26 және 27 тамыз күндері футболдан Қазақстан чемпионатының Екінші лигасындағы командалар арасында 19-тур ойындары өтті. Оның қорытындысы бойынша «Солтүстік-Шығыс» конференциясының жеңімпазы алдын ала белгілі болды. Елорданың «Астана-Ж» командасы топ жарды.
Ойын нәтижелері:
«Солтүстік-шығыс» конференциясы
«Ұлытау-Ж» – «Қызылжар-Ж» – 3:4
«Оқжетпес-Ж» – «Астана-Ж» – 2:3
SD Family-Ж – «Алтай-Ж» – 1:7
«Жетісу-Ж» – «Елімай-Ж» – 1:3
«Шахтер-Ж» – «Женіс-Ж» – 4:0
Тур «Солтүстік-шығыс» конференциясындағы өте нәтижелі матчпен басталды. Жезқазғанда «Ұлытау-Ж» өз алаңында «Қызылжар» жастарын қабылдады. Ойын барысында алаң иелері үш гол айырмасымен ұтылып жатты. Бірақ есепті қысқартып, айырмашылықты бір допқа дейін жеткізді. Дегенмен, петропавлдықтар камбэкке жол бермей, жеңісті есебін сақтап қалды. Қорытынды есеп – 3:4.
Голға толы ойынды «Оқжетпес-Ж» мен «Астана-Ж» жалғастырды. Бұл матч ресми түрде 9-турдың кейінге шегерілген ойыны болып тіркелгенімен, іс жүзінде командалар айналымдарды ауыстырған еді.
Көкшетаулықтар фаворитке лайықты қарсылық көрсетті. Матч басындаа 0:2 есебімен ұтылып жатып, таразы басын теңестірді. Алайда ойын соңында төреші қосқан қосымша минутта елордалық жастар жеңісті жұлып әкетті. Қорытынды есеп – 2:3. Осы үш ұпай «Астана» жастарына чемпионаттың аяқталуына үш тур қалғанда конференция жеңімпазы атанып, Бірінші лигаға жолдама алуға мүмкіндік берді!
«Алтай-Ж» Астанада SD Family-Ж-мен өткен матчта ірі жеңіске жетті. Өскеменнің жастары астаналықтарды 7:1 есебімен ойсырата ұтты. Қонақтар сапынан Әнуар Аманжанов пен Бекжан Қабылғазин дубль авторы атанды.
«Жетісу-Ж» мен «Елімай-Ж» Талдықорғанда қарқынды бастады. Қонақтар алғашқы шабуылында-ақ есеп ашты, алаң иелері жылдам теңестірді. Бірінші тайм тең аяқталды. Бірақ екінші кезеңде семейлік жастардың басымдығы айқын байқалды. Олар екі жауапсыз гол соғып, сенімді жеңіске жетті – 1:3.
«Шахтер-Ж» болса, «Солтүстік-Шығыс» конференциясының күміс жүлдесін алдын ала қоржынға салды. Қарағандылық «кеншілер» өз алаңында «Женіс» жастарын 4:0 есебімен ойсырата жеңіп, күміске таласта қарсыластарын шаң қаптырды.
«Оңтүстік-батыс» конференциясы
«Тұран-Ж» – «Атырау-Ж» – 2:4
«Мақтаарал» – Jeyran – 2:2
«Қайсар-Ж» – «Жайық» – 0:2
«Арыс» – «Талас» – 0:1
«Ордабасы-Ж» – «Жас Қыран» – 1:1
«Оңтүстік-батыс» конференциясындағы тур да голға бай матчпен басталды. Түркістанда «Тұран-Ж» мұнайлы өлкеден келген «Атырау» жастарын қабылдады. Егер алаң иелері жеңіске жеткенде, қарсыласын турнир кестесінде қуып жетер еді. Бірақ қонақтар тіпті олардың тең нәтижеге де үміттенуіне мүмкіндік бермей, сенімді түрде 4:2 есебімен жеңді.
«Мақтаарал» осы жолы өздерінің алты турға созылған сәтсіз сериясын тоқтатуға жақын болды. «Мақташылар» өз алаңында өткен Jeyran клубымен матчта жылдам есеп ашып, бірінші таймды 2:0 есебімен аяқтады. Бірақ екінші таймда дебютант клуб табандылық танытып, екі гол соғып, тең нәтижеге қол жеткізді. Қорытынды есеп – 2:2.
Оралдың «Жайық» командасы Қызылордаға қонаққа барды. Батыс футболшылары жергілікті «Қайсар» жастарымен өткен ойында мықтылықтарын бірден сездірді. Бірінші тайм ортасында есеп ашып, үзіліске дейін тағы бір гол соқты. Екінші таймда ойын тізгінін ұстап, жеңісті уыстан шығармады. Қорытынды есеп – 0:2.
Осылайша, батысқазақстандық клуб кестенің басындағы өз орнын нықтады.
«Арыс» «Оңтүстік-батыс» көшбасшысынан алшақтығын қысқартуға мүмкіндік алған еді. Бірақ бұл мүмкіндікті пайдалана алмай, өз алаңында «Таластан» 0:1 есебімен ұтылды.
Ал «Жайықты» қуалап келе жатқан «Жас Қыран» бұл жолы да сүрінді. Олар Шымкентте «Ордабасы» жастарымен тең түсті. Қорытынды есеп – 1:1. Осылайша, алматылық команданың «Жайықтан» айырмашылығы бес ұпайға дейін артты. Оның үстіне оралдықтардың қарсыласынан бір ұпайға кем.
