Футболдан Қазақстан Кубогының жеңімпазы анықталды. Финалда шымкенттік «Ордабасы» мен қостанайлық «Тобыл» командалары кездесті.
«Ордабасы» (Шымкент) – «Тобыл» (Қостанай) – 0:2
Голдар: Сигневич, 19 (0:1); Чесноков, 33 (0:2).
Бас төреші: Вольфенсбергер (Швейцария)
Қазақстан кубогының финалдық кездесуі тарихта алғаш рет Қызылордада өтті.
Бұған қоса, «Ордабасы» мен «Тобылдың» арасындағы матчты жаңадан салынған «Қайсар Арена» стадионы қабылдады. Сөйтіп бұл матч аренаның ресми ашылу ойыны болды.
Жалпы, екі клуб шешуші ойындарда жиі кездесіп жүр. Шымкент пен Қостанай командалары финалда бұған дейін үш рет ойнаған, оның екеуінде «сары-жасылдар» («Тобыл») жеңсе, бірінде оңтүстіктен келгендер («Ордабасы») басым түскен.
Нұрбол Жұмасқалиевтің командасы бұл кездесуге де айқын фаворит болып шықты. Бұған статистика да дәлел: қостанайлықтар маусымдағы екі ойында да жеңіске жеткен (3:2 және 1:0) әрі Қазақстан премьер-лигасының турнирлік кестесінде үшінші орында тұр. Ал «Ордабасы» теоретикалық тұрғыда да алтыншы орыннан жоғары көтеріле алмайтын еді.
Дегенмен, бұл матч шымкенттіктер үшін келесі маусымдағы еурокубоктарға жолдама алу мүмкіндігін сақтап қалудың соңғы мүмкіндігі болатын, ал «Тобыл» бұл жолдаманы бұған дейін-ақ иеленіп қойған еді.
Соған қарамастан, қос команда да жоғары деңгейде мотивация танытты. Швейцариялық төреші Свен Вольфенсбергердің алғашқы ысқырығынан кейін-ақ «Тобыл» өз фаворит мәртебесін ақтай бастады.
19-минутта қостанайлықтардың басымдығы нәтиже беріп, Николай Сигневич есеп ашты – 0:1.
Бұл гол ойынды түбегейлі өзгертпеді, «Тобыл» шабуылдарын жалғастырып, 33-минутта Ислам Чесноковтың соққысымен есепті еселеді . Сөйтіп үзіліске екі доп айырмашылығымен шықты.
Екінші таймда «Тобыл» допты қарсыласына әдейі беріп, қорғанысқа көңіл бөлді. Бұл тактика өзін толығымен ақтады: «Ордабасы» белсенді шабуылдап, көп соққы жасаса да, олардың көбі қостанайлық қақпашы Сұлтан Бусурманов үшін аса қауіпті болмады.
Осылайша, «сары-жасылдар» бірінші таймда алған басымдығын сенімді түрде сақтап қалып, клуб тарихында үшінші рет Қазақстан Кубогын жеңіп алды. Бұл көрсеткіш бойынша қостанайлықтар елордалық «Жеңіс» және «Астана» клубтарын қуып жетті. Ал көшбасшы – он мәрте жеңіске жеткен «Қайрат».
Нәтижесінде, Премьер-лигадағы төртінші орын енді еурокубоктық маңызға ие болды. Конференциялар лигасының іріктеу кезеңіне жолдама үшін екі клуб – «Елімай» мен «Ақтөбе» таласуда. Қайсысы шықпасын, олардың бұл мүмкіндігіне Қостанайдың «Тобылы» үлкен үлес қосты деуге болады.
«Ордабасы» (Шымкент) – «Тобыл» (Қостанай) – 0:2
Голдар: Сигневич, 19 (0:1); Чесноков, 33 (0:2).
Бас төреші: Вольфенсбергер (Швейцария)
Қазақстан кубогының финалдық кездесуі тарихта алғаш рет Қызылордада өтті.
Бұған қоса, «Ордабасы» мен «Тобылдың» арасындағы матчты жаңадан салынған «Қайсар Арена» стадионы қабылдады. Сөйтіп бұл матч аренаның ресми ашылу ойыны болды.
Жалпы, екі клуб шешуші ойындарда жиі кездесіп жүр. Шымкент пен Қостанай командалары финалда бұған дейін үш рет ойнаған, оның екеуінде «сары-жасылдар» («Тобыл») жеңсе, бірінде оңтүстіктен келгендер («Ордабасы») басым түскен.
Нұрбол Жұмасқалиевтің командасы бұл кездесуге де айқын фаворит болып шықты. Бұған статистика да дәлел: қостанайлықтар маусымдағы екі ойында да жеңіске жеткен (3:2 және 1:0) әрі Қазақстан премьер-лигасының турнирлік кестесінде үшінші орында тұр. Ал «Ордабасы» теоретикалық тұрғыда да алтыншы орыннан жоғары көтеріле алмайтын еді.
Дегенмен, бұл матч шымкенттіктер үшін келесі маусымдағы еурокубоктарға жолдама алу мүмкіндігін сақтап қалудың соңғы мүмкіндігі болатын, ал «Тобыл» бұл жолдаманы бұған дейін-ақ иеленіп қойған еді.
Соған қарамастан, қос команда да жоғары деңгейде мотивация танытты. Швейцариялық төреші Свен Вольфенсбергердің алғашқы ысқырығынан кейін-ақ «Тобыл» өз фаворит мәртебесін ақтай бастады.
19-минутта қостанайлықтардың басымдығы нәтиже беріп, Николай Сигневич есеп ашты – 0:1.
Бұл гол ойынды түбегейлі өзгертпеді, «Тобыл» шабуылдарын жалғастырып, 33-минутта Ислам Чесноковтың соққысымен есепті еселеді . Сөйтіп үзіліске екі доп айырмашылығымен шықты.
Екінші таймда «Тобыл» допты қарсыласына әдейі беріп, қорғанысқа көңіл бөлді. Бұл тактика өзін толығымен ақтады: «Ордабасы» белсенді шабуылдап, көп соққы жасаса да, олардың көбі қостанайлық қақпашы Сұлтан Бусурманов үшін аса қауіпті болмады.
Осылайша, «сары-жасылдар» бірінші таймда алған басымдығын сенімді түрде сақтап қалып, клуб тарихында үшінші рет Қазақстан Кубогын жеңіп алды. Бұл көрсеткіш бойынша қостанайлықтар елордалық «Жеңіс» және «Астана» клубтарын қуып жетті. Ал көшбасшы – он мәрте жеңіске жеткен «Қайрат».
Нәтижесінде, Премьер-лигадағы төртінші орын енді еурокубоктық маңызға ие болды. Конференциялар лигасының іріктеу кезеңіне жолдама үшін екі клуб – «Елімай» мен «Ақтөбе» таласуда. Қайсысы шықпасын, олардың бұл мүмкіндігіне Қостанайдың «Тобылы» үлкен үлес қосты деуге болады.
