11 қазанда елорданың «Астана» жастар командасы мен Оралдың «Жайық» клубы биылғы маусымдағы Екінші Лига жеңімпазын анықтау үшін қосымша матч өткізеді.
Екі конференцияның жеңімпаздары арасындағы шешуші кездесу Алматы қаласындағы «Хан-Тәңірі» стадионында өтеді. Матчтың басталу уақыты – 15:00.
Айта кетейік, 2025 жылғы маусымда Солтүстік-Шығыс конференциясында өнер көрсеткен «Астананың» жастар командасы 20 ойын өткізіп, 58 ұпай жинады. Яғни бірде-бір матчта жеңілген жоқ. 20 матчтың 18-інде жеңіске жетіп, екі ойында тең түсті. Қарсыластар қақпасына 120 гол соғып, өз қақпасына небәрі 19 гол өткізіп алған.
Ал Оңтүстік-Батыс конференциясында топ жарған Оралдың «Жайық» клубы 20 турда 42 ұпай еншілеп, көш басына шықты. Олар қарсыластар қақпасына 35 гол соғып, өз қақпасына 15 гол өткізіп алған.
