Биылғы маусымда Бірінші лигадағы үздік сұрмергендер қатарында жүрген Алматының AKAS клубының шабуылшысы Сергей Гридинмен сұхбаттасудың сәті түсті. ОЛ KFF-League тілшісіне «Ақтөбе-Ж» қақпасына соққан хет-тригі жайлы әсерімен бөлісіп, клубтың амбициясы туралы айтып берді.
– Сергей, «Ақтөбе» жастарымен ойында команда ірі есеппен жеңіске жетті. Сондай-ақ осы матчта хет-трик жасадыңыз. Соңғы рет қашан бір ойында үш гол соқтыңыз?
– Құттықтағаныңызға рақмет! Шынымды айтсам, соңғы рет қашан хет-трик жасағаным есіме бірден түспеді. Бұл кез келген шабуылшы үшін әрдайым жағымды сәт. Бірақ мен үшін ең бастысы – команда жеңіске жетіп, маңызды үш ұпайды еншіледі.
– 38 жаста хет-трик жасаған футболшы қандай эмоция сезінеді?
– Арнайы ерекше эмоция жоқ сияқты. Бұл – ең алдымен менің жұмысым, оны барынша сапалы орындауға тырысамын. Футбол – тек эмоция емес, күнделікті еңбек екенін баяғыда түсіндім. Әрине, гол соғу қуантады, бірақ одан да маңыздысы – менің голдарым AKAS-қа жеңіс әкелуі. Біз бәріміз нәтижеге қол жеткізуді, алға жылжуды қалаймыз.
– Биыл тек сіздің жеке көрсеткіштеріңіз ғана емес, жалпы AKAS командасының ойыны да таңғалдырып жүр. Бірінші лигаға дебютант ретінде алғаш келген жылы-ақ өздерін айқын көрсетудің сыры неде?
– Бұл ең алдымен клуб басшылығы мен жаттықтырушы штабының үлкен еңбегінің нәтижесі. Бізге жақсы жағдай жасалды, жаттығу процесінің жүйесі нақты жолға қойылған, ал бұл өз жемісін беріп жатыр. Бірақ ең бастысы – ұжымның бірлігі. Әр ойыншы өзінің жеке пайдасы үшін емес, клуб үшін, жанкүйерлер үшін, ортақ мақсат үшін ойнап жүргенін жақсы түсінеді.
– AKAS жобасы қаншалықты амбициясы жоғары? «Жас Қыран» секілді көп шығынданбас үшін Бірінші лигадағы орнын өз еркімен босатқан клубтардың жолымен кетіп қалу қаупі жоқ па?
– Бізде ондай күмән болмауы тиіс. Клуб президенті Давран Ибрагимов командаға айрықша көңіл бөледі. Бұған дейін AKAS әуесқой клуб болса, содан кейін мерзімінен бұрын Екінші лиганың чемпионы атанды, ал бүгінде Бірінші лигада сәтті ойнап жүрміз. Мұның бәрі оның қолдауына, қаржыландыруына және іске деген жеке көзқарасына байланысты мүмкін болды. Давран Алижанұлы – сөзіне берік әрі амбициясы жоғары адам. Ол бізге әрқашан жоғары мақсаттар қояды және уәдесінде тұрады.
Біз өз кезегімізде алаңда дұрыс көзқараспен жұмыс істесек, нәтиже болатынын дәлелдеп жүрміз. Бүгінде соны бәрі көріп отыр. Бұдан бөлек, бізде мықты әрі дамып келе жатқан жаттықтырушылар құрамы бар: бапкерлеріміз біліктілігін арттырып, тәжірибе жинақтап, жаңа идеяларды енгізіп келеді. Мысалы, бас бапкеріміз Довран Кенджахунов маусым басында Бакуде Құрбан Бердыевпен жеке кездесті, сондай-ақ Мадридтің «Реалында» біліктілігін арттырды. Қалған бапкерлер УЕФА-ның «B» санатындағы лицензияларын алу үшін курстардан өтіп жатыр. Бұл – кешенді жұмыс, сондықтан AKAS жобасын әртүрлі себеппен күрестен бас тартқан клубтармен салыстыруға келмейді. Бізде жолымыз анық әрі болашағымызға сенім бар.
– Ал өзіңізді тағы да ҚПЛ-да көруге мүмкіндік бар ма? Сол жақта қалып қойған «қарызыңыз» жоқ па?
