Футболдан әйелдер арасындағы ел біріншілігінің 25-турында «Астана» өз алаңында Петропавлдың «Қызылжар» командасын қабылдап, 0:1 есебімен жеңілді. Матчтан кейін елордалық клубтың жартылай қорғаушысы Алзия Жамбыл KFF League сайтына сұхбат беріп, ойыны туралы пікірін білдірді.
– Алзия, ойын жайлы не айтасыз?
– Жалпы, ойынды жақсы бастадық. Матчты өз бақылауымызда ұстап, қарсыласқа лайықты қарсылық көрсетуге тырыстық. Бірақ қақпамызға гол жібергеннен кейін сәл сасқалақтап қалдық. Өз мүмкіндіктерімізді пайдалана алмағандықтан қарсыласымызға жол бердік деп ойлаймын.
– Сіздің ойыңызша, жеңіске нақты не жетіспеді?
– Қорғаныстан сәтті шығып, шабуылдар жасадық, бірақ шешуші сәтте бірдеңе жетіспеді. Негізгі мәселе осында деп ойлаймын. Шабуылды нәтижелі аяқтай алмадық.
– Команда көп шабуылдады, мүмкіндік те көп болды. Бірақ жүзеге асыру неге қиын болды деп ойлайсыз?
– Иә, шабуылымыз жаман болған жоқ. Бірақ соңғы сәтте зейін мен салқынқандылық жетіспеді. Бізге дәл осы бағытта әлі де көп жұмыс істеу қажет.
– «Астана» келесі ойынын «Ақтөбеге» қарсы өткізеді. Алдағы матч туралы не айтасыз?
– Біз бұл ойынға тыңғылықты дайындалып жатырмыз. «Ақтөбе» – чемпион әрі фаворит екенін жақсы түсінеміз. Бірақ біз де бар күшімізді салып, үш ұпай алуға тырысамыз. Көрермендер үшін тартысты әрі әдемі футбол көрсеткіміз келеді.
– Жалпы маусымға қандай баға бересіз?
– Бұл мен үшін чемпионаттағы алғашқы тәжірибе. Жаңа маусым ерекше әсер қалдырды және өте мазмұнды өтті. Алдағы уақытта бәрі одан әрі дамып, біз үшін ойындар тіпті қызығырақ болады деп сенемін.
– Алзия, ойын жайлы не айтасыз?
– Жалпы, ойынды жақсы бастадық. Матчты өз бақылауымызда ұстап, қарсыласқа лайықты қарсылық көрсетуге тырыстық. Бірақ қақпамызға гол жібергеннен кейін сәл сасқалақтап қалдық. Өз мүмкіндіктерімізді пайдалана алмағандықтан қарсыласымызға жол бердік деп ойлаймын.
– Сіздің ойыңызша, жеңіске нақты не жетіспеді?
– Қорғаныстан сәтті шығып, шабуылдар жасадық, бірақ шешуші сәтте бірдеңе жетіспеді. Негізгі мәселе осында деп ойлаймын. Шабуылды нәтижелі аяқтай алмадық.
– Команда көп шабуылдады, мүмкіндік те көп болды. Бірақ жүзеге асыру неге қиын болды деп ойлайсыз?
– Иә, шабуылымыз жаман болған жоқ. Бірақ соңғы сәтте зейін мен салқынқандылық жетіспеді. Бізге дәл осы бағытта әлі де көп жұмыс істеу қажет.
– «Астана» келесі ойынын «Ақтөбеге» қарсы өткізеді. Алдағы матч туралы не айтасыз?
– Біз бұл ойынға тыңғылықты дайындалып жатырмыз. «Ақтөбе» – чемпион әрі фаворит екенін жақсы түсінеміз. Бірақ біз де бар күшімізді салып, үш ұпай алуға тырысамыз. Көрермендер үшін тартысты әрі әдемі футбол көрсеткіміз келеді.
– Жалпы маусымға қандай баға бересіз?
– Бұл мен үшін чемпионаттағы алғашқы тәжірибе. Жаңа маусым ерекше әсер қалдырды және өте мазмұнды өтті. Алдағы уақытта бәрі одан әрі дамып, біз үшін ойындар тіпті қызығырақ болады деп сенемін.