18-19 қыркүйек күндері футболдан Бірінші лиганың 22-тур ойындары өтті. Тур қорытындысы бойынша турнир кестесінің көшбасшылары «Каспий» мен Ertis кезекті үш ұпайына қол жеткізіп, басымдығын тағы да нығайтты.
Ойын нәтижелері:
«Екібастұз» – «Каспий» – 1:3
«Ақтөбе-Ж» – «Тараз» – 0:4
AKAS – «Алтай» – 1:1
«Хан-Тәңірі» – SD Family – 1:1
«Қайрат-Жастар» – «Оңтүстік» – 0:3
«Шахтер» – «Жетісай» – 5:0
Ertis – «Түркістан» – 6:1
Ойын нәтижелері:
«Екібастұз» – «Каспий» – 1:3
«Ақтөбе-Ж» – «Тараз» – 0:4
AKAS – «Алтай» – 1:1
«Хан-Тәңірі» – SD Family – 1:1
«Қайрат-Жастар» – «Оңтүстік» – 0:3
«Шахтер» – «Жетісай» – 5:0
Ertis – «Түркістан» – 6:1
«Екібастұз» – «Каспий» – 1:3
Голдар: Көңлімкос (12, 0:1), Еркен (47, 1:1), Нұрғалиев (56, 1:2), Шәмші (76, 1:3).
Бірінші лиганың көшбасшысы «Каспий» сырт алаңда «Екібастұзға» қонаққа барып, сенімді жеңіске жетті. Ақтаулықтар матч басында гол соғып, есепте алға шықты. Бірінші тайм соңында алаң иелері сапынан Бралин алаңнан қуылған соң, «Каспий» басымдыққа ие болды. Ал екінші таймда «Екібастұз» есепті теңестіргенімен, көп ұзамай қонақтар қайтадан алға шықты. Кейін үшінші голын соғып, ойынды жеңіспен аяқтады. Осылайша ақтаулықтар ҚПЛ-ға шығуға тағы бір сенімді қадам жасады.
«Ақтөбе-Ж» – «Тараз» – 0:4
Голдар: Жамбыл (42), Тойбеков (46), Мұханбетжанов (89), Кемелбек (90+4).
Маусым бойы бірде-бір ойында жеңіске жетпеген алаң иелері бұл турда да жеңілістің кермек дәмін татуға мәжбүр болды. Бірінші тайм соңында «Тараз» футболшылары есепті ашып, үзілістен кейін «Ақтөбе-Ж» қақпасына тағы үш мәрте дәл көздеді. Айта кетерлігі, «Тараз» осы маусымда сырт алаңда алғаш ірі есеппен жеңіске жетті.
AKAS – «Алтай» – 1:1
Голдар: Омарбек (13, 0:1), Гридин (32, 1:1).
Бұл турда «Алтайға» турнир кестесінде «Шахтердің» алға ұзап кетпеуі үшін жеңіс ауадай қажет еді. Кездесудің есебін қонақтар ашқанымен, арада көп ұзамай алаң иелерінің ардагер футболшысы Сергей Гридин мергендік танытып, таразы басын теңестірді. Екінші таймда өскемендіктер басымдыққа ие болғанымен, жеңіс голын соға алмады.
«Хан-Тәңірі» – SD Family – 1:1
«Хан-Тәңірі» – SD Family – 1:1
Голдар: Рахымжанов (51, 1:0), Аманбай (78, 1:1).
Кейінгі 11 ойында жеңілістен көз ашпай келген «Хан-Тәңірі» бұл турда тең нәтижеге қол жеткізді. Есепті бірінші болып алматылықтар ашқанымен, жеңісті уысында сақтай алмады. Қорытынды есеп – 1:1.
«Қайрат-Жастар» – «Оңтүстік» – 0:3
Голдар: Амангелді (44), Тоқтыбай (58, 90+6 пенальти).
«Қайрат-Жастардың» қақпашысы Шерхан Қалмырза негізгі команда сапында Чемпиондар лигасындағы ойынға шақырылғандықтан, жастар ұжымына бұл турда көмектесе алмады. Шымкенттіктер бірінші тайм соңында есеп ашып, кейін тағы екі гол соғып, 0:3 есебімен жеңіске жетті.
ТУР МАТЧЫ
«Шахтер» – «Жетісай» – 5:0
Голдар: Мәжітов (13, автогол – 1:0), Сарбай (25, автогол – 2:0), Қалыбаев (66), Галкин (76, 86).
Ойынның басында «Жетісай» екі мәрте өз қақпасына гол соғып, «Шахтердің» ірі есеппен жеңіске жетуіне көмектесіп жіберді. Кейін алаң иелері өз күшімен қақпаға тағы үш гол енгізіп, 5:0 есебімен жеңіске жетті. Сөйтіп қарағандылықтар турнир кестесінде үшінші орынға жақындай түсті.
Ertis – «Түркістан» – 6:1
Голдар: Жақсылық (28, 0:1), Кеңесов (31, 1:1), Васильев (41, 2:1), Герасимов (44, 64), Федин (66), Добай (81).
Ertis командасы өз алаңындағы матчта күтпеген жерден қақпасына гол өткізіп алғанымен, үзіліске дейін үш гол соғып, есепте басымдыққа ие болды. Ал екінші таймда павлодарлықтар қарқынын арттырып, ойынды 6:1 есебімен сенімді жеңіспен аяқтады. Осылайша Ertis көшбасшы «Каспийдің» ұзап кетуіне жол берген жоқ.
Келесі тур ойындары (23-тур):
25 қыркүйек: SD Family – Ertis, «Оңтүстік» – «Шахтер», «Түркістан» – «Екібастұз»
26 қыркүйек: «Жетісай» – AKAS, «Каспий» – «Ақтөбе-Ж», «Алтай» – «Хан-Тәңірі», «Тараз» – «Қайрат-Жастар»