28-29 тамыз күндері футболдан Қазақстан Бірінші лигасының 20-тур ойындары өтеді. Турдың орталық кездесуі, сөзсіз, Қарағандыда «Шахтер» мен «Алтай» клубтары арасында өтпек. Екі клуб та ҚПЛ жолдамасына үмітті.
28 тамыз
SD Family (Астана) – «Түркістан» (Түркістан)
Матчтың басталуы – 15:00
Өтетін орны: «Шахтер» стадионы (Қарағанды қ.)
Кездесулер тарихы:
Ойындар – 4
SD Family жеңісі – 3
«Түркістанның» жеңісі – 0
Тең ойын – 1
Өткен турда SD Family «Каспийден» ірі есеппен жеңіліп, Ақтауда өз қақпасына 10 гол өткізіп алды. Елордалықтар сол сәтсіздіктен кейін тезірек еңсесін тіктегісі келетіні анық. Оның үстіне, бұл матч – оған жақсы мүмкіндік. Өйткені бұл турда SD Family турнир кестесінің соңында келе жатқан «Түркістанмен» ойнайды. Оңтүстік командасы маусымда небәрі бір рет жеңіске жеткен, ал жеңіссіз сериясы 14 ойынға созылып отыр.
«Ақтөбе-Ж» (Ақтөбе) – «Жетісай» (Жетісай)
Матчтың басталуы – 16:00
Өтетін орны: ОСДЮСШОР стадионы (Ақтөбе қ.)
Кездесулер тарихы:
Ойындар – 3
«Ақтөбе-Ж» жеңісі – 0
«Жетісайдың» жеңісі – 3
Тең ойын – 0
Өткен тур екі команда үшін әртүрлі аяқталды. «Ақтөбе-Ж» Алматыда AKAS-тан ойсырай жеңілсе (0:4), «Жетісай» өз алаңында «Екібастұздан» басым түсті (3:1). Екі ұжым арасындағы алғашқы айналымдағы ойында да «Жетісай» айқын басымдықпен жеңген болатын – 3:0. Бұл жолы да фаворит – оңтүстік клубы. Дегенмен «қызыл-ақтардың» жастар құрамасы талай фаворитке жеңісті оңай бермейтінін дәлелдеп келеді. Сондықтан алдағы ойын тартысты болатыны сөзсіз.
«Екібастұз» (Екібастұз) – «Оңтүстік» (Шымкент)
Матчтың басталуы – 17:00
Өтетін орны: «Шахтер» стадионы (Екібастұз қ.)
Кездесулер тарихы:
Ойындар – 9
«Екібастұздың» жеңісі – 5
«Оңтүстіктің» жеңісі – 2
Тең ойын – 2
«Кеншілер» оңтүстік командасымен кездесулерде айқын басымдыққа ие. «Екібастұздың» «Оңтүстікке» қарсы жеңіліссіз сериясы 7 матчқа жалғасып келеді. Биылғы маусымдағы алғашқы ойынында да Екібастұз командасы сырт алаңда 1:0 есебімен жеңіске жеткен. Алайда қазір турнир кестесінде «Екібастұз» қарсыласынан сегіз ұпай кем жинаған. Сондықтан бұл ойында кез келген нәтиже тіркелуі мүмкін.
«Қайрат-Жастар» (Алматы) – AKAS (Алматы)
Матчтың басталуы – 17:00
Өтетін орны: Т. Сегізбаев атындағы Академия стадионы (Алматы қ.)
Кездесулер тарихы:
Ойындар – 1
«Қайрат-Жастардың» жеңісі – 0
AKAS-тың жеңісі – 1
Тең ойын – 0
Өткен аптада «Қайрат-Жастар» Қарағандыда ерекше ойын көрсетті. Бірінші таймда «Шахтерді» 3:0 есебімен жеңіп тұрып, матч соңында 3:3 есебімен тең түсті. Ал AKAS «Ақтөбе-Ж» клубын 4:0 есебімен ойсырата жеңді. Бұл – нағыз алматылық дерби. Кім фаворит екенін болжау қиын. Алғашқы айналымда дебютант AKAS сенсация жасап, 3:0 есебімен жеңіске жеткен еді. Бұл жолы «қайраттықтар» қалай жауап берер екен?
«Хан-Тәңірі» (Алматы) – «Каспий» (Ақтау)
Матчтың басталуы – 19:00
Өтетін орны: «Хан-Тәңірі» стадионы (Алматы қ.)
Кездесулер тарихы:
Ойындар – 3
«Хан-Тәңірінің» жеңісі – 1
«Каспийдің» жеңісі – 2
Тең ойын – 0
Бірінші лиганың көшбасшысы «Каспий» қатарынан тоғыз ойын қатарынан жеңіс не екенін білмей келе жатқан «Хан-Тәңіріне» қонаққа барады. Қағаз жүзінде «Каспий» фаворит саналады. Өткен турда олар SD Family қақпасына жауапсыз 10 гол соққан еді. Дегенмен «теңізшілерге» қарсыласын менсінбеуге болмайды, себебі кез келген сәтсіз серияның бір күні тоқтайтыны анық.
29 тамыз
Турдың орталық матчы
«Шахтер» (Қарағанды) – «Алтай» (Өскемен)
Матчтың басталуы – 17:00
Өтетін орны: «Шахтер» стадионы (Қарағанды қ.)
Кездесулер тарихы:
Ойындар – 1
«Шахтердің» жеңісі – 0
«Алтайдың» жеңісі – 1
Тең ойын – 0
Карағанды мен Өскемен клубтарының тартысты тарихы бар, бірақ дәл «Алтаймен» «Шахтер» небәрі бір-ақ рет кездескен. Ол ойында ШҚО клубы жеңіске жеткен (2:1). «Шахтер» есе қайтарғысы келетіні сөзсіз. Өйткені «кеншілерге» тең есептің өзі Премьер-лигаға оралу үмітін сөндіруі мүмкін.
Ал «Алтайға» да ұпай ауадай қажет. Вахид Масудов шәкірттері де ҚПЛ жолдамасына үмітті. Бұл – екі ұжым үшін де нағыз шешуші матч болмақ. Көрермендер жанкешті ойын мен тартысты футбол күтеді.
Ertis (Павлодар) – «Тараз» (Тараз)
Матчтың басталуы – 19:00
Өтетін орны: «Орталық» стадион (Павлодар қ.)
Кездесулер тарихы:
Ойындар – 62
Ertis-тің жеңісі – 33
«Тараздың» жеңісі – 11
Тең ойын – 18
Екі клуб та Қазақстан чемпионы және ел кубогын иеленген. Жоғары лигада бір-бірімен талай жыл бәсекелес болған. Алайда Бірінші лигада олар тек бір рет кездескен. Ол ойын 29 мамырда Таразда өтіп, павлодарлықтар 1:0 есебімен жеңіске жетті. Бұл жолы да фаворит – Ertis. Бірақ алаң иелері қарсыласын бағаламауға тиіс. Соңғы үш ойында «Тараз» сенімді жеңіске жетіп, қарсылас қақпасына 10 гол соққан. Сондықтан олар Павлодардан да ұпайсыз қайтқысы келмейді.