Қазақстан Премьер-лигасының 23-туры аясында өткен «Астана» – «Елімай» матчында командалар тең тарқасты. Ойын 3:3 есебімен аяқталды. Осы матчта семейлік клубтың сапында белсенді болған, матчтағы соңғы голдың авторы Иван Свиридов KFF League-ке сұхбат берді.
– Алдымен ойын туралы айтсаңыз? 3:3 есебін қалай бағалайсыз?
– Менің ойымша, өте тартымды матч болды, екі жақта да сәттер көп болды. Жанкүйерлердің көңілі толды деп ойлаймын. Әрине, жеңіп, турнир кестесінде жоғары көтерілуді қаладық.
– Бүгін өзіңіз гол соқтыңыз. Оның үстіне бұған дейін «Астананың» жастар құрамасында ойнағансыз. Қандай сезімдесіз?
– «Астана» клубында мен футболшы ретінде өстім, бұл команда маған бөтен емес. Сондықтан дәл осындай ойында гол соғу ерекше әсерлі болды. Гол соққаныма және командаға көмектескеніме қуаныштымын.
– Матчты шетелдік төрешілер басқарды. Олардың жұмысына баға берсеңіз?
– Маған бәрі ұнады, төрешілік жоғары деңгейде болды, ешқандай шағым жоқ.
– «Елімайдың» көбірек гол соғуға мүмкіндігі болды дегенге келісесіз бе?
– Иә, келісемін. Бізде жеткілікті мүмкіндіктер болды, тіпті қарсыластан да көп дей аламын.
– Сізді Қазақстан құрамасына шақырғанына қарамастан, алаңға шыға алмадыңыз. Неліктен?
– Бұл – бас бапкердің шешімі. Өз кезегімде мен жұмысымды жалғастыра беруім керек. Ал Бельгиямен матчқа қатысты айтар болсам, визалық қиындықтарға байланысты бара алмадым.
– Алдағы матчтарда ұлттық құрамадан шақыртуға үміт бар ма?
– Әрине. Кез келген футболшы үшін ұлттық құрамада ойнау – ең үлкен мәртебе.
– Алдымен ойын туралы айтсаңыз? 3:3 есебін қалай бағалайсыз?
– Менің ойымша, өте тартымды матч болды, екі жақта да сәттер көп болды. Жанкүйерлердің көңілі толды деп ойлаймын. Әрине, жеңіп, турнир кестесінде жоғары көтерілуді қаладық.
– Бүгін өзіңіз гол соқтыңыз. Оның үстіне бұған дейін «Астананың» жастар құрамасында ойнағансыз. Қандай сезімдесіз?
– «Астана» клубында мен футболшы ретінде өстім, бұл команда маған бөтен емес. Сондықтан дәл осындай ойында гол соғу ерекше әсерлі болды. Гол соққаныма және командаға көмектескеніме қуаныштымын.
– Матчты шетелдік төрешілер басқарды. Олардың жұмысына баға берсеңіз?
– Маған бәрі ұнады, төрешілік жоғары деңгейде болды, ешқандай шағым жоқ.
– «Елімайдың» көбірек гол соғуға мүмкіндігі болды дегенге келісесіз бе?
– Иә, келісемін. Бізде жеткілікті мүмкіндіктер болды, тіпті қарсыластан да көп дей аламын.
– Сізді Қазақстан құрамасына шақырғанына қарамастан, алаңға шыға алмадыңыз. Неліктен?
– Бұл – бас бапкердің шешімі. Өз кезегімде мен жұмысымды жалғастыра беруім керек. Ал Бельгиямен матчқа қатысты айтар болсам, визалық қиындықтарға байланысты бара алмадым.
– Алдағы матчтарда ұлттық құрамадан шақыртуға үміт бар ма?
– Әрине. Кез келген футболшы үшін ұлттық құрамада ойнау – ең үлкен мәртебе.