Екінші лиганың 20-тур ойындары 16 және 17 қыркүйек күндері өтеді.
Ойын нәтижелері:
«Солтүстік-шығыс» конференциясы
«Ұлытау-Ж» – «Қызылжар-Ж» – 3:4
«Оқжетпес-Ж» – «Астана-Ж» – 2:3
SD Family-Ж – «Алтай-Ж» – 1:7
«Жетісу-Ж» – «Елімай-Ж» – 1:3
«Шахтер-Ж» – «Женіс-Ж» – 4:0
Тур «Солтүстік-шығыс» конференциясындағы өте нәтижелі матчпен басталды. Жезқазғанда «Ұлытау-Ж» өз алаңында «Қызылжар» жастарын қабылдады. Ойын барысында алаң иелері үш гол айырмасымен ұтылып жатты. Бірақ есепті қысқартып, айырмашылықты бір допқа дейін жеткізді. Дегенмен, петропавлдықтар камбэкке жол бермей, жеңісті есебін сақтап қалды. Қорытынды есеп – 3:4.
Голға толы ойынды «Оқжетпес-Ж» мен «Астана-Ж» жалғастырды. Бұл матч ресми түрде 9-турдың кейінге шегерілген ойыны болып тіркелгенімен, іс жүзінде командалар айналымдарды ауыстырған еді.
Көкшетаулықтар фаворитке лайықты қарсылық көрсетті. Матч басындаа 0:2 есебімен ұтылып жатып, таразы басын теңестірді. Алайда ойын соңында төреші қосқан қосымша минутта елордалық жастар жеңісті жұлып әкетті. Қорытынды есеп – 2:3. Осы үш ұпай «Астана» жастарына чемпионаттың аяқталуына үш тур қалғанда конференция жеңімпазы атанып, Бірінші лигаға жолдама алуға мүмкіндік берді!
«Алтай-Ж» Астанада SD Family-Ж-мен өткен матчта ірі жеңіске жетті. Өскеменнің жастары астаналықтарды 7:1 есебімен ойсырата ұтты. Қонақтар сапынан Әнуар Аманжанов пен Бекжан Қабылғазин дубль авторы атанды.
«Жетісу-Ж» мен «Елімай-Ж» Талдықорғанда қарқынды бастады. Қонақтар алғашқы шабуылында-ақ есеп ашты, алаң иелері жылдам теңестірді. Бірінші тайм тең аяқталды. Бірақ екінші кезеңде семейлік жастардың басымдығы айқын байқалды. Олар екі жауапсыз гол соғып, сенімді жеңіске жетті – 1:3.
«Шахтер-Ж» болса, «Солтүстік-Шығыс» конференциясының күміс жүлдесін алдын ала қоржынға салды. Қарағандылық «кеншілер» өз алаңында «Женіс» жастарын 4:0 есебімен ойсырата жеңіп, күміске таласта қарсыластарын шаң қаптырды.
«Оңтүстік-батыс» конференциясы
«Тұран-Ж» – «Атырау-Ж» – 2:4
«Мақтаарал» – Jeyran – 2:2
«Қайсар-Ж» – «Жайық» – 0:2
«Арыс» – «Талас» – 0:1
«Ордабасы-Ж» – «Жас Қыран» – 1:1
«Оңтүстік-батыс» конференциясындағы тур да голға бай матчпен басталды. Түркістанда «Тұран-Ж» мұнайлы өлкеден келген «Атырау» жастарын қабылдады. Егер алаң иелері жеңіске жеткенде, қарсыласын турнир кестесінде қуып жетер еді. Бірақ қонақтар тіпті олардың тең нәтижеге де үміттенуіне мүмкіндік бермей, сенімді түрде 4:2 есебімен жеңді.
«Мақтаарал» осы жолы өздерінің алты турға созылған сәтсіз сериясын тоқтатуға жақын болды. «Мақташылар» өз алаңында өткен Jeyran клубымен матчта жылдам есеп ашып, бірінші таймды 2:0 есебімен аяқтады. Бірақ екінші таймда дебютант клуб табандылық танытып, екі гол соғып, тең нәтижеге қол жеткізді. Қорытынды есеп – 2:2.
Оралдың «Жайық» командасы Қызылордаға қонаққа барды. Батыс футболшылары жергілікті «Қайсар» жастарымен өткен ойында мықтылықтарын бірден сездірді. Бірінші тайм ортасында есеп ашып, үзіліске дейін тағы бір гол соқты. Екінші таймда ойын тізгінін ұстап, жеңісті уыстан шығармады. Қорытынды есеп – 0:2.
Осылайша, батысқазақстандық клуб кестенің басындағы өз орнын нықтады.
«Арыс» «Оңтүстік-батыс» көшбасшысынан алшақтығын қысқартуға мүмкіндік алған еді. Бірақ бұл мүмкіндікті пайдалана алмай, өз алаңында «Таластан» 0:1 есебімен ұтылды.
Ал «Жайықты» қуалап келе жатқан «Жас Қыран» бұл жолы да сүрінді. Олар Шымкентте «Ордабасы» жастарымен тең түсті. Қорытынды есеп – 1:1. Осылайша, алматылық команданың «Жайықтан» айырмашылығы бес ұпайға дейін артты. Оның үстіне оралдықтардың қарсыласынан бір ұпайға кем.
Екінші лиганың 20-тур ойындары 16 және 17 қыркүйек күндері өтеді.