KFF League Шымкент пен Қостанай командаларының турнирдің шешуші матчы алдындағы жолын еске салады.
1/8 финал
«Ордабасы» Қазақстан кубогы – 2025 додасын Бірінші лига өкілі «Хан-Тәңірімен» кездесуден бастады. Алматыда өткен матчта Андрей Мартиннің шәкірттері 2:0 есебімен сенімді жеңіске жетті. Бұл ойында «Ордабасы» сапынан Эвертон Маседо мен Шериф Жимох мергендігімен көзге түсті. Дегенмен қосымша уақытта шымкенттіктердің сербиялық қорғаушысы Никола Антич қызыл қағаз алып, алаңнан қуылды.
«Тобыл» алғашқы айналымда Премьер-лига клубы – «Жетісумен» кездесті. Талдықорған ұжымы қостанайлықтарға айтарлықтай қарсылық көрсеткенімен, овертаймда «Тобылдың» мерейі үстем болды. Негізгі уақыт 0:0 есебімен аяқталып, қосымша кезеңнің соңғы минуттарында Жаслан Жұмашев жеңіс голын соғып, «Тобылды» келесі кезеңге алып шықты.
Ширек финал
Бұл кезеңде «Ордабасы» ел чемпионы әрі Қазақстан кубогын ең көп жеңген «Қайратпен» кездесті. Сол кезде Чемпиондар лигасының іріктеуіне қатысып жатқан алматылықтар шымкенттіктердің қорғанысын бұза алмады. Керісінше, оңтүстіктің командасы аз мүмкіндіктің бірін пайдаланып кетті. Жоао Фернандестің үзіліске дейін соққан жалғыз голы «Ордабасыны» жартылай финалға шығарды.
«Тобыл» ширек финалда тағы да оңтүстіктің командасымен кездесті. Алғашқы таймда түркістандықтар қарсыласына төтеп бергенімен, екінші таймда Давид Энен мен Иван Миладиновичтің голдарының арқасында қостанайлықтар 2:0 есебімен жеңіске жетті.
Жартылай финал
Қазақстан кубогы – 2025 додасындағы жалғыз екі матчтық кезең финалға дейінгі ең ауыр сынақ болды.
«Ордабасы» мен «Қызылжар» екі кездесуде де бір-бірінің қақпасына гол соға алмады. Петропавлдағы да, Шымкенттегі де ойын 0:0 есебімен аяқталды. Ойын тағдыры пенальти сериясына қарай кетіп бара жатқанда, Мұраджон Халматов шешуші голын соғып, шымкенттіктерді финалға шығарды.
«Тобылдың» «Жеңіспен» өткен ойындары да өте тартысты болды. Алдымен Қостанайда алаң иелері 2:1 есебімен жеңіске жетті. Ал Астанада жергілікті команда екінші таймда есеп ашып, жалпы көрсеткішті теңестірді. Матч овертаймға ұласуға жақындаған тұста, «Тобылдың» белорусь ойыншысы Егор Хвалько шешуші гол соғып, қостанайлықтарды финалға алып шықты.
Финал алдындағы деректер
Бұл финал «Ордабасы» мен «Тобыл» үшін бесінші шешуші бәсеке болмақ. Екі клуб та екі рет жеңіске жетіп, екі мәрте финалда ұтылған. Қазақстан кубогы тарихында қос ұжым бес мәрте кездескен. Оның үшеуінде қостанайлықтар, екеуінде шымкенттіктер басым түскен.
Бұл командалар бұған дейін финалда үш рет жолығып, екі рет «Тобыл», бір рет «Ордабасы» кубок иегері атанды. Ал олардың төртінші финалдық кездесуі қандай нәтижемен аяқталатынын бүгін Қызылордадағы матчтан кейін білеміз.
1/8 финал
«Ордабасы» Қазақстан кубогы – 2025 додасын Бірінші лига өкілі «Хан-Тәңірімен» кездесуден бастады. Алматыда өткен матчта Андрей Мартиннің шәкірттері 2:0 есебімен сенімді жеңіске жетті. Бұл ойында «Ордабасы» сапынан Эвертон Маседо мен Шериф Жимох мергендігімен көзге түсті. Дегенмен қосымша уақытта шымкенттіктердің сербиялық қорғаушысы Никола Антич қызыл қағаз алып, алаңнан қуылды.
«Тобыл» алғашқы айналымда Премьер-лига клубы – «Жетісумен» кездесті. Талдықорған ұжымы қостанайлықтарға айтарлықтай қарсылық көрсеткенімен, овертаймда «Тобылдың» мерейі үстем болды. Негізгі уақыт 0:0 есебімен аяқталып, қосымша кезеңнің соңғы минуттарында Жаслан Жұмашев жеңіс голын соғып, «Тобылды» келесі кезеңге алып шықты.
Ширек финал
Бұл кезеңде «Ордабасы» ел чемпионы әрі Қазақстан кубогын ең көп жеңген «Қайратпен» кездесті. Сол кезде Чемпиондар лигасының іріктеуіне қатысып жатқан алматылықтар шымкенттіктердің қорғанысын бұза алмады. Керісінше, оңтүстіктің командасы аз мүмкіндіктің бірін пайдаланып кетті. Жоао Фернандестің үзіліске дейін соққан жалғыз голы «Ордабасыны» жартылай финалға шығарды.
«Тобыл» ширек финалда тағы да оңтүстіктің командасымен кездесті. Алғашқы таймда түркістандықтар қарсыласына төтеп бергенімен, екінші таймда Давид Энен мен Иван Миладиновичтің голдарының арқасында қостанайлықтар 2:0 есебімен жеңіске жетті.
Жартылай финал
Қазақстан кубогы – 2025 додасындағы жалғыз екі матчтық кезең финалға дейінгі ең ауыр сынақ болды.
«Ордабасы» мен «Қызылжар» екі кездесуде де бір-бірінің қақпасына гол соға алмады. Петропавлдағы да, Шымкенттегі де ойын 0:0 есебімен аяқталды. Ойын тағдыры пенальти сериясына қарай кетіп бара жатқанда, Мұраджон Халматов шешуші голын соғып, шымкенттіктерді финалға шығарды.
«Тобылдың» «Жеңіспен» өткен ойындары да өте тартысты болды. Алдымен Қостанайда алаң иелері 2:1 есебімен жеңіске жетті. Ал Астанада жергілікті команда екінші таймда есеп ашып, жалпы көрсеткішті теңестірді. Матч овертаймға ұласуға жақындаған тұста, «Тобылдың» белорусь ойыншысы Егор Хвалько шешуші гол соғып, қостанайлықтарды финалға алып шықты.
Финал алдындағы деректер
Бұл финал «Ордабасы» мен «Тобыл» үшін бесінші шешуші бәсеке болмақ. Екі клуб та екі рет жеңіске жетіп, екі мәрте финалда ұтылған. Қазақстан кубогы тарихында қос ұжым бес мәрте кездескен. Оның үшеуінде қостанайлықтар, екеуінде шымкенттіктер басым түскен.
Бұл командалар бұған дейін финалда үш рет жолығып, екі рет «Тобыл», бір рет «Ордабасы» кубок иегері атанды. Ал олардың төртінші финалдық кездесуі қандай нәтижемен аяқталатынын бүгін Қызылордадағы матчтан кейін білеміз.
