Футболдан әйелдер арасындағы Қазақстан чемпионатының 19-тур аясында өткен ойында «Астана» қыздары өз алаңында «Жетісу» командасын 2:0 есебімен жеңді. Матчтан кейін «Жетісудың» жартылай қорғаушысы Анеля Бланк KFF League тілшісіне берген сұхбатында ойыннан алған әсерімен бөлісіп, маусымның қалған бөлігіне қойған мақсаттарын айтты.
– Анель, матч жайлы не айтасыз?
– Бүгін бізде жеткілікті мүмкіндіктер болды. Солардың бірнешеуін пайдаланып, есеп ашуымыз керек еді. Бірінші таймның өзінде-ақ үзіліске кем дегенде 2:0 есебімен шығуымыз қажет болды. Өкінішке қарай, мүмкіндіктерді пайдалана алмадық. Футболда заңдылық бар: сен соқпасаң – саған соғады. Қарсылас біздің қателіктерімізді пайдаланып, алға шықты. Соған қарамастан, жанкүйерлерге қолдауы үшін алғыс айтқым келеді.
– Сіз ойынды қосалқы құрамнан бастадыңыз. Бұл жарақатқа байланысты ма?
– Иә, «Қайратқа» қарсы өткен ойында жарақат алған едім. Келесі матчта алаңға шықтым, бірақ толықтай айығып үлгермегендіктен, бүгінгі ойынды қосалқы құрамнан бастау туралы шешім қабылданды.
– 19 турдан кейін «Жетісудың» қоржынында 10 ұпай бар. Маусымның соңына дейін қандай мақсат қойып отырсыздар?
– Біз ешқашан алаңға жеңілу үшін шықпаймыз. Командаға әзірге тәжірибелі ойыншылар жетіспейді, дегенмен қыздар бар күшін салып ойнайды, әр матчта соңына дейін күреседі. Маусымның соңына дейін қорғаныста тәртіпті ойнауға және қарсы шабуылдағы мүмкіндіктерімізді барынша пайдалануға тырысамыз.
– Анель, матч жайлы не айтасыз?
– Бүгін бізде жеткілікті мүмкіндіктер болды. Солардың бірнешеуін пайдаланып, есеп ашуымыз керек еді. Бірінші таймның өзінде-ақ үзіліске кем дегенде 2:0 есебімен шығуымыз қажет болды. Өкінішке қарай, мүмкіндіктерді пайдалана алмадық. Футболда заңдылық бар: сен соқпасаң – саған соғады. Қарсылас біздің қателіктерімізді пайдаланып, алға шықты. Соған қарамастан, жанкүйерлерге қолдауы үшін алғыс айтқым келеді.
– Сіз ойынды қосалқы құрамнан бастадыңыз. Бұл жарақатқа байланысты ма?
– Иә, «Қайратқа» қарсы өткен ойында жарақат алған едім. Келесі матчта алаңға шықтым, бірақ толықтай айығып үлгермегендіктен, бүгінгі ойынды қосалқы құрамнан бастау туралы шешім қабылданды.
– 19 турдан кейін «Жетісудың» қоржынында 10 ұпай бар. Маусымның соңына дейін қандай мақсат қойып отырсыздар?
– Біз ешқашан алаңға жеңілу үшін шықпаймыз. Командаға әзірге тәжірибелі ойыншылар жетіспейді, дегенмен қыздар бар күшін салып ойнайды, әр матчта соңына дейін күреседі. Маусымның соңына дейін қорғаныста тәртіпті ойнауға және қарсы шабуылдағы мүмкіндіктерімізді барынша пайдалануға тырысамыз.
