23-24 тамыз күндері Қазақстан Премьер-лигасының 22-тур ойындары өтеді. Осы матчтар қарсаңында алматылық спорт комментаторы Бексұлтан Кеулімқос KFF League сайтына өз болжамын жасады.
«Елімай» - «Қызылжар»
Бұл тур шымылдығын ашатын матчтардың бірі. Семейліктер көш басындағы «Ақтөбе» және «Қайрат» клубтарына қарсы ойында жігерлі жеңіске жетіп, жүлде үшін таласқа қосылды. Келесі қарсыласы Чурчичтің «Қызылжары» болып тұр. Бұл ұжымның да өткен турдағы ойынын тамашалап, таңдай қақтық. Он футболшымен екінші таймда өнер көрсетіп, өз алаңында бір ұпай еншіледі, дегенмен жанкүйерлер жеңістің дәмін сағынып қалды. Аса тартысты матч күтіп тұрғаны сөзсіз, болжамым – «Елімай» бір гол айырмашылығымен жеңіске жетеді.
«Тобыл» - «Тұран»
«Тобыл» Шымкентте «Ордабасымен» кездесуден кейін оңтүстіктің тағы бір ұжымына қарсы ойнайды. Оның бұл турдағы қарсыласы – Қазақстан Премьер-лигасындағы 12 матч қатарынан жеңіссіз өткен ұзақ серияны аяқтаған «Тұран». Оған дейін 11 матчқа созылған жеңіліс сериясына нүкте қойған еді. Бұл команданың ойыны түзеліп келеді. Олар «Түркістан Аренада» үш ұпай еншілеп, турнир кестесіндегі жағдайын жақсартты. Бұл екі командада доп тебетін ойыншылардың шеберлік деңгейінің айырмашылығы өте жоғары. Менің ойымша, түркістандық клуб қарсыласына тойтарыс бере алмайды. Бұл матчта «Тобыл» екі доп басымдығымен жеңіске жетеді.
«Жеңіс» - «Астана»
Елорда дербиін асыға күтіп отырмын! Бұл матчты қызығырақ ететін тағы бір фактор – Демченко ұжымының керемет ойыны. Маусымды сылбыр бастаған «Жеңіс» қазір оталды. Ал «Астана» болса, бар күшті Премьер-лигаға салып, өткен турда «Ұлытауды» аямады. Сонымен қоса, «Елімай» қонақта ел чемпионы «Қайратты» қапы қалдырып, Бабаян командасына керемет сый жасады. Соның арқасында «Астана» дәл қазір көш басында. Бірінші айналымдағы матчта тек 88-минутта «Астана» жеңіс голын соққан болатын. Бұл дербиде мына команда жеңеді деп айту қиын. Екі команда да гол соғатыны анық. Ал нәтижені көреміз.
«Қайсар» - «Атырау»
«Қайсар» өз алаңында ерекше мықты, көш басындағы талай фавориттен ұпай тартып алған. Ал «Атырау» қатарынан соңғы 4 матч ұпай еншілеп келе жатса да, әлі де соңғы орыннан жоғары көтеріле алмай, қауіпті аймақтан шыға алмай жатыр. Дегенмен «мұнайшылар» ойыны түзеліп келеді. Бұл кездесуде көп гол бола қоймас, матч тағдырын тіпті бір ғана гол шешіп кетуі мүмкін.
«Ұлытау» - «Ордабасы»
Шымкеттіктердің мүлде жолы болмай жүр, статистика бойынша ұпай санасақ, олар турнир кестесінің көш басында болатын еді. Бірақ таблодағы нәтиже мен соққылар статистикасы сәйкес келе бермейді. Бірінші айналымда жезқазғандықтар 1:0 есебімен сырт алаңда жеңіске жетіп еді, жалғыз голды пенальтиден Жасұлан Молдақараев соққан болатын. Дегенмен ол жайт тағы қайталана қоймас, сөйтіп «Ордабасыға» сәттілік жолдас болып, сол 10-турда кеткен есені Мартиннің командасы қайтарады деп ойлаймын.
«Ақтөбе» - «Жетісу»
Шушеначев «Оқжетпеске» қарсы осы маусымдағы өзінің үздік ойынын паш етуі «Ақтөбе» жанкүйерлерінің көңілін судай тасытып, оттай маздатты. Артур екінші таймда алаңғы шығып, ойынды түрлендіріп, командасының жігерлі жеңіске жетуіне тікелей көмектесті. Ал «Жетісу» болса, соңғы орындағы «Атыраумен» ұпай бөлісті. Сөйтіп қауіпті аймақтағы қарсыласымен ұпай айырмасын сақтап, тәуір нәтижеге қол жеткізді. Техникалық жеңілісті санамасақ Смақов командасы үш матч қатарынан жеңілмей келеді. Ойынның сценарийі Қобыландыдағы соңғы матчқа ұқсас болатын шығар. Бірақ Әлібек Қасым бұл жолы тағы автогол соға қоймас, болжамым - кездесу 2:0 есебімен аяқталады.