– Мүмкіндік әрқашан бар (күліп). Футболда ешқашан «мүмкін емес» деуге болмайды. Егер спортшы ісіне дұрыс қараса, оның мотивациясы сөнбеуі керек. Күшім, ынтам, құлшынысым бар кезде мен алаңға шығып, нәтиже үшін күресемін.
– Сергей, «Ақтөбе» жастарымен ойында команда ірі есеппен жеңіске жетті. Сондай-ақ осы матчта хет-трик жасадыңыз. Соңғы рет қашан бір ойында үш гол соқтыңыз?
– Құттықтағаныңызға рақмет! Шынымды айтсам, соңғы рет қашан хет-трик жасағаным есіме бірден түспеді. Бұл кез келген шабуылшы үшін әрдайым жағымды сәт. Бірақ мен үшін ең бастысы – команда жеңіске жетіп, маңызды үш ұпайды еншіледі.
– 38 жаста хет-трик жасаған футболшы қандай эмоция сезінеді?
– Арнайы ерекше эмоция жоқ сияқты. Бұл – ең алдымен менің жұмысым, оны барынша сапалы орындауға тырысамын. Футбол – тек эмоция емес, күнделікті еңбек екенін баяғыда түсіндім. Әрине, гол соғу қуантады, бірақ одан да маңыздысы – менің голдарым AKAS-қа жеңіс әкелуі. Біз бәріміз нәтижеге қол жеткізуді, алға жылжуды қалаймыз.
– Биыл тек сіздің жеке көрсеткіштеріңіз ғана емес, жалпы AKAS командасының ойыны да таңғалдырып жүр. Бірінші лигаға дебютант ретінде алғаш келген жылы-ақ өздерін айқын көрсетудің сыры неде?
– Бұл ең алдымен клуб басшылығы мен жаттықтырушы штабының үлкен еңбегінің нәтижесі. Бізге жақсы жағдай жасалды, жаттығу процесінің жүйесі нақты жолға қойылған, ал бұл өз жемісін беріп жатыр. Бірақ ең бастысы – ұжымның бірлігі. Әр ойыншы өзінің жеке пайдасы үшін емес, клуб үшін, жанкүйерлер үшін, ортақ мақсат үшін ойнап жүргенін жақсы түсінеді.
– AKAS жобасы қаншалықты амбициясы жоғары? «Жас Қыран» секілді көп шығынданбас үшін Бірінші лигадағы орнын өз еркімен босатқан клубтардың жолымен кетіп қалу қаупі жоқ па?
– Бізде ондай күмән болмауы тиіс. Клуб президенті Давран Ибрагимов командаға айрықша көңіл бөледі. Бұған дейін AKAS әуесқой клуб болса, содан кейін мерзімінен бұрын Екінші лиганың чемпионы атанды, ал бүгінде Бірінші лигада сәтті ойнап жүрміз. Мұның бәрі оның қолдауына, қаржыландыруына және іске деген жеке көзқарасына байланысты мүмкін болды. Давран Алижанұлы – сөзіне берік әрі амбициясы жоғары адам. Ол бізге әрқашан жоғары мақсаттар қояды және уәдесінде тұрады.
Біз өз кезегімізде алаңда дұрыс көзқараспен жұмыс істесек, нәтиже болатынын дәлелдеп жүрміз. Бүгінде соны бәрі көріп отыр. Бұдан бөлек, бізде мықты әрі дамып келе жатқан жаттықтырушылар құрамы бар: бапкерлеріміз біліктілігін арттырып, тәжірибе жинақтап, жаңа идеяларды енгізіп келеді. Мысалы, бас бапкеріміз Довран Кенджахунов маусым басында Бакуде Құрбан Бердыевпен жеке кездесті, сондай-ақ Мадридтің «Реалында» біліктілігін арттырды. Қалған бапкерлер УЕФА-ның «B» санатындағы лицензияларын алу үшін курстардан өтіп жатыр. Бұл – кешенді жұмыс, сондықтан AKAS жобасын әртүрлі себеппен күрестен бас тартқан клубтармен салыстыруға келмейді. Бізде жолымыз анық әрі болашағымызға сенім бар.
– Ал өзіңізді тағы да ҚПЛ-да көруге мүмкіндік бар ма? Сол жақта қалып қойған «қарызыңыз» жоқ па?
– Мүмкіндік әрқашан бар (күліп). Футболда ешқашан «мүмкін емес» деуге болмайды. Егер спортшы ісіне дұрыс қараса, оның мотивациясы сөнбеуі керек. Күшім, ынтам, құлшынысым бар кезде мен алаңға шығып, нәтиже үшін күресемін.