6–8 қыркүйек аралығында әйелдер арасындағы футболан Қазақстан чемпионатының 21-тур ойындары өтті. Чемпионатта көш бастап тұрған «Ақтөбе» мен басты қарсыласы «БИІК-Шымкенттің» арасындағы бір ұпай айырмашылық сақталып қалды.
Матч нәтижелері:
«БИІК-Шымкент» – «Қайсар» – 5:0
«Қызылжар» – «Атырау» – 12:1
«Астана» – «Жеңіс» – 4:0
«Оқжетпес» – «Ақтөбе» – 0:23
«Қайрат» – «Томирис-Тұран» – 0:2
«Ұлытау» – «Жетісу» – 3:1
«Елімай» – «Тобыл» – 1:0
Тур сенбі күні Шымкентте басталды. Жергілікті «БИІК-Шымкент» Қызылордадан келген «Қайсарды» қабылдап, 5:0 есебімен айқын жеңіске жетті. Бұл матчтан кейін шымкенттік арулар кемінде екі тәулікке турнир кестесінде жеке-дара көш бастады. Ал лиганың сол сәттегі үздік сұрмергені Гүлнара Габелия бір гол соғып, қанжығасын майлаған болатын.
21-турдың қалған ойындары дүйсенбіде өтті. Петропавлда жергілікті «Қызылжар» «Атырауды» 12:1 есебімен ойсырата жеңді. Команданың ең нәтижелі ойыншылары – Әсел Көбесова (покер) және Вероника Абдуллаева (хет-трик). Екеуі де голдарын екінші таймда соқты. Айта кетерлігі, Көбесова матчқа тек үзілістен кейін шыққан болатын.
Астана дербиінде ерекше қарсылық байқалмады. «Астана» сенімді түрде 4:0 есебімен «Жеңісті» ұтты. Бірінші таймның өзінде үш доп артықшылыққа ие болған астаналықтар жеңісті жеңіл олжалады. Адина Бейбіт хет-трикпен көзге түсті.
Көкшетауда турдың ең ірі нәтижесі тіркелді. Аутсайдер «Оқжетпес» көшбасшылыққа таласып жүрген «Ақтөбені» қабылдап, 0:23 есебімен жеңілді. Үзіліске дейін-ақ есеп 0:12 болды. Екінші таймда да қонақтар толассыз шабуылдап, турнир кестесінің көш басына қайта шықты. Бұл ойында Алина Литвиненко жеті гол соғып, сұрмергендер жарысында Гүлнара Габелияны артта қалдырды.
Алматыдағы тартысты матчта «Қайрат» пен «Томирис-Тұран» қола медаль үшін айқасты. Екі жақ тең дәрежеде ойнағанымен, соңғы минуттарда түркістандық команда бес минут ішінде екі гол соғып, 2:0 есебімен жеңіске жетті. Бұл нәтиже оларға маусым соңындағы үшінші орынды қамтамасыз ете түсті.
Жезқазғанда «Ұлытау» «Жетісумен» ойнады. Алғашқы жарты сағатта-ақ екі гол артықшылыққа ие болған қожайындар матч соңына дейін сенімді ойнап, 3:1 есебімен жеңіске жетті.
Семейде «Елімай» мен «Тобыл» жолықты. Матч аса тартысты өтіп, «Елімай» бір доп айырмашылығымен ғана басым түсті.
22 турда кездесетіндер (15 қыркүйек):
«Елімай» – «Жетісу»
«Жеңіс» – «БИІК-Шымкент»
«Қайрат» – «Ақтөбе»
«Оқжетпес» – «Тобыл»
«Атырау» – «Астана»
«Қайсар» – «Ұлытау»
«Томирис-Тұран» – «Қызылжар».
Матч нәтижелері:
«БИІК-Шымкент» – «Қайсар» – 5:0
«Қызылжар» – «Атырау» – 12:1
«Астана» – «Жеңіс» – 4:0
«Оқжетпес» – «Ақтөбе» – 0:23
«Қайрат» – «Томирис-Тұран» – 0:2
«Ұлытау» – «Жетісу» – 3:1
«Елімай» – «Тобыл» – 1:0
Тур сенбі күні Шымкентте басталды. Жергілікті «БИІК-Шымкент» Қызылордадан келген «Қайсарды» қабылдап, 5:0 есебімен айқын жеңіске жетті. Бұл матчтан кейін шымкенттік арулар кемінде екі тәулікке турнир кестесінде жеке-дара көш бастады. Ал лиганың сол сәттегі үздік сұрмергені Гүлнара Габелия бір гол соғып, қанжығасын майлаған болатын.
21-турдың қалған ойындары дүйсенбіде өтті. Петропавлда жергілікті «Қызылжар» «Атырауды» 12:1 есебімен ойсырата жеңді. Команданың ең нәтижелі ойыншылары – Әсел Көбесова (покер) және Вероника Абдуллаева (хет-трик). Екеуі де голдарын екінші таймда соқты. Айта кетерлігі, Көбесова матчқа тек үзілістен кейін шыққан болатын.
Астана дербиінде ерекше қарсылық байқалмады. «Астана» сенімді түрде 4:0 есебімен «Жеңісті» ұтты. Бірінші таймның өзінде үш доп артықшылыққа ие болған астаналықтар жеңісті жеңіл олжалады. Адина Бейбіт хет-трикпен көзге түсті.
Көкшетауда турдың ең ірі нәтижесі тіркелді. Аутсайдер «Оқжетпес» көшбасшылыққа таласып жүрген «Ақтөбені» қабылдап, 0:23 есебімен жеңілді. Үзіліске дейін-ақ есеп 0:12 болды. Екінші таймда да қонақтар толассыз шабуылдап, турнир кестесінің көш басына қайта шықты. Бұл ойында Алина Литвиненко жеті гол соғып, сұрмергендер жарысында Гүлнара Габелияны артта қалдырды.
Алматыдағы тартысты матчта «Қайрат» пен «Томирис-Тұран» қола медаль үшін айқасты. Екі жақ тең дәрежеде ойнағанымен, соңғы минуттарда түркістандық команда бес минут ішінде екі гол соғып, 2:0 есебімен жеңіске жетті. Бұл нәтиже оларға маусым соңындағы үшінші орынды қамтамасыз ете түсті.
Жезқазғанда «Ұлытау» «Жетісумен» ойнады. Алғашқы жарты сағатта-ақ екі гол артықшылыққа ие болған қожайындар матч соңына дейін сенімді ойнап, 3:1 есебімен жеңіске жетті.
Семейде «Елімай» мен «Тобыл» жолықты. Матч аса тартысты өтіп, «Елімай» бір доп айырмашылығымен ғана басым түсті.
22 турда кездесетіндер (15 қыркүйек):
«Елімай» – «Жетісу»
«Жеңіс» – «БИІК-Шымкент»
«Қайрат» – «Ақтөбе»
«Оқжетпес» – «Тобыл»
«Атырау» – «Астана»
«Қайсар» – «Ұлытау»
«Томирис-Тұран» – «Қызылжар».