«Елімай» - «Қызылжар»
Бұл тур шымылдығын ашатын матчтардың бірі. Семейліктер көш басындағы «Ақтөбе» және «Қайрат» клубтарына қарсы ойында жігерлі жеңіске жетіп, жүлде үшін таласқа қосылды. Келесі қарсыласы Чурчичтің «Қызылжары» болып тұр. Бұл ұжымның да өткен турдағы ойынын тамашалап, таңдай қақтық. Он футболшымен екінші таймда өнер көрсетіп, өз алаңында бір ұпай еншіледі, дегенмен жанкүйерлер жеңістің дәмін сағынып қалды. Аса тартысты матч күтіп тұрғаны сөзсіз, болжамым – «Елімай» бір гол айырмашылығымен жеңіске жетеді.
«Тобыл» - «Тұран»
«Тобыл» Шымкентте «Ордабасымен» кездесуден кейін оңтүстіктің тағы бір ұжымына қарсы ойнайды. Оның бұл турдағы қарсыласы – Қазақстан Премьер-лигасындағы 12 матч қатарынан жеңіссіз өткен ұзақ серияны аяқтаған «Тұран». Оған дейін 11 матчқа созылған жеңіліс сериясына нүкте қойған еді. Бұл команданың ойыны түзеліп келеді. Олар «Түркістан Аренада» үш ұпай еншілеп, турнир кестесіндегі жағдайын жақсартты. Бұл екі командада доп тебетін ойыншылардың шеберлік деңгейінің айырмашылығы өте жоғары. Менің ойымша, түркістандық клуб қарсыласына тойтарыс бере алмайды. Бұл матчта «Тобыл» екі доп басымдығымен жеңіске жетеді.
«Жеңіс» - «Астана»
Елорда дербиін асыға күтіп отырмын! Бұл матчты қызығырақ ететін тағы бір фактор – Демченко ұжымының керемет ойыны. Маусымды сылбыр бастаған «Жеңіс» қазір оталды. Ал «Астана» болса, бар күшті Премьер-лигаға салып, өткен турда «Ұлытауды» аямады. Сонымен қоса, «Елімай» қонақта ел чемпионы «Қайратты» қапы қалдырып, Бабаян командасына керемет сый жасады. Соның арқасында «Астана» дәл қазір көш басында. Бірінші айналымдағы матчта тек 88-минутта «Астана» жеңіс голын соққан болатын. Бұл дербиде мына команда жеңеді деп айту қиын. Екі команда да гол соғатыны анық. Ал нәтижені көреміз.
«Қайсар» - «Атырау»
«Қайсар» өз алаңында ерекше мықты, көш басындағы талай фавориттен ұпай тартып алған. Ал «Атырау» қатарынан соңғы 4 матч ұпай еншілеп келе жатса да, әлі де соңғы орыннан жоғары көтеріле алмай, қауіпті аймақтан шыға алмай жатыр. Дегенмен «мұнайшылар» ойыны түзеліп келеді. Бұл кездесуде көп гол бола қоймас, матч тағдырын тіпті бір ғана гол шешіп кетуі мүмкін.
«Ұлытау» - «Ордабасы»
Шымкеттіктердің мүлде жолы болмай жүр, статистика бойынша ұпай санасақ, олар турнир кестесінің көш басында болатын еді. Бірақ таблодағы нәтиже мен соққылар статистикасы сәйкес келе бермейді. Бірінші айналымда жезқазғандықтар 1:0 есебімен сырт алаңда жеңіске жетіп еді, жалғыз голды пенальтиден Жасұлан Молдақараев соққан болатын. Дегенмен ол жайт тағы қайталана қоймас, сөйтіп «Ордабасыға» сәттілік жолдас болып, сол 10-турда кеткен есені Мартиннің командасы қайтарады деп ойлаймын.
«Ақтөбе» - «Жетісу»
Шушеначев «Оқжетпеске» қарсы осы маусымдағы өзінің үздік ойынын паш етуі «Ақтөбе» жанкүйерлерінің көңілін судай тасытып, оттай маздатты. Артур екінші таймда алаңғы шығып, ойынды түрлендіріп, командасының жігерлі жеңіске жетуіне тікелей көмектесті. Ал «Жетісу» болса, соңғы орындағы «Атыраумен» ұпай бөлісті. Сөйтіп қауіпті аймақтағы қарсыласымен ұпай айырмасын сақтап, тәуір нәтижеге қол жеткізді. Техникалық жеңілісті санамасақ Смақов командасы үш матч қатарынан жеңілмей келеді. Ойынның сценарийі Қобыландыдағы соңғы матчқа ұқсас болатын шығар. Бірақ Әлібек Қасым бұл жолы тағы автогол соға қоймас, болжамым - кездесу 2:0 есебімен аяқталады.