Футболдан 2025 жылғы Қазақстан Кубогының финалы қарсаңында «Тобыл» клубының бас бапкері Нұрбол Жұмасқалиев баспасөз мәжілісін өткізіп, тілшілердің сұрағына жауап берді.
- Финалда ойнау қай кезде де ерекше. Сондықтан жанкүйерлер үшін бар күшімізді саламыз. Қызылордан трофеймен қайтқымыз келеді.
- Бұл ойын сіздер үшін қаншалықты? Әлеуметтік желіде әр түрлі әңгімелер айтыла бастады…
- Біз ондай сөзге сенбейміз. Алып-қашпа сөздерге ере берудің қажеті жоқ. Финалдың алдында ондай әңгіме болмайды деп үміттенемін. «Тобыл» тек жеңіс үшін келді.
- Нұрбол Жәрдемұлы, «Тобыл» чемпионатта «Ордабасыны» екі матчта жеңгенімен, маусым соңына қарай аздап босаңдық танытқаны байқалады. Ертеңгі финалда құрамда өзгеріс бола ма?
- Премьер-лига мен Кубок екеуі екі бөлек. Иә, чемпионатта соңғы екі матчта проблемалар болды. Бірақ Кубоктың финалының жөні бөлек. Мұнда жеңімпаз бір матчта анықталады. Жігіттердің мотивациясы жоғары. Команданың көңіл күйі жоғары. Ойын қалай өрбитінін дөп басып айту қиын. Дегенмен біз өз шеберлігімізді көрсетіп, жанкүйерлерге ұнайтын ойын көрсетуге тырысамыз.