Футболдан 2025 жылғы Қазақстан Кубогының финалы қарсаңында «Ордабасы» клубының бас бапкері Андрей Мартин баспасөз мәжілісін өткізіп, тілшілердің сұрағына жауап берді.
- Ең алдымен, финалға қош келдіңіздер деймін. Жігіттердің дайындығы әдеттегідей, қалыпты режимде. Чемпионаттағы соңғы екі ойыннан бері алты күн өтті. Бастысы, футболшылардың денсаулығы. Финалға жарақатсыз шығып ойнағаны маңызды. Қалғанын матч көрсетеді. Командамыз үшін құнды трофейді жеңіп алғымыз келеді. Екі команда да шабуылдағанды жақсы көреді. Сондықтан жанкүйерлерге ұнайтын қызықты ойын болуы тиіс.
- Сіздің «Ордабасыда» келесі маусымда қалу-қалумаңыз ертеңгі ойынға байланысты ма?
- Мен ешқандай қысым сезініп жатқан жоқпын. Командаға, жігіттерге сенемін. Жақсы ойын көрсетеміз деп үміттенемін. Ешқандай бапкер нәтижеге байланысты сақтандарылмаған. Кейде ойлағанын жүзеге аспай жатады. Барлығын уақыт көрсетеді. Бірінші кезекте Шымкент халқын, жанкүйерлерді қуантуды қалаймыз. Біз солар үшін ойнаймыз.
Тағы бір айта кететін жайт, осындай стадионда ойнайтынымызға қуаныштымыз. Мемлекет, федерация елде футболды дамыту үшін көп жұмыс істеп жатыр. Осындай ареналар көбейген сайын елдегі футболда прогресс болады.
