1
Тең ойын – 1
Бұл командалар реттік бойынша биыл үшінші рет жолығады. Бұған дейін олар 2025 жылы Қазақстан кубогының іріктеу кезеңінде және чемпионаттың алғашқы айналымында кездескен болатын. Алайда бұл жолғы кездесу маусымның соңғы туры болғандықтан, турнирлік тұрғыдан еш маңызға ие емес.
«Каспий» мерзімінен бұрын ҚПЛ-ға оралу мәселесін шешіп, Бірінші лига чемпионы атағын қамтамасыз етіп қойған. Ал AKAS дебюттік маусымын сәтті өткізді деуге болады. Сондықтан екі жақ та еркін ойнап, шабуылға ден қоятыны сөзсіз. Көрермендер бұл кездесуден қызықты әрі голға бай ойын күтеді.
«Ақтөбе-Ж» (Ақтөбе) – «Хан-Тәңірі» (Алматы)
Басталуы: 14:00
Өтетін жері: ОCДЮСШОР стадионы (Ақтөбе)
Кездесулер тарихы:
Ойын саны – 5
«Ақтөбе-Ж» жеңісі – 0
«Хан-Тәңірі» жеңісі – 4
Тең ойын – 1
Өткен турда екі команда да ірі есеппен жеңіске жетті. «Ақтөбе-Ж» сырт алаңда астаналық SD Family ұжымын 2:7 есебімен тізе бүтірген еді. Бұл – «Ақтөбе-Ж» үшін ерекше нәтиже деп айтуға болады. Себебі олар осыған дейін бірде-бір ойында жеңіске жетпеген еді. Тек 24-турда «Түркістанмен» өтпей қалған ойында ақтөбеліктерге 3:0 есебімен техникалық жеңіс жазылған болатын.
«Хан-Тәңірі» де ұзақ уақыт бойы жеңіске жете алмай, төрт айлық (14 ойын) сәтсіз сериясын тоқтатты. Бұл турдағы кез келген нәтиже екі команданың турнир кестесіндегі орнына еш әсер ептпейді. «Ақтөбе-Ж» 13-орынын сақтап қалса, алматылықтар 12-орынға тұрақтайды. Демек, бұл ойында қос тарап еркін ойнап, өздеріне және жанкүйерлеріне жақсы көңіл күй сыйлауға тырыспақ.
«Қайрат-Жастар» (Алматы) – SD Family (Астана)
Басталуы: 14:00
Өтетін жері: Т. Сегізбаев атындағы академия стадионы (Алматы)
Кездесулер тарихы:
Ойын саны – 3
«Қайрат-Жастардың» жеңісі – 2
SD Family жеңісі – 0
Тең ойын – 1
Екі команданың биылғы маусымдағы нәтижесіне көңілі тола қоймас. Алматылықтар турнир кестесінің бел ортасында тұрақтаса, астаналық клуб төменгі орындарда қалып қойды. Өткен турда SD Family «Ақтөбе-Ж» командасынан 2:7 есебімен ойсырай ұтылды. Бұл жеңіліс, әрине, астаналықтарға ауыр тигені анық.
Ал «Қайрат-Жастар» керісінше, соңғы ойынында сенімді ойнап, Түркістанда жергілікті клубты 4:1 есебімен жеңді. Жалпы алғанда, алдағы кездесуде алаң иелері фаворит саналады. Дегенмен, SD Family ойыншылары намысты қолдан бермей, маусымды лайықты аяқтауға тырысар?
«Хан-Тәңірі» де ұзақ уақыт бойы жеңіске жете алмай, төрт айлық (14 ойын) сәтсіз сериясын тоқтатты. Бұл турдағы кез келген нәтиже екі команданың турнир кестесіндегі орнына еш әсер ептпейді. «Ақтөбе-Ж» 13-орынын сақтап қалса, алматылықтар 12-орынға тұрақтайды. Демек, бұл ойында қос тарап еркін ойнап, өздеріне және жанкүйерлеріне жақсы көңіл күй сыйлауға тырыспақ.
«Қайрат-Жастар» (Алматы) – SD Family (Астана)
Басталуы: 14:00
Өтетін жері: Т. Сегізбаев атындағы академия стадионы (Алматы)
Кездесулер тарихы:
Ойын саны – 3
«Қайрат-Жастардың» жеңісі – 2
SD Family жеңісі – 0
Тең ойын – 1
Екі команданың биылғы маусымдағы нәтижесіне көңілі тола қоймас. Алматылықтар турнир кестесінің бел ортасында тұрақтаса, астаналық клуб төменгі орындарда қалып қойды. Өткен турда SD Family «Ақтөбе-Ж» командасынан 2:7 есебімен ойсырай ұтылды. Бұл жеңіліс, әрине, астаналықтарға ауыр тигені анық.
Ал «Қайрат-Жастар» керісінше, соңғы ойынында сенімді ойнап, Түркістанда жергілікті клубты 4:1 есебімен жеңді. Жалпы алғанда, алдағы кездесуде алаң иелері фаворит саналады. Дегенмен, SD Family ойыншылары намысты қолдан бермей, маусымды лайықты аяқтауға тырысар?
«Жетісай» (Жетісай) – «Тараз» (Тараз)
Басталуы: 14:00
Өтетін жері: «Орталық» стадион (Жетісай)
Кездесулер тарихы:
Ойындар саны – 3
«Жетісайдың» жеңісі – 2
«Тараздың» жеңісі – 0
Тең ойын – 1
«Жетісай» биылғы маусымды табысты өткізді. Ұзақ уақыт бойы команда ҚПЛ-ға шығу үшін күрес жүргізгенімен, маусым соңына қарай қарқынын бәсеңдетті. Ал «Тараз» чемпионаттың алғашқы жартысын сәтсіз өткізгенімен, екінші айналымда тәуір ойнай бастады. Команда келесі маусымға үлкен мақсаттар қойып отыр.
Алайда алдымен биылғы маусымды лайықты аяқтау қажет. Бұл ойында тараздықтардың жеңіске жету мүмкіндігі бар, бірақ «Жетісай» да соңғы матчта өз алаңындағы жанкүйерлерін қуантуды қалайды.
