18-19 қыркүйек күндері Бірінші лиганың 22-тур ойындары өтеді. Турдың орталық матчында Қарағандыда жергілікті «Шахтер» мен «Жетісай» командалары күш сынасады.
18-қыркүйек
18-қыркүйек
«Екібастұз» (Екібастұз) – «Каспий» (Ақтау)
Басталуы: 16:00
Өтетін жері: «Шахтер» стадионы (Екібастұз қ.)
Кездесулер тарихы:
Ойын саны – 34
«Екібастұздың» жеңісі – 11
«Каспийдің» жеңісі – 11
Тең ойын – 12
Турдың шымылдықашар кездесуінде лига көшбасшысы – «Каспий» Екібастұзға қонаққа барады. Ойын қандай нәтижемен аяқталса да, ақтаулықтар турнир кестесінде бірінші орнын сақтап қалады. Ал «Екібастұзға» Бірінші лигадағы орнын сақтап қалу үшін қалай да үш ұпайды олжалау маңызды. Ал ақтаулықтар да ұпай жоғалтқысы келмейді, өйткені оларды Ertis клубы өкшелеп келеді. Айырмашылық – бес ұпай. Жалпы «Каспийге» бұл жолы оңай болмасы анық. Екі команда арасындағы статистика тең нәтижені көрсетіп тұрғанымен, «Каспий» қонақтағы ең кейінгі ойынында «Екібастұздан» 2:3 есебімен жеңілген еді.
«Ақтөбе-Ж» (Ақтөбе) – «Тараз» (Тараз)
Басталуы: 16:00
Өтетін жері: ОСДЮСШОР стадионы (Ақтөбе қ.)
Кездесулер тарихы:
Ойын саны – 5
«Ақтөбе-Ж» жеңісі – 1
«Тараздың» жеңісі – 2
Тең ойын – 2
«Ақтөбе» жастар командасының Бірінші лигада қалуына тек математикалық мүмкіндігі бар. Ол үшін «Таразды» жеңіп, «Түркістан» мен «Хан-Тәңірінің» жеңілісіне үміт арту қажет. Бірақ басты мәселе – ақтөбеліктер осы маусымда әлі бірде-бір ойында жеңіске жеткен жоқ. Дегенмен, өз алаңында олар 21 турға созылған серияны тоқтатуға бар күшін салуы қажет.
AKAS (Алматы) – «Алтай» (Өскемен)
Басталуы: 18:00
Өтетін жері: «Жас Қыран» стадионы (Алматы қ.)
Кездесулер тарихы:
Ойын саны – 2
AKAS-тың жеңісі – 1
«Алтайдың» жеңісі – 1
Тең ойын – 0
Жоғары лигадан үмітті клубтың бірі «Алтайды» сырт алаңда өте ауыр ойын күтіп тұр. Өйткені Лига дебютанты AKAS азулы қарсыластарына айтарлықтай қиындық тудырып жүр. Соңғы турда алматылықтар өз алаңында «Шахтерден» ұпай тартып алды (1:1), ал бірінші айналымда тіпті «Алтайды» сырт алаңда ұтқан (2:1). Өскемендіктердің бұл матчта қарымта қайтарғысы келетіні анық, алайда оларға Алматыда жеңіске жету өте қиын болады.
«Хан-Тәңірі» (Алматы) – SD Family (Астана)
Басталуы: 18:00
Өтетін жері: «Хан-Тәңірі» стадионы (Алматы қ.)
Кездесулер тарихы:
Ойын саны – 3
«Хан-Тәңірінің» жеңісі – 2
SD Family-дің жеңісі – 1
Тең ойын – 0
Алматылық клуб 11 ойыннан бері жеңіс не екенін білмей келе жатыр. Соңғы рет «Хан-Тәңірі» 19 маусымда SD Family-ді 3:0 есебімен ұтқан. Айта кетейік, екі команданың барлық кездесулері ірі есеппен SD Family-дің пайдасына аяқталған. Бұған қоса елордалықтар қақпасына бірде-бір гол өткізбеген.
19-қыркүйек
«Қайрат-Жастар» (Алматы) – «Оңтүстік» (Шымкент)
Басталуы: 16:00
Өтетін жері: Т. Сегізбаев атындағы академия стадионы (Алматы қ.)
Өтетін жері: Т. Сегізбаев атындағы академия стадионы (Алматы қ.)
Кездесулер тарихы:
Ойын саны – 11
«Қайрат-Жастардың» жеңісі – 7
«Оңтүстіктің» жеңісі – 2
Тең ойын – 2
Екі команда да турнир кестесінің ортасында орналасқан. Сондықтан оларда қысым жоқ, демек бұл командалардан әдемі әрі еркін футбол күтуге болады. Алғашқы айналымдағы матч (5:3, «Қайрат-Жастардың» пайдасына) көп голмен есте қалған еді.
«Шахтер» (Қарағанды) – «Жетісай» (Жетісай)
Басталуы: 16:00
Өтетін жері: «Шахтер» стадионы (Қарағанды қ.)
Кездесулер тарихы:
Ойын саны – 1
«Шахтердің» жеңісі – 1
«Жетісайдың» жеңісі – 0
Тең ойын – 0
Әзірге «Шахтердің» жағдайы аса мәз емес. Үшінші орындағы «Алтайдан» үш ұпайға қалып келеді. Ал «Жетісай» «Шахтерден» үш ұпайға артта. Егер қонақтар бұл ойында жеңіске жетсе «Шахтерді» қуып жетіп, гол айырмасымен алға шығып алуы мүмкін. Сондықтан Қарағандыда тартысты ойын күтілуде. Дегенмен, алаң иелері фаворит саналады.
Ertis (Павлодар) – «Түркістан» (Түркістан)
Басталуы: 18:00
Өтетін жері: «Орталық» стадион (Павлодар қ.)
Кездесулер тарихы:
Ойын саны – 1
Ertis-тің жеңісі – 1
«Түркістанның» жеңісі – 0
Тең ойын – 0
Бұл кездесудің фавориті айқын. Ertis Премьер-лигаға қарай жүйткіп барады, ал «Түркістан» лигада қалу үшін жанталасып жатыр. Маусымның бірінші айналымында павлодарлықтар сырт алаңда қарсыластарын 7:1 есебімен ойсырата жеңген. Бірақ қонақтарды да елемеуге болмайды. Соңғы турда олар «Хан-Тәңірін» жеңіп, 15 ойындық жеңіліс сериясына нүкте қойды.
