Кәсіби клубтар арасында жарыстар өткізу дирекциясы футболдан Қазақстан Премьер-лигасының 2025 жылғы тамыз айының үздік ойыншысы мен үздік бапкерін жариялайды.
«Үздік ойыншы» номинациясының иегері турнирге қатысушы командалардың капитандары мен бапкерлерінің дауыс беруі арқылы анықталды. Ал «Үздік бапкерді» командалардың бас бапкерлері өзара дауыс беру арқылы таңдады.
Нәтижесінде Семейдің «Елімай» клубының 22 жастағы жартылай қорғаушысы Ғалымжан Кенжебек айдың үздік ойыншысы атанды.
Ғалымжан тамыз айында Премьер-лигада төрт матчқа қатысып, үш гол соққан және екі нәтижелі пас берген. Кенжебек командасының «Ақтөбе» және «Қайрат» секілді азулы ұжымдарды жеңуіне ықпал етті.
Айта кетейік, наурыз айында «Қайраттың» жас жұлдызы Дастан Сәтпаев пен «Астана» клубының хорватиялық ойыншысы Марин Томасовпен бірге үздік ойыншы атанған еді. Одан кейін сәуір және мамыр айларында Дастан Сәтпаев жеке-дара үздік болған. Маусым айында Қостанайдың «Тобыл» клубы мен Қазақстан ұлттық құрамасының шабуылшысы Ислам Чесноков үздік деп танылды. Шілде айында Дастан төртінші рет көп дауыс жинады.
Айдың үздік бапкері атағын қатарынан екінші рет «Қайраттың» бас бапкері Рафаэль Уразбахтин иеленді.
Оның бапкерлігімен «Қайрат» Премьер-лигада шілде айында үш матч өткізіп, екеуінде жеңіске жетті және бір ойында есе жіберді. Чемпиондар лигасында «Слован» мен «Селтик» клубтарын екі матчтың қорытындысы бойынша қапы қалдырып, «Қайратты» жалпы кезеңге шығарды.
«Үздік ойыншы» номинациясының иегері турнирге қатысушы командалардың капитандары мен бапкерлерінің дауыс беруі арқылы анықталды. Ал «Үздік бапкерді» командалардың бас бапкерлері өзара дауыс беру арқылы таңдады.
Нәтижесінде Семейдің «Елімай» клубының 22 жастағы жартылай қорғаушысы Ғалымжан Кенжебек айдың үздік ойыншысы атанды.
Ғалымжан тамыз айында Премьер-лигада төрт матчқа қатысып, үш гол соққан және екі нәтижелі пас берген. Кенжебек командасының «Ақтөбе» және «Қайрат» секілді азулы ұжымдарды жеңуіне ықпал етті.
Айта кетейік, наурыз айында «Қайраттың» жас жұлдызы Дастан Сәтпаев пен «Астана» клубының хорватиялық ойыншысы Марин Томасовпен бірге үздік ойыншы атанған еді. Одан кейін сәуір және мамыр айларында Дастан Сәтпаев жеке-дара үздік болған. Маусым айында Қостанайдың «Тобыл» клубы мен Қазақстан ұлттық құрамасының шабуылшысы Ислам Чесноков үздік деп танылды. Шілде айында Дастан төртінші рет көп дауыс жинады.
Айдың үздік бапкері атағын қатарынан екінші рет «Қайраттың» бас бапкері Рафаэль Уразбахтин иеленді.
Оның бапкерлігімен «Қайрат» Премьер-лигада шілде айында үш матч өткізіп, екеуінде жеңіске жетті және бір ойында есе жіберді. Чемпиондар лигасында «Слован» мен «Селтик» клубтарын екі матчтың қорытындысы бойынша қапы қалдырып, «Қайратты» жалпы кезеңге шығарды.
