13-14 қыркүйекте Премьер-лиганың 23-туры аясында алты матч өтті. Тур қорытындысы бойынша біріншілікте жаңа көшбасшы пайда болды.
Ойын нәтижелері:
«Атырау» – «Тобыл» – 1:0
«Қызылжар» – «Оқжетпес» – 3:1
«Ордабасы» – «Жеңіс» – 2:1
«Тұран» – «Ұлытау» – 1:1
«Қайрат» – «Ақтөбе» – 1:0
«Астана» – «Елімай» – 3:3
13 қыркүйек
«Атырау» (Атырау) – «Тобыл» (Қостанай) – 1:0 (0:0)
Гол: Труфанов, 65 (1:0)
Тур Атыраудағы тартысты кездесумен басталды. Турнир кестесінің соңында тұрған «Атырау» көшбасшы «Тобылды» қабылдады. Қостанайлықтар бұл кездесуде фаворит саналса да, «мұнайшылар» лайықты қарсылық көрсетті. 65-минутта Ян Труфановтың голынан кейін алаң иелері есепте алға шықты. «Тобыл» қанша тырысса да, таразы басын теңестіре алмады. Сөйтіп қостанайлықтар үш ұпайынан айырылып, көшбасшылықтан түсіп қалды. Ал «Атырау» алты ойыннан бері жеңіліссіз сериясын жалғастырып келеді.
«Қызылжар» (Петропавл) – «Оқжетпес» (Көкшетау) – 3:1 (2:1)
Голдар: Себаи, 3 (1:0); Мұжықов, 30 (1:1); Горшунов, 41 (2:1); Себаи, 90+5 (3:1)
Алаң иелері матчты қарқынды бастап, небәрі үшінші минутта Сенин Себаи ойынның есебін ашты. Кездесудің белортасынан асқанда Серікжан Мұжықов таразы басын теңестіргенімен, бірінші тайм соңында Елисей Горшунов «Қызылжарды» қайта есепте алға шығарды. Екінші таймның соңында Себаи тағы бір мәрте мергендік танытып, «Қызылжарға» сегіз турдан кейінгі алғашқы жеңісті сыйлады – 3:1.
«Ордабасы» (Шымкент) – «Жеңіс» (Астана) – 2:1 (0:0)
Голдар: Жақсыбеков, 71 (1:0); Халматов, 73 (2:0); Садовский, 90+1 (2:1)
Бұл кездесудің алдында «Ордабасы» «Жеңістен» үш ұпайға қалып келе жатқан еді. Егер шымкенттіктер жеңіске жетсе, онда елордалықтармен теңесіп үлгерер еді. Сол мақсатта қонақтарды кездесуде белсенді болғанымен, бірінші таймда есеп ашылмады. Тек екінші таймның 71-минутына келгенде шымкенттіктер есепті ашып, араға екі минут салып «Жеңіс» қақпасына екінші голдарын енгізді. «Жеңіс» матч соңына дейін таразы басын теңістіргенімен, жеңілістен құтылып қала алмады.
«Тұран» (Түркістан) – «Ұлытау» (Жезқазған) – 1:1 (0:1)
Голдар: Киши, 41 (0:1); Б. Зұлфықаров, 90+10 (1:1)
Аутсайдерлер арасындағы бұл ойында жеңіс екі командаға да ауадай қажет еді. «Ұлытау» бірінші таймда алға шығып, үш ұпайға жақын болғанымен, екінші таймның соңында «Тұран» есепті теңестіріп кетті. Ойын 1:1 есебімен аяқталды.
14 қыркүйек
Тур матчы
«Қайрат» (Алматы) – «Ақтөбе» (Ақтөбе) – 1:0 (0:0)
Гол: Сәтпаев, 52 (1:0)
«Қайрат» пен «Ақтөбе» арасындағы ойындар әрдайым жанкүйерлер күткеніндей өте тартысты өтетіні белгілі. Бұған қос команданың жанкүйерлері арасындағы күрделі қарым-қатынас та әсер етеді. Қазақстан футбол федерациясы ойынның аса маңызды мәртебесін ескеріп, турдың басты кездесуін Қырғызстаннан келген төрешілер бригадасына сеніп тапсырды. Бірінші таймда гол соғылмағанымен, екі команда да қауіпті сәттер көп болды. Сондай-ақ «Қайрат» негізгі қақпашысы Темірлан Анарбеков жарақат алып, алаңнан кеткені алаң иелері үшін үлкен соққы болды.
Екінші таймды қарқынды бастаған «Қайрат» футболшылары ойынның 52-минутында есепті ашты. Еркін Тапаловтың пасынан кейін Дастан Сәтпаев тамаша гол соғып, командасын есепте алға шығарды. «Ақтөбе» таразы басын теңестіру үшін қанша шабуыл жасағанымен, гол соға алмады. Осылайша, «Қайрат» 1:0 есебімен жеңіске жетіп, турнир кестесінде бірінші орынға көтеріліп алды. Ал «Ақтөбе» чемпиондық жарыстан шығып қалды.
«Астана» (Астана) – «Елімай» (Семей) – 3:3 (2:1)
Голдар: Грипши, 14 (1:0); Аманович, 27 (2:0); Ролон, 33 (2:1); Кенжебек, 57 (2:2); Грипши, 61 (3:2); Свиридов, 64 (3:3)
Бұл кездесу де турдың ең қызықты әрі тартысты ойынына айналды. «Астана» алғашқы жарты сағатта екі гол соғып, жеңіске жақын көрінгенімен, «Елімай» соңына дейін беріспей, ақыры есепті теңестірді. Кездесуде Назми Грипши дубль авторы атанса, қонақтар сапынан Иван Свиридов шешуші голды соқты. Соңғы минутта Ян Вороговский алаңнан қуылып, астаналықтар бір ойыншы кем ойнады. Дегенмен матч 3:3 есебімен тең аяқталды.
16 қыркүйек
«Жетісу» – «Қайсар» матчы өтеді.
24-турдың ойындары
27 қыркүйек
«Ұлытау» – «Атырау»
«Жеңіс» – «Тұран»
«Ақтөбе» – «Қызылжар»
28 қыркүйек
«Оқжетпес» – «Астана»
«Қайрат» – «Жетісу»
«Елімай» – «Ордабасы»
«Тобыл» – «Қайсар»
Кейінге шегерілген матчтар
19 қыркүйек (20-тур): «Тобыл» – «Астана»
20 қыркүйек (18-тур): «Ұлытау» – «Ақтөбе»
22 қыркүйек (8-тур): «Қайрат» – «Жеңіс»
24 қыркүйек (9-тур): «Тобыл» – «Ордабасы»